Juece 16:4 - Ãcõrẽ Bed̶ea

⁴ Mãwãnacarea Sansoʌ̃ba dewara wẽrãda awuasia. Maʌ̃ wẽrã Dalila abadara Sorec jewed̶ad̶e b̶abadjia.

Juece 16:4 Iomraidhean Croise

1 Reye 11:1

Salomoʌ̃ba ãĩbema wẽrãrãda zocãrã awuasia. Maʌ̃ bẽrã idji quima Egiptod̶ebema boro cau awara zocãrã edasia: wẽrãrã Moab druad̶ebemada, Amoʌ̃ druad̶ebemada, Edoʌ̃ druad̶ebemada, Sidoʌ̃ druad̶ebemada, idjab̶a hititarãnebema sid̶a.

1 Corinto 10:6

Maʌ̃ ewarid̶e mãwãnaba dadjirãa cawabi b̶ʌa ne cadjiruara awuad̶iẽ́ panʌda ãdjirãba awuaped̶ad̶a quĩrãca.

Juece 16:3

Baribʌrʌ Sansoʌ̃ra ariquẽtrabe cãĩsia. Piradrʌped̶a dji purud̶e ed̶a wãbadada, dji jĩrũ egorod̶e jou nũmʌ sid̶a ẽũta edasia. Maʌ̃gʌra dji bacuru caru nũmʌ sid̶a jũma idji equiad̶e jira edaped̶a tʌmʌ Hebroʌ̃ puru quĩrãpe b̶ʌ eyad̶aa edesia.

Juece 16:5

Ewari ab̶a pilisteorã bororãra Dalilamaa wãnaped̶a nãwã jarasid̶aa: –Daiba quĩrĩã panʌa bʌa Sansoʌ̃ra cũrũgaida jaramãrẽã idji juerzara cãrẽneba ze b̶ʌda idjab̶a sãwã idjira poyad̶ida. Mãwã idjira jʌ̃naped̶a dai jʌwaed̶a eropanania. Bʌa mãwã osira daiza bʌ́a parata torroda mil cien diad̶ia.–