Juece 15:6 - Ãcõrẽ Bed̶ea

⁶ Maʌ̃ carea pilisteorãba jũmarãa iwid̶isid̶aa caiba mãwã osi cawaya. Maʌ̃ne cawasid̶aa Sansoʌ̃ba mãwã osida idji zãwãrẽ bai b̶ad̶aba idji caura Sansoʌ̃a diai cãyãbara Sansoʌ̃ ume b̶ad̶a ẽberãa diad̶a bẽrã. Maʌ̃ carea pilisteorãba dji wẽrãra, dji zeza sid̶a bá beasid̶aa.

Juece 15:6 Iomraidhean Croise

1 Tesalonica 4:6

Maʌ̃gʌd̶eba djabarãda biẽ́ orãnadua idjab̶a cũrũgarãnadua. Jũma maʌ̃gʌra dadjirã Boroba cawa oya daiba bãrãa jaraped̶ad̶a quĩrãca.

Juece 12:1

Jepteba amonitarã poyad̶acarea Epraiʌ̃nebema sordaorãda dji jʌred̶aped̶a Jordaʌ̃ do chãnaped̶a Sapoʌ̃ puruare Jepte b̶ʌmaa wãsid̶aa. Quĩrũbid̶eba Jeptea nãwã iwid̶isid̶aa: –¿Cãrẽ cãrẽã bʌdub̶a amonitarã ume djõne wãsi? ¿Cãrẽ cãrẽã dairãra trʌ̃ẽ́ basi bʌ ume wãnamãrẽã? Mãwã od̶a bẽrã dairãba bʌra, bʌ de sid̶a jũma babued̶ia.–

Juece 14:15

Maʌ̃ carea quĩmãrẽbema ewarid̶e Sansoʌ̃ba edai wẽrãa nãwã jarasid̶aa: –¿Bãrãba dairãra trʌ̃sid̶aca dairãneda jãrĩni carea? Jãʌ̃ mĩãdjiruba jara b̶ʌra bʌdji quimaa iwid̶idua. Mãwã oẽ́bʌrʌ daiba bʌra, bʌ ẽberãrã sid̶a babued̶ia.–

Juece 15:5

Maʌ̃be ĩbĩrãra coacuaped̶a usa pãra pilisteorã néud̶e buecuasia. Maʌ̃ba ãdji trigora jũma bá wãsia, dji ewaped̶ad̶ada, dji ewad̶aẽ́ panʌ sid̶a. Maʌ̃ awara ãdji uva ẽjũãra, olivo ẽjũã sid̶a jũma bá wãsia.

Juece 15:7

Maʌ̃ne Sansoʌ̃ba jarasia: –Bãrãba mãwã oped̶ad̶a bẽrã mʌ̃a wãrãneba jaraya ʌ̃nãũẽ́ bãrãra biẽ́ o b̶aida ab̶a mʌ̃a quĩrĩãbʌrʌ quĩrãca obʌrʌd̶aa.–