Juece 14:11 - Ãcõrẽ Bed̶ea

¹¹ Pilisteorãba Sansoʌ̃ unusid̶ad̶e ãdji dji biarãda treinta edasid̶aa idji ume pananamãrẽã.

Juece 14:11 Iomraidhean Croise

Mateo 9:15

Jesuba ãdjía jarasia: –Umaquĩrãba wẽrã edabʌrʌd̶e ¿caida sopua b̶ai? Maʌ̃ umaquĩrãra wad̶ibid̶a idjia ed̶od̶arã ume b̶ʌmisa b̶ʌsrid̶a panania. Baribʌrʌ ewari ab̶a dewara ẽberãrãba idjira ãyã eded̶ia. Maʌ̃bebʌrʌ idjia ed̶od̶arãba ne cod̶aca ewarira od̶ia.

Juaʌ̃ 3:29

Quima edabʌdad̶e dji wẽrã edabʌrʌ umaquĩrãda dji dromaa. Idji ume dji biada arima b̶ebaria idjia jarabʌrʌra ĩjã oi carea. Baribʌrʌ b̶ʌsrid̶a b̶ʌa idji bed̶eada ũrĩ b̶ʌ bẽrã. Ara maʌ̃ quĩrãca mʌ̃a ũrĩ b̶ʌa mʌ̃ dji biaba ẽberãrãra jʌre b̶ʌda. Maʌ̃ carea mʌ̃ra bio b̶ʌsrid̶a b̶ʌa.

Juece 14:10

Sansoʌ̃ zezara dji wẽrã b̶ʌmaa wãsia. Mama Sansoʌ̃ba b̶ʌsrid̶a ne cobada waib̶ʌada osia cũdrarãba quima edabʌdad̶e obada quĩrãca.

Juece 14:12

Sansoʌ̃ba maʌ̃ treinta panʌ́a nãwã jarasia: –Mʌ̃a bãrãa mĩãdjiruda jaraya. Siete ewari naʌ̃ b̶ʌsrid̶a cobada ewari o panʌne bãrãba maʌ̃ mĩãdjiruda cawa jarad̶ibʌrʌ, mʌ̃a bãrãza lino od̶a djioda ab̶a idjab̶a b̶ʌsrid̶a od̶i careabema djio sid̶a ab̶a diaya.

1 Samuel 10:23

Ara maʌ̃da idjira jʌrʌd̶e pira wãnaped̶a puru quĩrãpita enesid̶aa. Maʌ̃ne puruba unusid̶aa idjira jũmarã cãyãbara drasoara b̶ʌda.

1 Samuel 16:6

Ãdji jũẽsid̶ad̶e Samuelba Jesé warra Eliáda unuped̶a nãwã crĩchasia: –Wãrãda naʌ̃drʌ Ãcõrẽba edasia israelerã boroda b̶amãrẽã.–