Juece 14:12 - Ãcõrẽ Bed̶ea

¹² Sansoʌ̃ba maʌ̃ treinta panʌ́a nãwã jarasia: –Mʌ̃a bãrãa mĩãdjiruda jaraya. Siete ewari naʌ̃ b̶ʌsrid̶a cobada ewari o panʌne bãrãba maʌ̃ mĩãdjiruda cawa jarad̶ibʌrʌ, mʌ̃a bãrãza lino od̶a djioda ab̶a idjab̶a b̶ʌsrid̶a od̶i careabema djio sid̶a ab̶a diaya.

Juece 14:12 Iomraidhean Croise

Genesi 45:22

Ãdjiza cacuad̶e jʌ̃bada djiwid̶ida ab̶a ab̶a diacuasia. Baribʌrʌ Benjamiʌ̃a cacuad̶e jʌ̃badada juesuma diasia. Parata torro sid̶a tresciento diasia.

1 Reye 10:1

Wẽrãda Sabá druad̶ebema boro basía. Maʌ̃ wẽrãba ũrĩsia Salomoʌ̃ra Ãcõrẽneba trʌ̃ b̶ʌga b̶ʌda. Maʌ̃ carea idjia Salomoʌ̃a ne cawaiẽ́ b̶eada iwid̶id̶e wãsia poya panui cawaya.

2 Reye 5:22

Guieziba panusia: –Ni cãrẽ sid̶a sãwãnaẽ́ panʌa. Baribʌrʌ mʌ̃ boroba nãwã jara b̶ʌa: “Aretewa Ãcõrẽneba bed̶eabada cũdrarãda umé Epraiʌ̃ eyaid̶a b̶ʌ ẽjũãneba jũẽsid̶aa. Mʌ̃ djuburia paratada 75 libra idjab̶a cacuad̶e jʌ̃bada sid̶a umé diadua.”–

2 Reye 5:5

Maʌ̃ne Siriad̶ebema boroba jarasia: –Bia b̶ʌa. Wãdua. Mʌ̃a cartada Israeld̶ebema boro itea bʌ ume diabueya.– Ara maʌ̃da Naamaʌ̃ra wãsia. Idjia paratada 750 libra, oroda 150 libra, idjab̶a cacuad̶e jʌ̃badada 10 edesia.

Mateo 13:13

Maʌ̃ carea mʌ̃a ãdjirãa ne jara b̶ʌd̶eba jaradiabaria. Mʌ̃a o b̶ʌra ãdjirãba unu panʌmĩna cawad̶aẽ́ panʌa, idjab̶a mʌ̃a jara b̶ʌra ũrĩ panʌmĩna cawad̶aẽ́ panʌa.

Mateo 13:34

Jũma maʌ̃gʌra Jesuba ẽberãrãa ne jara b̶ʌd̶eba jaradiasia. Ab̶abe ne jara b̶ʌd̶eba ãdjirãa bed̶eabadjia.

Mateo 27:28

Maʌ̃be Jesuba cacuad̶e jʌ̃ b̶ʌra ẽrãnaped̶a cacua ʌ̃rʌ̃ jʌ̃bada purea b̶ʌda jʌ̃bisid̶aa.

Mateo 6:19

Naʌ̃ ẽjũãne nebia erob̶ead̶i carea jʌrʌrãnadua. Naʌ̃ ẽjũãnebemara mõgosiabaria, chimiaba ãrĩbaria, idjab̶a ne drʌabadara ed̶a wãnaped̶a drʌabadaa.

Luca 14:7

Jesuba unusia ne cod̶e zeped̶ad̶arãda bugue dji droma b̶ea careabemane chũmebʌdada. Maʌ̃ carea Jesuba ne jara b̶ʌd̶eba ãdjía nãwã jarasia:

Juaʌ̃ 16:29

Maʌ̃be idji ume nĩbabadarãba jarasid̶aa: –Ʌ̃rãbʌrʌ bʌa jara b̶ʌra daima ebud̶a b̶ʌa. Ne jara b̶ʌd̶eba bed̶ea b̶ʌẽ́a.

1 Corinto 13:12

Ara nawena dadjirãba Ãcõrẽnebemada jarijaria unu panʌa quĩrã acʌbadad̶e unu panʌ quĩrãca. Baribʌrʌ ewari ab̶a dadjirãba jũma ebud̶a ununia sãwãbʌrʌ b̶ʌda. Ara nawena mʌ̃a maãrĩ cawa b̶ʌa, baribʌrʌ ewari ab̶a jũma cawaya Ãcõrẽba mʌ̃ cawa b̶ʌ quĩrãca.

Santiago 5:2

Jũma bãrãba eropanʌra b̶erawad̶a quĩrãca b̶ʌa. Bãrãba cacuad̶e jʌ̃badara chimiaba ãrĩna quĩrãca b̶ʌa.

Juece 14:11

Pilisteorãba Sansoʌ̃ unusid̶ad̶e ãdji dji biarãda treinta edasid̶aa idji ume pananamãrẽã.

Juece 14:13

Baribʌrʌ cawa jarad̶aẽ́bʌrʌ, bãrãza mʌ̃́a lino od̶a djioda ab̶a idjab̶a b̶ʌsrid̶a od̶i careabema djio sid̶a ab̶a diad̶ida panʌa.– Ãdjia jarasid̶aa: –Bia b̶ʌa. Jaradua.–