Exodo 9:22 - Ãcõrẽ Bed̶ea

²² Maʌ̃be Ãcõrẽba Moisea jarasia: –Bʌ jʌwara bajãnaa ʌ̃taa wadua. Maʌ̃ne jũma Egipto druad̶e hielora ẽberãrã ʌ̃rʌ̃, animarã ʌ̃rʌ̃, idjab̶a néud̶e bid̶a jurruzoaya.–

Exodo 9:22 Iomraidhean Croise

Exodo 10:21

Maʌ̃be Ãcõrẽba Moisea jarasia: –Bʌ jʌwara ʌ̃taa bajãnaa wadua. Maʌ̃ne ewarira qui dogoya. Jũma Egipto druad̶e ab̶ed̶a pãĩsosoa nũmeya.–

Exodo 7:19

Idjab̶a Ãcõrẽba Moisea jarasia: –Aaroʌ̃a jaradua bʌ bacuruda edamãrẽã. Idjia maʌ̃ bacuru ʌ̃taa wabʌrʌd̶e jũma Egiptod̶e b̶ʌ baidora oa baya. Dora, do zaquera, amenera, baido juebada uriad̶e b̶ʌra, zoco waib̶ʌad̶e jue erob̶eara, jiadod̶e jue erob̶ea sid̶a jũma oa baya.–

Exodo 8:16

Maʌ̃be Ãcõrẽba Moisea jarasia: –Aaroʌ̃a jaradua idji jʌwad̶e erob̶ʌ bacuruda ʌ̃taa waped̶a egorod̶aa umãrẽã. Maʌ̃ne egoro porara pochĩdau baya jũma Egipto druad̶e.–

Exodo 8:5

Maʌ̃be Ãcõrẽba Moisea jarasia: –Aaroʌ̃a nãwã jaradua: “Bʌ jʌwad̶e erob̶ʌ bacurura dojã ʌ̃rʌ̃, do zaque ʌ̃rʌ̃, amene ʌ̃rʌ̃, baido juebada uria ʌ̃rʌ̃ bid̶a ʌ̃taa wadua. Mãwã baidod̶eba baujĩãda jũma Egipto druad̶e odjacuaya.”–

Exodo 9:21

Baribʌrʌ ʌ̃cʌrʌ Egiptod̶ebema dji dromarãba Ãcõrẽba jarad̶ara ĩjãnaẽ́ basía. Maʌ̃ bẽrã ãdji nezocara, ãdji animarã sid̶a de edre b̶ʌcuad̶aẽ́ basía.

Josue 10:11

Amorreorã Bet-horoʌ̃neba ed̶aa Azecád̶aa mĩrũ wãbʌdad̶e Ãcõrẽba hielo waib̶ʌada cue quĩrãca ãdjirã ʌ̃rʌ̃ jurrubisia. Israelerãba necoba quenaped̶ad̶a cãyãbara maʌ̃gʌba zocãrãara quenasia.

Apocalipsi 16:21

Bajãneba hieloda mõgara waib̶ʌa quĩrãca ẽberãrã ʌ̃rʌ̃ jurrusia. Maʌ̃ hielo zʌgʌara berara cien libra b̶easia. Maʌ̃ hielo jurru nũmʌba bio mĩga panʌ bẽrã ẽberãrãba Ãcõrẽda biẽ́ jarasid̶aa.