Juece 11:10 - Ãcõrẽ Bed̶ea

¹⁰ Dji bororãba panusid̶aa: –Mãẽ, dairãba Ãcõrẽ quĩrãpita jarabʌdaa bʌa jara b̶ʌra wãrãda od̶ida.–

Juece 11:10 Iomraidhean Croise

Genesi 16:5

Maʌ̃ bẽrã Saraiba Abraʌ̃a jarasia: –Bʌdrʌ bed̶ead̶e b̶ʌa Agaraba mʌ̃ igara b̶ʌ carea. Mʌ̃a bʌ́a idjira diasia quima quĩrãca. Baribʌrʌ idji b̶iogoa b̶ʌ cawasid̶eba ʌ̃taa mʌ̃ra igara b̶ʌa. Ãcõrẽbʌrʌ cawa b̶ʌa caida bed̶ead̶e b̶ʌda: mʌ̃da wa bʌda.–

Genesi 21:23

Maʌ̃ carea mʌ̃a quĩrĩã b̶ʌa bʌa Ãcõrẽ quĩrãpita wãrãneba jaraida bʌa mʌ̃ra, mʌ̃ warrarãra, ãdjirãneba yõbʌdarã sid̶a cũrũgaẽ́da. Bʌra drua ãĩbemamĩna mʌ̃a bʌra bia o b̶ʌa. Maʌ̃ bẽrã wãrãneba jaradua bʌa bid̶a mʌ̃ra idjab̶a mʌ̃ druad̶ebemarã sid̶a bia o b̶aida.–

Genesi 31:53

Dadjid̶ebema ab̶aʌda naʌ̃ mõgara aud̶u djõne wãibʌrʌ, Ãcõrẽ bʌ zezadrõã Abrahaʌ̃ ume b̶ad̶a idjab̶a mʌ̃ zezadrõã Naco ume b̶ad̶aba cawa oya. ¿Bia b̶ʌca?– Maʌ̃ne Jacoboba idji zeza Isaba waya b̶ʌ Ãcõrẽ quĩrãpita Labaʌ̃a wãrãneba jarasia “bia b̶ʌa.”

Exodo 20:7

Mʌ̃ra bãrã Ãcõrẽa. Mʌ̃ trʌ̃ra bariduad̶e trʌ̃ jararãnadua. Ab̶aʌba mʌ̃ trʌ̃da bariduad̶e trʌ̃ jaraibʌrʌ, mʌ̃a maʌ̃ ẽberãra cawa oya.

Romano 1:9

Ãcõrẽba quĩrĩã b̶ʌra jũma mʌ̃ sod̶eba o b̶ʌa bed̶ea bia idji Warrad̶ebemada jaradia b̶ʌ bẽrã. Idjia cawa b̶ʌa mʌ̃a iwid̶ibʌrʌza bãrã carea iwid̶ibarida.

2 Corinto 11:31

Dadjirã Boro Jesucrito Zeza Ãcõrẽa ewariza bia bed̶ead̶ida panʌa. Idjia cawa b̶ʌa mʌ̃ra sewa oẽ́ b̶ʌda.

Juece 11:9

Jepteba jarasia: –Bãrãba mʌ̃ra jẽda amonitarã ume djõne eded̶aped̶a Ãcõrẽba mʌ̃́a ãdjirãda poyabibʌrʌ, ¿wãrãda mʌ̃ra bãrã boroda b̶ʌd̶ica?–

1 Samuel 12:5

Samuelba jarasia: –Ãcõrẽba, dadjirã boro idjia edad̶a bid̶a ũrĩsid̶aa bãrãba mʌ̃ra bed̶ead̶e b̶ʌẽ́ana a panʌda.– Puruba panusia: –Mãẽ, mãwã b̶ʌa.–