Juece 13:23 - Ãcõrẽ Bed̶ea

²³ Baribʌrʌ dji quimaba jarasia: –Mãwãẽ́a. Ãcõrẽba dadjida bea quĩrĩã b̶ad̶abara dadjia chiwatu idjab̶a néud̶ebema babue diaped̶ad̶ara bia edaẽ́ bacasia. Maʌ̃ awara idjia ne ununaca od̶ara unubiẽ́ bacasia ni dadji warra ununinebemada jaraẽ́ bacasia.–

Juece 13:23 Iomraidhean Croise

Juaʌ̃ 14:20

Mʌ̃ zed̶acarea bãrãba cawad̶ia mʌ̃ra mʌ̃ Zeza ume ãbaa b̶ʌda, bãrãra mʌ̃ ume ãbaa panʌda, idjab̶a mʌ̃ra bãrã ume ãbaa b̶ʌda.

Juaʌ̃ 14:23

Jesuba panusia: –Mʌ̃ quĩrĩã b̶ʌba mʌ̃ bed̶eara ĩjã o b̶aya. Mʌ̃ Zezaba idjira quĩrĩã b̶aya. Maʌ̃be daira idjimaa zed̶ia idji ume ãbaa panani carea.

Juaʌ̃ 15:15

Mʌ̃a bãrãra waa mʌ̃ nezocaad̶a aẽ́a. Nezocaba idji boroba oi crĩcha b̶ʌra adua b̶ʌa. Mʌ̃a bãrãra mʌ̃ dji biarãana aya. Mʌ̃a bãrãa cawabisia ne jũma mʌ̃ Zezad̶eba ũrĩnada.

1 Corinto 12:21

Maʌ̃ bẽrã dauba jʌwaa poya jaraẽ́a: “Bʌ neẽ́ mʌ̃ra bia b̶aya.” Idjab̶a boroba jĩrũa poya jaraẽ́a: “Bãrã neẽ́ mʌ̃ra bia b̶aya.”

Juece 13:24

Mãwãnacarea dji wẽrãba warrada tosia. Maʌ̃ warrara trʌ̃ b̶ʌsia Sansoʌ̃. Sansoʌ̃ waribʌrʌd̶e Ãcõrẽba idjira careba b̶asia.