Juece 13:25 - Ãcõrẽ Bed̶ea

²⁵ Maʌ̃ ewarid̶e Sansoʌ̃ra Daʌ̃neba yõped̶ad̶arã purud̶e b̶abadjia Zora puru idjab̶a Estaol puru ẽsi. Mama Ãcõrẽ Jaureba unubibadjia idjira Sansoʌ̃ ume b̶ʌda.

Juece 13:25 Iomraidhean Croise

Mateo 4:1

Mãwãnacarea Ãcõrẽ Jaureba Jesura ẽjũã põãsa ewaraga b̶ʌd̶aa edesia. Maʌ̃be diauruba idjira mĩã sẽsia Ãcõrẽra igarabi carea.

Juaʌ̃ 3:34

Ãcõrẽba diabued̶aba Ãcõrẽ bed̶eada jarabaria, Ãcõrẽba idji Jaureda idji ume b̶emãrẽã diad̶a bẽrã.

Juece 11:29

Maʌ̃ne Ãcõrẽ Jaurera Jeptemaa zesia. Maʌ̃ bẽrã Jeptera Gala ẽjũãne, Manased̶eba yõped̶ad̶arã ẽjũãne bid̶a jũma pʌrrʌasia sordaorã jʌrei carea. Sordaorã ãbaa jʌreped̶a Gala druad̶e b̶ʌ Mizpa purud̶e jũẽsia. Mamaʌba amonitarã ume djõne wãsia.

Juece 14:1

Ewari ab̶a Sansoʌ̃ra pilisteorã puru Timnatad̶aa wãsia. Mama pilisteo wẽrãda unuped̶a awuasia.

Juece 14:19

Maʌ̃ne Ãcõrẽ Jaured̶eba Sansoʌ̃ra bio juerza baraped̶a pilisteorã puru Ascaloʌ̃naa wãsia. Mamabemarãda treinta beaped̶a ãdjia cacuad̶e jʌ̃badara edaped̶a mĩãdjiru arid̶e jaraped̶ad̶arãa diasia. Mãwãnacarea bio quĩrũ b̶ʌda idji zeza ded̶aa jẽda wãsia.

Juece 16:31

Mãwãnacarea idji djabarãba, jũma idji zeza ẽberãrã bid̶a idjira edad̶e wãsid̶aa. Maʌ̃be jẽda eded̶aped̶a tʌb̶arisid̶aa idji zeza Manoa tʌb̶ariped̶ad̶a uriad̶e Zora puru idjab̶a Estaol puru ẽsi. Sansoʌ̃ra veinte poa israelerã ẽdrʌ b̶ʌbari basía.

Juece 6:34

Maʌ̃ne Ãcõrẽ Jaurera Gedeoʌ̃maa zesia. Maʌ̃ bẽrã Gedeoʌ̃ba oveja cachuda jĩgua zásia Abiezed̶eba yõna purura ãbaa jʌrei carea.

1 Samuel 11:6

Saulba maʌ̃ ũrĩsid̶e Ãcõrẽ Jaured̶eba b̶esia. Nahasaba israelerã biẽ́ oi jarad̶a carea Saulora bio quĩrũsia.