Juece 16:21 - Ãcõrẽ Bed̶ea

²¹ Maʌ̃be pilisteorãba idjira jidad̶aped̶a idji daura nuẽtad̶aped̶a Gaza purud̶aa edesid̶aa. Mama bronce od̶a carena omoaba jʌ̃naped̶a preso b̶ʌsid̶aa. Maʌ̃ne trigora yud̶e b̶abibadjid̶aa.

Juece 16:21 Iomraidhean Croise

2 Reye 25:7

Sedequíaba acʌ b̶ʌd̶e Nabucodonosóba idji warrarãda quenabisia. Jũma quenanaped̶a Sedequía daura umena nuẽtabisia. Maʌ̃be bronce od̶a carenaba jʌ̃naped̶a Babilonia druad̶aa jida edesid̶aa.

Exodo 11:5

Maʌ̃ne umaquĩrã warra dji nabemarãra jũma beud̶ia. Egiptod̶ebema boro umaquĩrã warra dji nabemara beuya. Dji ed̶aara b̶ʌ nezocawẽrãba erob̶ʌ umaquĩrã warra dji nabema sid̶a beuya. Idjab̶a animarã warra dji umaquĩrã naãrã tod̶a sid̶a jũma beud̶ia.

Numero 16:14

Bʌa drua biad̶aa edeyad̶a asia. Maʌ̃ druad̶e baridua ne uped̶ad̶ara bia zaubariad̶a asia. Baribʌrʌ bʌa daira mamaa edeẽ́ tab̶ʌa. Ẽjũãda, uva bara b̶ʌ ẽjũã sid̶a diaẽ́ tab̶ʌa. ¿Bʌa wad̶ibid̶a daira cũrũga quĩrĩã b̶ʌca? Daira bʌmaa wãnaẽ́a.–

Mateo 24:41

Wẽrãrãda umé ab̶ari yud̶e ne b̶a panʌne mʌ̃, Naʌ̃ Djara Edad̶aba ab̶a edeya baribʌrʌ dewarabemara b̶eya.

Juece 16:20

Maʌ̃be Dalilaba jĩgua jarasia: –¡Sansoʌ̃, pilisteorãba bʌra jidad̶e zebʌdaa!– Ara maʌ̃da Sansoʌ̃ra ʌ̃rʌ̃maped̶a ẽdrʌida crĩchasia naẽna ẽdrʌbari bad̶a quĩrãca. Baribʌrʌ adua b̶asia Ãcõrẽra idji ume b̶ad̶ada ãyã wãsida.

Juece 16:22

Baribʌrʌ idji bud̶ara waya ureabʌrʌ basía.