Juece 12:15 - Ãcõrẽ Bed̶ea

¹⁵ Hilel warra Abdoʌ̃ jaid̶asid̶e Piratoʌ̃ purud̶e tʌb̶arisid̶aa Epraiʌ̃neba yõped̶ad̶arã ẽjũã eyaid̶a b̶ʌd̶e. Naẽna amalecitarãda maʌ̃ ẽjũãne panabadjid̶aa.

Juece 12:15 Iomraidhean Croise

Genesi 14:7

Jẽda zebʌdad̶e En-mispat purud̶e jũẽsid̶aa. Maʌ̃ purura idjab̶a Cadé abadaa. Mama amalecitarãda poyad̶aped̶a jũma ãdjia eropanʌra ãrĩsid̶aa. Amorreorãda ara maʌ̃ quĩrãca osid̶aa Hazezon-tamar purud̶e.

Exodo 17:8

Israelerãra wad̶i Repidiʌ̃ne panasid̶ad̶e amalecitarãda zed̶aped̶a ãdjirã ume djõni carea panasid̶aa.

Juece 12:13

Eloʌ̃ jaid̶ad̶acarea Hilel warra Abdoʌ̃da israelerã ẽdrʌ b̶ʌbari basía. Maʌ̃ Abdoʌ̃ra Piratoʌ̃ purud̶ebema basía.

Juece 12:14

Idjia warrarãda cuarenta idjab̶a wiuzaquerãda treinta erob̶asia. Ãdjirãra setenta burro ʌ̃rʌ̃ nĩbabadjid̶aa. Abdoʌ̃ra ocho poa israelerã ẽdrʌ b̶ʌbari basía.

Juece 13:1

Mãwãnacarea israelerãba wayacusa Ãcõrẽ quĩrãpita cadjiruada o panesid̶aa. Maʌ̃ carea Ãcõrẽba ãdjirãra cuarenta poa pilisteorã jʌwaed̶a b̶ʌsia.

1 Samuel 15:7

Mãwãnacarea Saulba idji sordaorã ume amalecitarãra quenane wãsid̶aa Havilad̶eba ab̶a Sur ẽjũãnaa. Sur ẽjũãra Egiptod̶eba ʌ̃mãdau odjabariare b̶ʌa.