Juece 10:11 - Ãcõrẽ Bed̶ea

^11-12 Ãcõrẽba panusia: –Egiptorãba, amorreorãba, amonitarãba, pilisteorãba, Sidoʌ̃nebemarãba, amalecitarãba, madianitarã bid̶a bãrã biẽ́ obʌdaza bãrãba quĩrã djuburia iwid̶ibʌdad̶e mʌ̃a bãrãra ẽdrʌ b̶ʌbadjia.

Juece 10:11 Iomraidhean Croise

Exodo 14:30

Maʌ̃ ewarid̶e Ãcõrẽba israelerãra egiptorãba ẽpẽ panananebemada ẽdrʌ edasia. Maʌ̃ne israelerãba unusid̶aa Egiptod̶ebema quiniped̶ad̶ara pusa ĩbʌd̶e tab̶eada.

Numero 21:35

Ara maʌ̃da israelerãba Basaʌ̃nebema boro Og abadara, idji warrarãra, idji sordaorã sid̶a jũma quenasid̶aa. Ni ab̶aʌda zocai b̶ʌd̶aẽ́ basía. Maʌ̃be idji druara jũma edasid̶aa.

Hebreo 11:29

Ãcõrẽda ĩjã panana bẽrã israelerãra Ãcõrẽba Pusa Purru ẽsi ewad̶a od̶e põãsa chãsid̶aa. Baribʌrʌ Egiptod̶ebemarã ab̶ari od̶e chãbʌdad̶e jũma nãbʌrʌ quinisid̶aa.

Juece 2:12

Ãcõrẽba ãdji drõã naẽnabemarãra Egiptod̶eba ẽdrʌ edad̶amĩna idjira igarad̶aped̶a ãdji caita b̶earã ãcõrẽda ẽpẽsid̶aa. Mãwã Ãcõrẽra quĩrũbisid̶aa.

1 Samuel 12:8

Jacobo Egiptod̶e b̶ad̶e wãnacarea egiptorãba idjid̶eba yõped̶ad̶arãda biẽ́ osid̶aa. Maʌ̃ bẽrã ãdjirãba Ãcõrẽa quĩrã djuburiada iwid̶id̶aped̶a idjia Moiseda Aaroʌ̃ sid̶a ãdjirãmaa diabuesia. Maʌ̃be Moiseba Aaroʌ̃ ume bãrã drõã naẽnabemarãra Egiptod̶eba ẽdrʌ enesid̶aa naʌ̃ ẽjũãne pananamãrẽã.