Juece 14:3 - Ãcõrẽ Bed̶ea

³ Maʌ̃ne Sansoʌ̃ djibarirãba jarasid̶aa: –¿Cãrẽ cãrẽã pilisteo wẽrãda eda quĩrĩã b̶ʌ? Pilisteorãra cacua wẽãgoẽ́ tab̶eaa. ¿Dadji Daʌ̃neba yõped̶ad̶arã idjab̶a waabema israelerã tãẽna wẽrã biada neẽ́ca?– Sansoʌ̃ba panusia: –Mʌ̃a jãʌ̃ wẽrãda awua b̶ʌa. Idjira mʌ̃ itea iwid̶id̶adua.–

Juece 14:3 Iomraidhean Croise

Genesi 13:8

Maʌ̃ bẽrã Abraʌ̃ba Loa jarasia: –Dadjira ab̶ari ẽberãrã bẽrã bia b̶ʌẽ́a ijarad̶ida; bia b̶ʌẽ́a bʌ animarã wagabadara mʌ̃ animarã wagabada ume ijara pananida.

Genesi 21:27

Maʌ̃ ewarid̶e ãdji umérãba bed̶ea b̶ʌsid̶aa. Maʌ̃ne Abrahaʌ̃ba ovejada, paca sid̶a zocãrã eneped̶a Abimelea diasia.

Josue 23:12

Idjira igararãnadua. Maʌ̃ awara naʌ̃ druad̶ebemarã wad̶i dadjirã tãẽna b̶ea ume ãbaa b̶earãnadua. Bãrãba ãdji caurãda edad̶ibʌrʌ wa bãrã caurãda ãdjirãa diad̶ibʌrʌ, bio cawad̶adua dadji Ãcõrẽba ãdjirãra bãrã quĩrãpitabemada waa ãyã jʌretaẽ́da. Ãtebʌrʌ jʌ̃caraba animarã jidabada quĩrãca ãdjirãba bãrãra biẽ́ b̶ʌd̶ia. Soaba bãrã ẽcarrad̶e ubʌda quĩrãca wa ʌrʌ bãrã daud̶e b̶ʌ quĩrãca ãdjirãneba bãrãra bio mĩga panania ab̶a naʌ̃ ẽjũã bio bia b̶ʌ Ãcõrẽba diad̶ad̶e bãrã jũma quinibʌdad̶aa.

Juece 14:2

Jẽda diguid̶aa wãped̶a idji djibarirãa nãwã jarasia: –Mʌ̃a Timnata purud̶e pilisteo wẽrãda unusia. Mʌ̃ djuburia, idji djibarirãa idjira iwid̶id̶adua mʌ̃a edai carea.–

Juece 15:18

Sansoʌ̃ra bio opichia nũmʌ bẽrã Ãcõrẽa quĩrã djuburiada nãwã iwid̶isia: –Bʌa mʌ̃, bʌ nezocaa ãdjirãra poyabisia. Maʌ̃da ¿mʌ̃ra opichiaba idu beubica? ¿Opichiaba cacua norrab̶ariped̶a mʌ̃ra pilisteorã idu jidabica?–

1 Samuel 17:26

Daviba idji caita duanʌ ẽberãrãa nãwã iwid̶isia: –Jãʌ̃ pilisteo cacua wẽãgoẽ́ tab̶ʌra ¿cai jãwã Ãcõrẽ zocai b̶ʌ sordaorãda orra bed̶eai carea? Jãwã dadji israelerã biẽ́ jara b̶ʌda ab̶aʌba beaibʌrʌ, ¿cãrẽda idjía diad̶i?–

1 Samuel 17:36

Wida imama sid̶a mãwã obaria. Mʌ̃a jãʌ̃ pilisteo cacua wẽãgoẽ́ tab̶ʌra ara maʌ̃ quĩrãca oya, Ãcõrẽ zocai b̶ʌ sordaorãda orra bed̶ea b̶ʌ bẽrã.

1 Samuel 31:4

Maʌ̃ carea idji djõi careabema eronĩbabaría nãwã jarasia: –Bʌ necora ẽũtaped̶a mʌ̃ra su beadua. Mãwã oẽ́ra jãʌ̃ pilisteorã cacua wẽãgoẽ́ tab̶eaba mʌ̃ra jidad̶aped̶a bio pua unubid̶ia. Mãwã od̶aped̶a mʌ̃ra necoba su bead̶ia.– Baribʌrʌ Saul djõi careabema eronĩbabariba Saul beaira wayasia. Maʌ̃ carea Saulba idji necoda ʌ̃ta nũmʌped̶a ʌ̃rʌ̃ b̶aesia idub̶a beui carea.