Exodo 8:8 - Ãcõrẽ Bed̶ea

⁸ Maʌ̃be Egiptod̶ebema boroba Moisera Aaroʌ̃ sid̶a trʌ̃biped̶a ãdjía nãwã jarasia: –Ãcõrẽa iwid̶id̶adua naʌ̃ baujĩãra mʌ̃nebemada idjab̶a mʌ̃ purud̶ebemada ãyã wãbimãrẽã. Maʌ̃bebʌrʌ mʌ̃a bãrã israelerãra idu wãbiya Ãcõrẽa animarã babue diacuad̶amãrẽã.–

Exodo 8:8 Iomraidhean Croise

Exodo 10:16

Maʌ̃be Egiptod̶ebema boroba Moisera, Aaroʌ̃ sid̶a isabe trʌ̃biped̶a nãwã jarasia: –Id̶ibʌrʌ bãrã Ãcõrẽ quĩrãpita, bãrã quĩrãpita bid̶a mʌ̃a biẽ́ osia.

Exodo 10:17

Maʌ̃ bẽrã mʌ̃a bãrãa bed̶ea djuburiaya mʌ̃a biẽ́ od̶ada quĩrãdoad̶amãrẽã. Idjab̶a bãrã Ãcõrẽa iwid̶id̶adua naʌ̃ ad̶ichichira mʌ̃ druad̶e jõbimãrẽã. Mãwã od̶aẽ́bʌrʌ dairãra jarrababa quininia.–

Exodo 10:18

Ara maʌ̃da Moisera Egiptod̶ebema boromaʌba ẽdrʌped̶a Ãcõrẽa iwid̶isia.

Exodo 14:5

Maʌ̃ ewarid̶e Egiptod̶ebema boroa israelerã mĩrũ wãsid̶ada jarasid̶aa. Maʌ̃ne idjia, dji dromarã bid̶a israelerã idu wãbiped̶ad̶ada jẽda crĩchasid̶aa. Nãwã jarasid̶aa: “¿Cãrẽ cãrẽã jãwã israelerãra idu wãbisid̶a? Dadjirãba õgo trajabibadara neẽ́ panesid̶aa.”

Exodo 32:11

Mãwãmĩna Moiseba idji Ãcõrẽa bed̶ea djuburiasia. Nãwã jarasia: –Ay, Ãcõrẽ, bʌ quĩrũbid̶eba bʌ puru Egiptod̶eba enenara mãwã orãdua. ¿Bʌ ʌb̶ʌa waib̶ʌa b̶ʌd̶eba maʌ̃ purura Egiptod̶eba ẽdrʌ enesiẽ́ca?

Exodo 5:2

Maʌ̃ne Egiptod̶ebema boroba panusia: –¿Cai maʌ̃ Ãcõrẽ mãwã idjia israelerã idu wãbiduad̶a ad̶ara mʌ̃a ĩjãi carea? Mʌ̃a idjira adua b̶ʌa. Maʌ̃ bẽrã mʌ̃a bãrã israelerãra idu wãbiẽ́a.–

Exodo 8:15

Egiptod̶ebema boroba unusia baujĩãba waa mĩã sẽnaẽ́ panʌda. Maʌ̃ bẽrã idjira so zareaped̶a Moiseba Aaroʌ̃ bid̶a jaraped̶ad̶ara ĩjãẽ́ basía Ãcõrẽba jarad̶a quĩrãca.

Exodo 8:29

Moiseba jarasia: –Mʌ̃ra namaʌba ẽdrʌped̶a Ãcõrẽa iwid̶iya. Maʌ̃be nu ĩgananara neẽ́ baya bʌma, dji dromarãma, bʌ druad̶ebemarãma bid̶a. Baribʌrʌ dairãra waa cũrũgarãdua. Dairãra idu wãbidua Ãcõrẽa animarãda babue diacuad̶amãrẽã.–

Exodo 8:32

Baribʌrʌ Egiptod̶ebema borora wad̶ibid̶a so zarea b̶ed̶a bẽrã israelerãra idu wãbiẽ́ basía.

Exodo 8:9

Moiseba panusia: –Bia b̶ʌa. Jaradua sãʌ̃be bʌa quĩrĩã b̶ʌda mʌ̃a Ãcõrẽa iwid̶ida bʌ carea, dji dromarã carea, idjab̶a bʌ druad̶ebemarã carea bid̶a. ¿Sãʌ̃be quĩrĩã b̶ʌ mʌ̃a Ãcõrẽa iwid̶ida naʌ̃ baujĩãra bʌd̶ebemada, bʌ diguid̶abema sid̶a jõbimãrẽã? Iwid̶isira ab̶abe doed̶abʌrʌ baujĩãra baraa baya.–

Exodo 9:27

Maʌ̃be Egiptod̶ebema boroba Moisera, Aaroʌ̃ sid̶a trʌ̃biped̶a ãdjía nãwã jarasia: –Id̶ibʌrʌ mʌ̃a cawasia biẽ́ o b̶ʌda. Ãcõrẽbʌrʌ jipa o b̶ʌa. Mʌ̃da, mʌ̃ puru sid̶a bed̶ead̶e panʌa.

Exodo 9:28

Maʌ̃ bẽrã Ãcõrẽa iwid̶id̶adua naʌ̃ hielo jurru nũmʌra, baa sid̶a jõbimãrẽã. Maʌ̃be mʌ̃a israelerãra idu wãbiya. Waa ãdjirãra Egiptod̶e b̶ebiẽ́a.–

Exodo 9:33

Maʌ̃be Moisera Egiptod̶ebema boromaʌba ẽdrʌped̶a puru dajadaa wãsia. Mama idji jʌwara umena ʌ̃taa waped̶a Ãcõrẽa iwid̶isia. Ara maʌ̃da hielo jurru nũmanara, baara, cue sid̶a Egipto druad̶e cãbasia.

Numero 21:7

Maʌ̃ bẽrã israelerãra Moisemaa wãnaped̶a jarasid̶aa: –Dairãba cadjiruada osid̶aa Ãcõrẽda, bʌ sid̶a biẽ́ jarasid̶a bẽrã. Dai quĩrã djuburia Ãcõrẽa iwid̶idua naʌ̃ damara ãyã wãbicuamãrẽã.– Ara maʌ̃da Moiseba ãdjirã carea Ãcõrẽa bed̶ea djuburiasia.

Hecho 8:24

Maʌ̃ne Simoʌ̃ba jarasia: –Mʌ̃ carea dadjirã Boroa iwid̶id̶adua bãrãba jaraped̶ad̶ara mãwãrãmãrẽã.–

1 Samuel 12:19

Maʌ̃ carea jũmarãba Samuelea jarasid̶aa: –Dairã, bʌ nezocarã beurãnamãrẽã Ãcõrẽa iwid̶idua. Dairãba naẽna cadjirua oped̶ad̶a awara wayacusa cadjiruada osid̶aa Ãcõrẽ awara ab̶a dairã boroda b̶amãrẽã iwid̶isid̶ad̶e.–