Exodo 8:19 - Ãcõrẽ Bed̶ea

¹⁹ Maʌ̃ bẽrã daubararãba Egiptod̶ebema boroa jarasid̶aa: –Moiseba Aaroʌ̃ ume pochĩdau oped̶ad̶ara Ãcõrẽ ʌb̶ʌad̶eba osid̶aa.– Mãwã jaraped̶ad̶amĩna Egiptod̶ebema borora so zarea b̶esia. Idjia ĩjãẽ́ basía Moiseba Aaroʌ̃ bid̶a jaraped̶ad̶ara Ãcõrẽba jarad̶a quĩrãca.

Exodo 8:19 Iomraidhean Croise

Genesi 41:24

Maʌ̃ne ugaẽ́ b̶eaba dji uga qued̶eara jũma cosid̶aa. Mʌ̃a maʌ̃ cãĩmocarad̶ara daubararãa jarasia. Mãwãmĩna poya cawa jarad̶aẽ́ basía.–

Exodo 10:23

Maʌ̃ ewari ũbead̶e ni ab̶aʌda idji diguid̶aʌba poya ãyã wãnaẽ́ basía. Ni ãdji caita b̶ea sid̶a poya ununaẽ́ basía. Baribʌrʌ israelerã panʌma ʌ̃na b̶asia.

Exodo 10:7

Maʌ̃be Egiptod̶ebema dji dromarãba dji boroa jarasid̶aa: –¿Bʌa wad̶ibid̶a jãʌ̃ ẽberãa idu dadjirãra mĩã sẽbi b̶aica? Israelerãra idu wãbidua ãdji Ãcõrẽa animarãda babue diad̶amãrẽã. ¿Bʌa wad̶ibid̶a adua b̶ʌca Egipto druara jũma ãrĩbʌrʌda?–

Exodo 11:7

Baribʌrʌ dai israelerã duanʌma chupea nũmaya sopuad̶aẽ́ bẽrã. Usa sid̶a berud̶aẽ́a ni cãrẽ sid̶a sãwãnaẽ́ bẽrã.” Mãwã bãrã egiptorãba cawad̶ia Ãcõrẽba dai israelerãra quĩrã awara obarida.

Exodo 7:13

Mãwã ununamĩna Egiptod̶ebema borora so zarea b̶esia Ãcõrẽba jarad̶a quĩrãca. Maʌ̃ bẽrã Moiseba Aaroʌ̃ bid̶a jaraped̶ad̶ara ĩjãẽ́ basía.

Exodo 7:4

Baribʌrʌ bãrãba jara panʌra Egiptod̶ebema boroba ĩjãẽ́a. Maʌ̃ bẽrã mʌ̃ ʌb̶ʌad̶eba mʌ̃a ne ununaca waib̶ʌa b̶eada oya egiptorã cawa oi carea. Mãwã mʌ̃ puru Israelera Egipto druad̶eba ẽdrʌ edeya sordaorã djõne wãbada quĩrãca.

Exodo 7:5

Mʌ̃ ʌb̶ʌad̶eba mʌ̃a egiptorã cawa obʌrʌd̶e idjab̶a israelerã Egiptod̶eba ẽdrʌ edebʌrʌd̶e egiptorãba cawad̶ia mʌ̃drʌ Ãcõrẽda.–

Exodo 9:26

Ab̶abe Goseʌ̃ druad̶e israelerã duanʌmaa hielora jurruẽ́ basía.

Exodo 9:4

Baribʌrʌ Ãcõrẽba animarã dai israelerãneda mãwã oẽ́a. Dai animarãra ni ab̶a bid̶a beud̶aẽ́a egiptorã animarã quĩrãca.

Mateo 12:28

Baribʌrʌ mʌ̃a Ãcõrẽ Jaured̶eba jairãda ãyã jʌreta b̶ʌbʌrʌ, Ãcõrẽba unubi b̶ʌa idjira jũẽsida bãrã Boro bai carea.

Luca 11:20

Baribʌrʌ Ãcõrẽ ʌb̶ʌad̶eba mʌ̃a jairãda ãyã jʌreta b̶ʌbʌrʌ, Ãcõrẽba bãrãa unubi b̶ʌa idjira jũẽsida bãrã Boro bai carea.

Juaʌ̃ 11:47

Maʌ̃ carea pariseorãra, sacerdote bororã sid̶a jũma judiorã dji dromarã ume ãbaa dji jʌresid̶aa. Nãwã jarasid̶aa: –Dadjirãba ¿sãwã od̶i? Maʌ̃ ẽberãba ne ununacada zocãrã o b̶ʌa.

Hecho 4:16

Nãwã jarasid̶aa: –Jãʌ̃ ẽberãrãra ¿sãwã od̶i? Ãdjia maʌ̃ ne ununaca od̶aped̶ad̶ara jũma Jerusaleʌ̃nebemarãba cawa panʌa. Dadjia poya sewaad̶a ad̶aẽ́a.

1 Samuel 6:3

Ãdjirãba panusid̶aa: –Bãrãba israelerã Ãcõrẽ baurudera jẽda diabued̶ibʌrʌ ara jãwã diabuerãnadua. Ãtebʌrʌ Ãcõrẽa ne diabued̶ida panʌa bãrãba idji baurude nama eropanana carea. Mãwãbʌrʌ bãrãba cawad̶ia cãrẽ cãrẽã Ãcõrẽba bãrãra bio biẽ́ o b̶ʌda. Maʌ̃ awara cacua biacuad̶ia.–

1 Samuel 6:9

Baribʌrʌ naʌ̃gʌda quĩrãcuitad̶adua: pacaba carretara israelerã puru Bet-semed̶aa eded̶ibʌrʌ, wãrãda Ãcõrẽba dadjirãra biẽ́ erob̶asia. Mamaa eded̶aẽ́bʌrʌ dadjirãba cawad̶ia idjia dadjirãra jãwã oẽ́ b̶asida; ãtebʌrʌ ara jãwã biẽ́ panesid̶aa.–