Josue 3:3 - Ãcõrẽ Bed̶ea

³ Maʌ̃ne jũmarãa nãwã jarasid̶aa: –Dãrãẽ́ne sacerdoterã Levid̶eba yõped̶ad̶aba dadji Ãcõrẽ baurudeda nocod̶aa eded̶ia. Maʌ̃da unusid̶ara caid̶u wãnadua.

Josue 3:3 Iomraidhean Croise

Josue 3:8

Sacerdoterã mʌ̃ baurude edebʌdarãa jaradua do icawa jũẽsid̶ara doed̶a nũpanenamãrẽã.–

Numero 10:33

Mãwã bed̶ead̶acarea israelerãra Sinai eya Ãcõrẽ eya abadad̶eba wãsid̶aa. Ewari ũbea nĩbasid̶aa. Mãwã nĩnane Ãcõrẽ baurudera ãdjirã na eronĩbasid̶aa cawabimãrẽã sãma ʌ̃nãũnida.

Apocalipsi 14:4

Maʌ̃ ẽberãrãra wẽrã adua b̶easia. Ãcõrẽ itea ni maãrĩ bid̶a biẽ́ b̶ead̶aẽ́ basía. Oveja Zaque wãbʌrʌza ẽpẽbadaa. Ãcõrẽba ãdjirãra idji itea, Oveja Zaque itea bid̶a b̶ead̶amãrẽã naʌ̃ ẽjũãnebemada ẽdrʌ edasia. Néud̶ebema naãrã ewad̶a Ãcõrẽa diad̶a quĩrãca panʌa.

Mateo 16:24

Maʌ̃be Jesuba idji ume nĩbabadarãa jarasia: –Ab̶aʌba mʌ̃da ẽpẽ quĩrĩã b̶ʌbʌrʌ, idjia o quĩrĩã b̶ʌra igaraped̶a bia mĩgai carea b̶aida b̶ʌa. Maʌ̃be mʌ̃ra ẽpẽida b̶ʌa.

Mateo 8:19

Baribʌrʌ wãni naẽna judiorã ley jaradiabarida Jesumaa zesia. Maʌ̃ ẽberãba jarasia: –Jaradiabari, bʌ wãbʌrʌza mʌ̃ra bʌ ume wãya.–

Josue 6:6

Ara maʌ̃da Nuʌ̃ warra Josueba israelerã sacerdoterãra jũma trʌ̃cuaped̶a jarasia: –Ãcõrẽ baurudera Jerico puru aud̶u pʌrrʌga eded̶adua. Idjab̶a bãrãnebemada siete edad̶aped̶a baurude nocoare cachiru bara nĩbad̶adua.–

Josue 4:10

Sacerdoterã Ãcõrẽ baurude jira eropanʌra Jordaʌ̃ doed̶a nũpanasid̶aa ab̶a Ãcõrẽba Josuéa jarad̶ara puruba jũma obʌdad̶aa. Moiseba Josuéa naẽna jarad̶a quĩrãca puruba jũma osia. Purura isabe chãsid̶aa.

Josue 3:6

Maʌ̃be Josueba sacerdoterãa jarasia: –Ãcõrẽ baurude jira edad̶aped̶a puru na wãnadua.– Ara maʌ̃da sacerdoterãba baurudera jira edad̶aped̶a puru na wãsid̶aa.

Josue 3:4

Mãwã cawad̶ia sãmaa wãnida panʌda, bãrãra wad̶i naʌ̃ od̶e wãnaca bẽrã. Baribʌrʌ Ãcõrẽ baurude caita wãrãnadua; ab̶a unuicha b̶ʌmaʌba nĩbad̶ida panʌa.–