Juece 13:6 - Ãcõrẽ Bed̶ea

⁶ Maʌ̃be dji wẽrãra idji quima Manoamaa wãped̶a nãwã jarasia: –Ẽberã Ãcõrẽba diabued̶ada mʌ̃maa zesia. Idjira bajãnebema nezoca quĩrãca ununa bẽrã mʌ̃a wayasia. Idjira sãmabemada, idji trʌ̃ sid̶a mʌ̃a iwid̶iẽ́ basía. Idjia mʌ̃́a jaraẽ́ basía.

Juece 13:6 Iomraidhean Croise

Genesi 18:2

Acʌbʌrʌd̶e ẽberãda ũbea caita nũpanʌda unusia. Maʌ̃ ẽberãrã unubʌrʌd̶e araa pira wãsia audiab̶arid̶e. Chĩrãborod̶e cob̶eped̶a idji dratura egorod̶aa b̶arru tẽũ cob̶esia.

Genesi 32:29

Maʌ̃be Jacoboba jarasia: –Jãʌ̃be mʌ̃ djuburia bʌ trʌ̃ra jaradua.– Dji ẽberãba panusia: –¿Cãrẽ cãrẽã mʌ̃ trʌ̃ra iwid̶i b̶ʌ? Mʌ̃ trʌ̃ra mʌ̃a bʌ́a jaraẽ́a.– Mama dji ẽberãba Jacobora bia jara b̶ʌsia.

1 Reye 17:18

Maʌ̃ carea pẽdra wẽrãba Elíaa jarasia: –Ãcõrẽneba bed̶eabari, ¿cãrẽ cãrẽã mʌ̃ra mĩã sẽne zesi? ¿Mʌ̃ warra beumãrẽã mʌ̃a cadjirua od̶ara Ãcõrẽa quĩrãnebabid̶e zesica?–

1 Reye 17:24

Maʌ̃ne dji papaba Elíaa jarasia: –Id̶ibʌrʌ mʌ̃a cawasia bʌra wãrãda Ãcõrẽneba bed̶eabarida idjab̶a bʌa jara b̶ʌra wãrãda Ãcõrẽneba ze b̶ʌda.–

2 Reye 4:16

Maʌ̃be Eliseoba idjía jarasia: –Za uru poad̶e ara naʌ̃ jed̶ecod̶e bʌa warrada toped̶a bara erob̶aya.– Wẽrãba panusia: –Mãwã jararãdua, mʌ̃ boro. Ãcõrẽneba bed̶eabari, mʌ̃ra cũrũgarãdua.–

2 Reye 4:9

Maʌ̃ wẽrãba idji quimaa jarasia: –Mʌ̃a cawa b̶ʌa jãʌ̃ ẽberã dadjimaa ne cod̶e zebarira wãrãda Ãcõrẽneba bed̶eabarida.

Exodo 3:2

Mama Ãcõrẽba ara idjida unubisia bacuru zaqued̶e uruga nũmʌda. Moiseba unusia maʌ̃ bacurura eradrʌ nũmʌmĩna baẽ́ b̶ʌda.

Exodo 3:6

Mʌ̃ra bʌ zezaba ĩjã b̶ad̶a Ãcõrẽa. Abrahaʌ̃ba, Isaba, idjab̶a Jacoboba mʌ̃ra ĩjã panasid̶aa.– Maʌ̃ne Moiseba Ãcõrẽra waya b̶ʌ bẽrã idji quĩrãdarrara jũãtrʌsia Ãcõrẽ acʌ amaaba.

Luca 1:19

Bajãnebema nezocaba Zacaria jarasia: –Mʌ̃ra Gabriel, Ãcõrẽ nezocaa. Idjia mʌ̃ra bʌmaa diabuesia maʌ̃ bed̶ea biada jaramãrẽã.

Luca 9:29

Mama Jesuba Ãcõrẽa iwid̶i b̶ʌd̶e idji quĩrãdarrara dorrodorroa nũmesia. Idjia cacuad̶e jʌ̃ b̶ʌ sid̶a totroaba dorrodorroa nũmesia.

