Juece 10:15 - Ãcõrẽ Bed̶ea

¹⁵ Maʌ̃ne israelerãba Ãcõrẽa jarasid̶aa: –Daiba wãrãda cadjiruada osid̶aa. Bʌa dairã cawa o quĩrĩã b̶ʌ quĩrãca odua, baribʌrʌ ¡dai quĩrã djuburia nawena ẽdrʌ b̶ʌdua!–

Juece 10:15 Iomraidhean Croise

2 Samuel 12:13

Daviba Nataʌ̃a jarasia: –Wãrãda mʌ̃a Ãcõrẽ quĩrãpita cadjiruada osia.– Nataʌ̃ba panusia: –Bʌa cadjirua od̶ara Ãcõrẽba quĩrãdoaya. Maʌ̃ bẽrã bʌra beuẽ́a.

Joná 2:4

Maʌ̃ bẽrã crĩchasia bʌa mʌ̃ra igaraped̶a bʌ quĩrãpitabemada ãyã b̶ʌsida. Mʌ̃a crĩchasia bʌ de droma biya quiruda waa unuẽ́da.

Joná 3:9

Mãwã o panʌneba Ãcõrẽba dadjirãra cawa oẽ́sicada ãtebʌrʌ idji quĩrũbira tumabid̶isicada. Mãwãra dadjirãra quininaẽ́sicada.–

Josue 9:25

Dairãra bãrã jʌwaed̶a panʌa. Bʌa jipa oida crĩcha b̶ʌ quĩrãca odua.–

1 Samuel 12:10

Mãwã panʌne israelerãba Ãcõrẽa nãwã quĩrã djuburiada iwid̶isid̶aa: “Dairãba cadjiruada osid̶aa. Bʌra igarad̶aped̶a Baalda, Astarte sid̶a ẽpẽsid̶aa. Baribʌrʌ bʌa dairãra dji quĩrũ jʌwaed̶abemada ẽdrʌ b̶ʌibʌrʌ, bʌdrʌ ẽpẽ panania.”

1 Samuel 3:18

Maʌ̃ carea Samuelba Elia jũma jarasia. Ni maãrĩ bid̶a mẽrãẽ́ basía. Maʌ̃ne Eliba sopuaba nãwã jarasia: –Idjidrʌ Ãcõrẽ bẽrã idjia quĩrĩã b̶ʌ quĩrãca oida b̶ʌa.–