Juece 16:7 - Ãcõrẽ Bed̶ea

⁷ Sansoʌ̃ba sewad̶eba panusia: –Siete enedrʌma jʌ̃cara djiwid̶iba mʌ̃da jʌ̃nibʌrʌ, mʌ̃ra juerza neẽ́ b̶eya. Baridua ẽberãca b̶eya.–

Juece 16:7 Iomraidhean Croise

Romano 3:8

Mãwãra ¿dadjirãba aud̶uara cadjiruada od̶ida panʌca ẽberãrãba Ãcõrẽa aud̶uara bia bed̶ead̶amãrẽã? Ʌ̃cʌrʌba ãdji crĩcha cadjiruad̶eba jarabadaa daiba mãwã jaradia panʌda. Mãwã jara b̶eara Ãcõrẽba wãrãda biẽ́ b̶ʌida b̶ʌa.

Galata 6:7

Ara bãdub̶a cũrũgarãnadua. Ni ab̶aʌba Ãcõrẽra poya cũrũgaẽ́a. Quĩrãnebad̶adua: ne u b̶ʌba idjia ubʌrʌ quĩrãca ewaya.

Colosa 3:9

Djãrãa sewa orãnadua. Bãrãra naẽna cadjiruad̶e pananada ẽdrʌsid̶aa. Bãrãba cadjirua obadaped̶ad̶ara idu b̶ʌsid̶aa.

Juece 16:10

Mãwãnacarea Dalilaba Sansoʌ̃a jarasia: –¡Bʌa mʌ̃ra cũrũgasia! Bʌa sewada osia. Mʌ̃ quĩrã djuburia, wãrãda jaradua sãwã bʌra jʌ̃nida poya ẽdrʌrãmãrẽã.–

Juece 16:6

Maʌ̃ carea Dalilaba Sansoʌ̃a nãwã iwid̶isia: –Mʌ̃ djuburia, jaradua bʌ juerzara ¿cãrẽneba ze b̶ʌ? ¿Bʌra sãwã jʌ̃nida panʌ poya ẽdrʌrãmãrẽã?–

Juece 16:8

Maʌ̃ bẽrã pilisteorãba Dalilamaa enedrʌma jʌ̃cara djiwid̶ida siete edesid̶aa. Maʌ̃ba Dalilaba Sansoʌ̃ra jʌ̃sia.

Juece 16:9

Ʌ̃cʌrʌ pilisteorãda idji ded̶e mĩrũ panʌ bẽrã Dalilaba jĩgua jarasia: –¡Sansoʌ̃, pilisteorãba bʌra jidad̶e zebʌdaa!– Ara maʌ̃da Sansoʌ̃ba jʌ̃carara tʌcuasia oveja cara nayãna bá wãna quĩrãca. Maʌ̃ bẽrã pilisteorãba wad̶ibid̶a cawad̶aẽ́ basía idji juerzara cãrẽneba ze b̶ʌda.

1 Samuel 19:17

Maʌ̃ carea Saulba idji cau Micalea jarasia: –¿Cãrẽ cãrẽã mʌ̃ra jãwã cũrũgasi? ¿Cãrẽ cãrẽã mʌ̃ dji quĩrũra mĩrũ wãmãrẽã carebasi?– Micalba panusia: –Idjia jarasia carebaẽ́bʌrʌ mʌ̃ra beaida.–

1 Samuel 27:10

Maʌ̃ne Aquisiba nãwã iwid̶ibadjia: –Id̶i bãrãra ¿sãma ne jãrĩcuad̶e wã panasid̶a?– Maʌ̃ne Daviba sewad̶eba nãwã panubadjia: –Negue ẽjũãne Juda druad̶e Jerameeld̶eba yõped̶ad̶arãba eropananada, quenitarãba eropanana sid̶a jãrĩcuad̶e wã panasid̶aa.–