Exodo 8:21 - Ãcõrẽ Bed̶ea

²¹ Baribʌrʌ mʌ̃ puruda idu wãbiẽ́bʌrʌ, mʌ̃a ĩgananada bʌmaa, dji dromarãmaa, bʌ druad̶ebemarãmaa bid̶a quĩrãtanoa diabueya. Maʌ̃ ĩgananara jũma Egiptod̶ebema ded̶e, ãdjirã wãbʌdama bid̶a powuaga nũmaya.

Exodo 8:21 Iomraidhean Croise

Exodo 10:6

Bʌ dera, dji dromarã dera, jũma waabema egiptorã de sid̶a ad̶ichichiba biraya. Bãrã drõã naẽnabemarãba, bãrã zeza bid̶a ununaca basía ad̶ichichira naʌ̃ quĩrãca b̶aebʌrʌda. Naʌ̃ druad̶e jũẽped̶ad̶a ewarid̶eba wad̶ibid̶a naʌ̃ quĩrãca ununacaa.”– Moiseba Egiptod̶ebema boroa mãwã jaraped̶a wãsia.

Exodo 8:20

Maʌ̃be Ãcõrẽba Moisea jarasia: –Nu diaped̶ed̶a piradrʌped̶a Egiptod̶ebema boro doed̶a wãbʌrʌd̶e idjimaa wãped̶a nãwã jaradua: “Ãcõrẽba nãwã jara b̶ʌa: mʌ̃ purura idu wãbidua mʌ̃́a animarãda babue diad̶amãrẽã.

Exodo 8:22

Baribʌrʌ maʌ̃ ewarid̶e Goseʌ̃ druad̶e mʌ̃a mãwã oẽ́a. Mʌ̃ ẽberãrãda mama panʌ bẽrã ĩgananara neẽ́ baya. Mʌ̃ purura bʌ puru quĩrãca oẽ́a. Maʌ̃ba bʌa cawaya mʌ̃abʌrʌ naʌ̃ druad̶e mãwã o b̶ʌda. Maʌ̃ ne ununacara nu oya.”–

Exodo 8:24

Nurẽma Ãcõrẽba mãwã osia. Egiptod̶ebema boro dera, dji dromarã dera, idjab̶a jũma Egipto drua sid̶a ĩganana quĩrãtanoaba birasia. Ab̶ed̶a jũma Egipto druara biẽ́ nũmesia ĩgananaba.