Juece 14:4 - Ãcõrẽ Bed̶ea

⁴ Idji djibarirãba adua panasid̶aa Ãcõrẽbʌrʌ Sansoʌ̃a mãwã crĩchabisida. Mãwã osia Sansoʌ̃ra pilisteorã ume djõne wãmãrẽã. Maʌ̃ ewarid̶e israelerãra pilisteorã jʌwaed̶a panasid̶aa.

Juece 14:4 Iomraidhean Croise

1 Reye 12:15

Puruba iwid̶id̶ara Roboaʌ̃ba ĩjãẽ́ basía Ãcõrẽba mãwã quĩrĩãna bẽrã. Idjia Silo purud̶ebema Ahíad̶eba Nabat warra Jeroboaʌ̃a jarad̶ara jũma mãwãbisia.

1 Reye 12:24

“Ãcõrẽba nãwã jara b̶ʌa: bãrã djabarã israelerã ume djõne wãrãnadua. Mʌ̃abʌrʌ ãdjirãra awara wãbisia. Maʌ̃ bẽrã jũmarãda diguid̶aa wãnadua.”– Ara maʌ̃da Ãcõrẽba jarad̶ara jũmarãba ĩjãsid̶aa. Ãdjirãra diguid̶aa wãsid̶aa Ãcõrẽba jarad̶a quĩrãca.

Josue 11:20

Wãrãda Ãcõrẽbʌrʌ maʌ̃ purud̶ebemarãra so zarea b̶ʌsia israelerã ume djõne wãnamãrẽã. Mãwã quĩrã djuburia neẽ́ israelerãba ãdjirãra jũma quenasid̶aa Ãcõrẽba Moisea jarad̶a quĩrãca.

Juece 13:1

Mãwãnacarea israelerãba wayacusa Ãcõrẽ quĩrãpita cadjiruada o panesid̶aa. Maʌ̃ carea Ãcõrẽba ãdjirãra cuarenta poa pilisteorã jʌwaed̶a b̶ʌsia.

Juece 14:5

Maʌ̃be Sansoʌ̃ djibarirãra Timnata purud̶aa wãsid̶aa. Idji sid̶a ãdji caid̶u wãsia. Sansoʌ̃ Timnatad̶ebema uva ẽjũãne jũẽbʌrʌd̶e imamaba idjira orrasia.

Juece 15:11

Maʌ̃ carea Judad̶ebemarãra Etam eya ʌra jira b̶ʌd̶aa tres mil wãsid̶aa. Sansoʌ̃ b̶abari uriama jũẽnaped̶a idjía nãwã jarasid̶aa: –Bʌa ¿cãrẽ cãrẽã dadjirãra nẽbʌrad̶e b̶ʌsi? ¿Adua b̶ʌca dadjirãra pilisteorã jʌwaed̶a panʌda?– Sansoʌ̃ba panusia: –Ãdjirãba mʌ̃da biẽ́ oped̶ad̶a bẽrã mʌ̃a ãdjira ara maʌ̃ quĩrãca osia.–

Juece 15:3

Maʌ̃ carea Sansoʌ̃ba jarasia: –¡Bãrãba mãwã oped̶ad̶a bẽrã mʌ̃a bãrã pilisteorã biẽ́ obʌrʌd̶e bed̶ead̶e b̶aẽ́a!–