Juece 13:8 - Ãcõrẽ Bed̶ea

⁸ Maʌ̃ne Manoaba Ãcõrẽa nãwã iwid̶isia: –Dai Ãcõrẽ, mʌ̃ djuburia bʌa diabued̶a ẽberãda wayacusa daimaa diabuedua jaradiamãrẽã mʌ̃ quimaba toi warrara sãwã daupẽnida panʌda.–

Juece 13:8 Iomraidhean Croise

Hecho 9:6

Jãʌ̃be piradrʌped̶a Damasco purud̶aa wãdua. Jãma ab̶aʌba jaraya bʌa cãrẽda oida b̶ʌda.–

Juece 13:11

Maʌ̃ carea Manoara piradrʌped̶a idji quima ume wãsia. Dji ẽberã b̶ʌma jũẽped̶a nãwã jarasia: –Sãʌ̃bed̶a mʌ̃ quima ume bed̶ea b̶ad̶ara ¿bʌ basica?– Dji ẽberãba panusia: –Mãẽ. Mʌ̃ basía.–

Juece 13:3

Ewari ab̶a Ãcõrẽ nezoca bajãnebemada maʌ̃ wẽrãma odjaped̶a nãwã jarasia: –Mʌ̃a cawa b̶ʌa bʌra warra toca bẽrã warra neẽ́ b̶ʌda. Baribʌrʌ bʌra b̶iogoa b̶eped̶a umaquĩrã warrada toya.

Juece 13:6

Maʌ̃be dji wẽrãra idji quima Manoamaa wãped̶a nãwã jarasia: –Ẽberã Ãcõrẽba diabued̶ada mʌ̃maa zesia. Idjira bajãnebema nezoca quĩrãca ununa bẽrã mʌ̃a wayasia. Idjira sãmabemada, idji trʌ̃ sid̶a mʌ̃a iwid̶iẽ́ basía. Idjia mʌ̃́a jaraẽ́ basía.

Juece 13:7

Baribʌrʌ idjia jarasia mʌ̃ra b̶iogoa b̶eped̶a warrada toida. Maʌ̃ warrara mʌ̃ b̶ited̶a b̶ʌ ewarid̶eba ab̶a idji beubʌrʌd̶aa Ãcõrẽ itea b̶ayad̶a asia. Idjira nazareo bai bẽrã mʌ̃a uva b̶a aseada, dewara itua sid̶a docara b̶ʌad̶a asia. Maʌ̃ awara Ãcõrẽba idu cobicada mʌ̃a cocara b̶ʌad̶a asia.–

Juece 13:9

Manoaba iwid̶id̶ara Ãcõrẽba bia ũrĩsia. Maʌ̃ bẽrã bajãnebema nezocara dji wẽrãmaa waya zesia. Maʌ̃ne wẽrãra néud̶e b̶asia. Baribʌrʌ idji quima Manoara neẽ́ basía.