Juece 16:18 - Ãcõrẽ Bed̶ea

¹⁸ Dalilaba cawasia Sansoʌ̃ba jarad̶ara wãrãda. Maʌ̃ bẽrã pilisteorã bororãa nãwã jarabisia: –Wayacusa zed̶adua. Sansoʌ̃ba idji juerzad̶ebemada mʌ̃́a wãrãda jarasia.– Ara maʌ̃da pilisteorãra Dalilamaa zesid̶aa parata diad̶i carea.

Juece 16:18 Iomraidhean Croise

1 Timoteo 6:10

Ne jũma cadjiruara parata awua b̶ʌd̶eba zebaria. Ara maʌ̃ awua panʌneba ʌ̃cʌrʌba Crito ĩjã pananara igarasid̶aa. Mãwã ãdjira bio biẽ́ara panesid̶aa.

Mateo 26:15

Idjia nãwã iwid̶isia: –Mʌ̃a bãrãa Jesuda jida diaibʌrʌ, ¿bãrãba mʌ̃́a cãrẽda diad̶i?– Maʌ̃ne ãdjirãba parata torroda treinta diasid̶aa.

Juece 16:5

Ewari ab̶a pilisteorã bororãra Dalilamaa wãnaped̶a nãwã jarasid̶aa: –Daiba quĩrĩã panʌa bʌa Sansoʌ̃ra cũrũgaida jaramãrẽã idji juerzara cãrẽneba ze b̶ʌda idjab̶a sãwã idjira poyad̶ida. Mãwã idjira jʌ̃naped̶a dai jʌwaed̶a eropanania. Bʌa mãwã osira daiza bʌ́a parata torroda mil cien diad̶ia.–

Epeso 5:5

Bãrãba cawa panʌa daunemabadara, aud̶ua nĩbabadara, ne jũma awuabada sid̶a Critoba, Ãcõrẽ bid̶a ãdji purud̶e edad̶aẽ́da. Ne jũma awua b̶aira jʌwaba od̶a ãcõrẽ ẽpẽ b̶ʌ quĩrãca b̶ʌa, Ãcõrẽ cãyãbara idjia awua b̶ʌda biara ẽpẽ b̶ʌ bẽrã.

1 Reye 21:20

Elía Acaboma jũẽsid̶e Acaboba idjía jarasia: –Mʌ̃ dji quĩrũ, ¿bʌa mʌ̃ra acʌd̶e ze b̶ʌca?– Elíaba panusia: –Mãẽ, bʌra acʌd̶e ze b̶ʌa. Bʌa Ãcõrẽ quĩrãpita jũmawãyã cadjiruada o b̶ʌa.

Numero 22:7

Moab druad̶ebema dji dromarãra, Madiaʌ̃nebema dji dromarã sid̶a Balaaʌ̃maa wãsid̶aa. Paratada Balaaʌ̃a diad̶i carea edesid̶aa israelerã biẽ́ jara b̶ʌd̶e zemãrẽã. Balaaʌ̃ma jũẽsid̶ad̶e jũma Balába jarabid̶ada nẽbʌrʌsid̶aa.

Juece 16:17

Maʌ̃ carea idji juerzara cãrẽneba ze b̶ʌda wãrãda jarasia: –Mʌ̃ra nazareo bẽrã mʌ̃ bud̶ara tʌd̶acaa. Mʌ̃ papa b̶ited̶aʌba mʌ̃ra Ãcõrẽ itea b̶esia. Mʌ̃ bud̶ada tʌd̶ibʌrʌ mʌ̃ra juerza neẽ́ b̶eya. Baridua ẽberãca b̶eya.–

Juece 16:19

Maʌ̃be Sansoʌ̃ boro idji b̶acarad̶e b̶ʌd̶e Dalilaba Sansoʌ̃ra cãĩbisia. Maʌ̃ne ab̶a trʌ̃sia Sansoʌ̃ bud̶a cad̶a siete panʌra tʌmãrẽã. Mãwã Dalilaba Sansoʌ̃ra biẽ́ osia. Juerza bara b̶ad̶ada Sansoʌ̃ra juerza neẽ́ b̶esia.