Juece 14:6 - Ãcõrẽ Bed̶ea

⁶ Ara maʌ̃da Ãcõrẽ Jaured̶eba Sansoʌ̃ra bio juerza baraped̶a ara idji jʌwaba imamara beasia chiwatu zaque beabʌrʌ quĩrãca. Mãwã bead̶amĩna idji djibarirãa jaraẽ́ basía.

Juece 14:6 Iomraidhean Croise

Mateo 11:29

Idu mʌ̃́a jipa pe edebid̶adua. Mʌ̃neba cawa wãnadua. Mʌ̃a jũma droabaria idjab̶a sod̶eba djãrã cãyãbara dji dromaara b̶ʌda crĩchacaa. Mʌ̃maa zed̶ibʌrʌ bãrãra wãrãda ʌ̃nãũnia.

Hebreo 11:33

Ãcõrẽda ĩjã panana bẽrã ʌ̃cʌrʌba drua b̶eara poyasid̶aa, ʌ̃cʌrʌba ãdji druara jipa erob̶easia, idjab̶a ʌ̃cʌrʌba naʌ̃ ẽjũãne Ãcõrẽba diai jarad̶ara edasid̶aa. Ãcõrẽda ĩjã panana bẽrã ʌ̃cʌrʌra Ãcõrẽba imamaa idu cobiẽ́ basía.

1 Juaʌ̃ 3:8

Baribʌrʌ cadjirua o b̶ʌra diaurud̶ea, diaurura naãrãed̶aʌba cadjirua obari bẽrã. Ãcõrẽ Warrara naʌ̃ ẽjũãnaa zesia diauruba o b̶ʌ poyai carea.

Juece 11:29

Maʌ̃ne Ãcõrẽ Jaurera Jeptemaa zesia. Maʌ̃ bẽrã Jeptera Gala ẽjũãne, Manased̶eba yõped̶ad̶arã ẽjũãne bid̶a jũma pʌrrʌasia sordaorã jʌrei carea. Sordaorã ãbaa jʌreped̶a Gala druad̶e b̶ʌ Mizpa purud̶e jũẽsia. Mamaʌba amonitarã ume djõne wãsia.

Juece 13:25

Maʌ̃ ewarid̶e Sansoʌ̃ra Daʌ̃neba yõped̶ad̶arã purud̶e b̶abadjia Zora puru idjab̶a Estaol puru ẽsi. Mama Ãcõrẽ Jaureba unubibadjia idjira Sansoʌ̃ ume b̶ʌda.

Juece 14:19

Maʌ̃ne Ãcõrẽ Jaured̶eba Sansoʌ̃ra bio juerza baraped̶a pilisteorã puru Ascaloʌ̃naa wãsia. Mamabemarãda treinta beaped̶a ãdjia cacuad̶e jʌ̃badara edaped̶a mĩãdjiru arid̶e jaraped̶ad̶arãa diasia. Mãwãnacarea bio quĩrũ b̶ʌda idji zeza ded̶aa jẽda wãsia.

Juece 14:5

Maʌ̃be Sansoʌ̃ djibarirãra Timnata purud̶aa wãsid̶aa. Idji sid̶a ãdji caid̶u wãsia. Sansoʌ̃ Timnatad̶ebema uva ẽjũãne jũẽbʌrʌd̶e imamaba idjira orrasia.

Juece 14:7

Maʌ̃be Timnatad̶e jũẽped̶a dji wẽrã ume bed̶easia. Maʌ̃ wẽrãra bio awuasia.

Juece 15:15

Maʌ̃ne burro beud̶a quid̶atrʌda unuped̶a edasia. Maʌ̃ba pilisteorãda mil quenasia.

Juece 15:8

Mãwã jaraped̶a quĩrũbid̶eba pilisteorãra zocãrã quenasia. Maʌ̃be Sansoʌ̃ra Etam eya ʌra jira b̶ad̶aa wãsia. Mama uriad̶e b̶esia.

1 Samuel 10:16

Saulba jarasia: –Idjia daia ebud̶a jarasia bãrãba burrora unusid̶ada.– Baribʌrʌ Saulba jaraẽ́ basía Samuelba idjira israelerã boro bai jarad̶ara.

1 Samuel 10:6

Maʌ̃ unubʌrʌd̶e Ãcõrẽ Jaurera bʌmaa zeya. Maʌ̃ bẽrã bʌ sid̶a ãdjirã quĩrãca Ãcõrẽneba bed̶eaya. Mamaʌba ʌ̃taa bʌra awara b̶eya.

1 Samuel 11:6

Saulba maʌ̃ ũrĩsid̶e Ãcõrẽ Jaured̶eba b̶esia. Nahasaba israelerã biẽ́ oi jarad̶a carea Saulora bio quĩrũsia.

1 Samuel 17:46

Id̶i ara maʌ̃ Ãcõrẽba bʌra mʌ̃́a poyabiya. Mʌ̃a bʌra beaped̶a ob̶ʌá tutaya. Bʌ djarara, waabema pilisteorã djara sid̶a mʌ̃a diaya ãgosoba, mẽãbema animarã bid̶a cod̶amãrẽã. Mãwã jũmarãba cawad̶ia wãrã Ãcõrẽda dai israelerã tãẽna b̶ʌda.