Hecho 6:15

Jũma dji bororã mama chũmeaba Estebaʌ̃ acʌbʌdad̶e unusid̶aa idji quĩrãra bajãnebema nezoca quĩrãdarra quĩrãca b̶ʌda.

1 Timoteo 6:11

Baribʌrʌ bʌa Critora ĩjã b̶ʌ bẽrã jũma maʌ̃gʌd̶ebemada ãĩ nĩbadua. Jipa nĩbadua. Ãcõrẽra ẽpẽdua. Sod̶eba wãrãda Critora ĩjã b̶adua. Jũmarãda quĩrĩã b̶adua. Jũma droadua. Jũmarã ume aduá b̶adua.

Apocalipsi 1:17

Idji unusid̶e ne wayaaba mʌ̃ra idji jĩrũ caita beud̶a quĩrãca egode tab̶esia. Baribʌrʌ idji jʌwa araarebemada mʌ̃ ʌ̃rʌ̃ b̶ʌped̶a jarasia: “Ne wayarãdua. Mʌ̃ra dji naãrãbemaa idjab̶a dji jĩrũarebemaa.

Juece 13:10

Maʌ̃ bẽrã dji wẽrãra idji quimamaa pira wãped̶a nãwã jarasia: –¡Mʌ̃a ẽberã sãʌ̃bed̶a ununara waya zesia!–

Juece 13:22

Maʌ̃ne idji quimaa nãwã jarasia: –Ãcõrẽda unuped̶ad̶a bẽrã dadjira beud̶ia.–

Juece 13:3

Ewari ab̶a Ãcõrẽ nezoca bajãnebemada maʌ̃ wẽrãma odjaped̶a nãwã jarasia: –Mʌ̃a cawa b̶ʌa bʌra warra toca bẽrã warra neẽ́ b̶ʌda. Baribʌrʌ bʌra b̶iogoa b̶eped̶a umaquĩrã warrada toya.

Juece 13:7

Baribʌrʌ idjia jarasia mʌ̃ra b̶iogoa b̶eped̶a warrada toida. Maʌ̃ warrara mʌ̃ b̶ited̶a b̶ʌ ewarid̶eba ab̶a idji beubʌrʌd̶aa Ãcõrẽ itea b̶ayad̶a asia. Idjira nazareo bai bẽrã mʌ̃a uva b̶a aseada, dewara itua sid̶a docara b̶ʌad̶a asia. Maʌ̃ awara Ãcõrẽba idu cobicada mʌ̃a cocara b̶ʌad̶a asia.–

Juece 13:8

Maʌ̃ne Manoaba Ãcõrẽa nãwã iwid̶isia: –Dai Ãcõrẽ, mʌ̃ djuburia bʌa diabued̶a ẽberãda wayacusa daimaa diabuedua jaradiamãrẽã mʌ̃ quimaba toi warrara sãwã daupẽnida panʌda.–

Juece 6:11

Maʌ̃ ewarid̶e Ãcõrẽ nezoca bajãnebemada zeped̶a Opra puru caita encina bacuru edre chũmesia. Maʌ̃ bacuru djibarira Abiezed̶eba yõna Joasa basía. Mama caita Joasa warra Gedeoʌ̃ba trigoda uva biwadʌgabada uriad̶e mẽrã ezoa b̶asia madianitarãba unurãnamãrẽã.

1 Samuel 2:27

Maʌ̃ ewarid̶e Ãcõrẽneba bed̶eabarida ab̶a Elimaa zeped̶a nãwã jarasia: –Ãcõrẽba nãwã jara b̶ʌa: “Bãrã drõã naẽnabemarã Egiptod̶ebema boro jʌwaed̶a panasid̶ad̶e mʌ̃a ãdjirãa ara mʌ̃nebemada ebud̶a cawabisia.

1 Samuel 9:6

Dji nezocaba panusia: –Naʌ̃ purud̶e Ãcõrẽneba bed̶eabarida b̶ʌa. Jũmarãba idjira waya panʌa. Jũma idjia jarabʌrʌra wãrãda mãwãbaria. Idjimaa wãna. Idjia poya jaraisicada sãma burrora jʌrʌd̶e wãnida panʌda.–