Juece 15:11 - Ãcõrẽ Bed̶ea

¹¹ Maʌ̃ carea Judad̶ebemarãra Etam eya ʌra jira b̶ʌd̶aa tres mil wãsid̶aa. Sansoʌ̃ b̶abari uriama jũẽnaped̶a idjía nãwã jarasid̶aa: –Bʌa ¿cãrẽ cãrẽã dadjirãra nẽbʌrad̶e b̶ʌsi? ¿Adua b̶ʌca dadjirãra pilisteorã jʌwaed̶a panʌda?– Sansoʌ̃ba panusia: –Ãdjirãba mʌ̃da biẽ́ oped̶ad̶a bẽrã mʌ̃a ãdjira ara maʌ̃ quĩrãca osia.–

Juece 15:11 Iomraidhean Croise

Juece 13:1

Mãwãnacarea israelerãba wayacusa Ãcõrẽ quĩrãpita cadjiruada o panesid̶aa. Maʌ̃ carea Ãcõrẽba ãdjirãra cuarenta poa pilisteorã jʌwaed̶a b̶ʌsia.

Juece 14:4

Idji djibarirãba adua panasid̶aa Ãcõrẽbʌrʌ Sansoʌ̃a mãwã crĩchabisida. Mãwã osia Sansoʌ̃ra pilisteorã ume djõne wãmãrẽã. Maʌ̃ ewarid̶e israelerãra pilisteorã jʌwaed̶a panasid̶aa.

Juece 15:10

Maʌ̃ne Judad̶ebemarãba ãdjirãa nãwã iwid̶isid̶aa: –¿Cãrẽ cãrẽã dairã ume djõne ze panʌ?– Pilisteorãba panusid̶aa: –Sansoʌ̃da jidad̶e ze panʌa dairãra biẽ́ od̶a bẽrã.–

Juece 15:12

Maʌ̃ne Judad̶ebemarãba jarasid̶aa: –Dairãra ze panʌa bʌra pilisteorãa jida diad̶i carea.– Maʌ̃ne Sansoʌ̃ba jarasia: –Naãrã wãrãneba jarad̶adua bãrãba mʌ̃ra bead̶aẽ́da.–