Exodo 8:4 - Ãcõrẽ Bed̶ea

⁴ Bʌ ʌ̃rʌ̃, dji dromarã ʌ̃rʌ̃, bʌ druad̶ebemarã ʌ̃rʌ̃ bid̶a baujĩãra jʌ̃drʌcuad̶ia.”–

Exodo 8:4 Iomraidhean Croise

Exodo 10:17

Maʌ̃ bẽrã mʌ̃a bãrãa bed̶ea djuburiaya mʌ̃a biẽ́ od̶ada quĩrãdoad̶amãrẽã. Idjab̶a bãrã Ãcõrẽa iwid̶id̶adua naʌ̃ ad̶ichichira mʌ̃ druad̶e jõbimãrẽã. Mãwã od̶aẽ́bʌrʌ dairãra jarrababa quininia.–

Exodo 8:24

Nurẽma Ãcõrẽba mãwã osia. Egiptod̶ebema boro dera, dji dromarã dera, idjab̶a jũma Egipto drua sid̶a ĩganana quĩrãtanoaba birasia. Ab̶ed̶a jũma Egipto druara biẽ́ nũmesia ĩgananaba.

Exodo 8:3

Nilo dora baujĩãba biraya. Maʌ̃ne doed̶aʌba baujĩãra bʌ diguid̶aa wãbʌrʌd̶ia. Mãwã bʌ cãĩbarima, bʌ cʌd̶ad̶e, dji dromarã ded̶e, bʌ druad̶ebemarã ded̶e bid̶a baujĩãra baraya. Baujĩãra bãrã paʌ̃ ãbubadad̶e, bãrã paʌ̃ bʌratʌbadad̶e bid̶a baraya.

Exodo 8:5

Maʌ̃be Ãcõrẽba Moisea jarasia: –Aaroʌ̃a nãwã jaradua: “Bʌ jʌwad̶e erob̶ʌ bacurura dojã ʌ̃rʌ̃, do zaque ʌ̃rʌ̃, amene ʌ̃rʌ̃, baido juebada uria ʌ̃rʌ̃ bid̶a ʌ̃taa wadua. Mãwã baidod̶eba baujĩãda jũma Egipto druad̶e odjacuaya.”–

Exodo 9:28

Maʌ̃ bẽrã Ãcõrẽa iwid̶id̶adua naʌ̃ hielo jurru nũmʌra, baa sid̶a jõbimãrẽã. Maʌ̃be mʌ̃a israelerãra idu wãbiya. Waa ãdjirãra Egiptod̶e b̶ebiẽ́a.–

Numero 21:7

Maʌ̃ bẽrã israelerãra Moisemaa wãnaped̶a jarasid̶aa: –Dairãba cadjiruada osid̶aa Ãcõrẽda, bʌ sid̶a biẽ́ jarasid̶a bẽrã. Dai quĩrã djuburia Ãcõrẽa iwid̶idua naʌ̃ damara ãyã wãbicuamãrẽã.– Ara maʌ̃da Moiseba ãdjirã carea Ãcõrẽa bed̶ea djuburiasia.