Exodo 7:4 - Ãcõrẽ Bed̶ea

⁴ Baribʌrʌ bãrãba jara panʌra Egiptod̶ebema boroba ĩjãẽ́a. Maʌ̃ bẽrã mʌ̃ ʌb̶ʌad̶eba mʌ̃a ne ununaca waib̶ʌa b̶eada oya egiptorã cawa oi carea. Mãwã mʌ̃ puru Israelera Egipto druad̶eba ẽdrʌ edeya sordaorã djõne wãbada quĩrãca.

Exodo 7:4 Iomraidhean Croise

Exodo 10:1

Maʌ̃be Ãcõrẽba Moisea jarasia: –Mʌ̃a Egiptod̶ebema borora, dji dromarã sid̶a so zarea b̶ʌsia ne ununacada ãdjirã tãẽna oi carea. Mãwãra bãrã warrarãa, bãrã wiuzaquerãa bid̶a nẽbʌrʌd̶ia sãwã maʌ̃ ne ununacad̶eba mʌ̃a unubisida egiptorãra siriẽ́ b̶eada. Mãwã bãrãba cawad̶ia mʌ̃drʌ Ãcõrẽda. Jãʌ̃be Egiptod̶ebema boromaa jarad̶e wãdua mʌ̃a ad̶ichichida zocãrã idji druad̶e b̶aebida.–

Exodo 11:9

Naẽna Ãcõrẽba Moisea jarad̶oasia: –Egiptod̶ebema boroba bãrãba jara panʌra ĩjãẽ́ b̶aya. Mãwã mʌ̃a ne ununacada Egiptod̶e zocãrã ocuaya.–

Exodo 12:51

Ara maʌ̃ ewarid̶e Ãcõrẽba israelerãra Egiptod̶eba jũma ẽdrʌ edesia sordaorã djõne wãbada quĩrãca.

Exodo 13:3

Maʌ̃be Moiseba israelerãa jarasia: –Naʌ̃ ewarira quĩrãnebad̶adua Ãcõrẽba idji ʌb̶ʌad̶eba bãrãra Egiptod̶e nezoca b̶ead̶ada ẽdrʌ edad̶a bẽrã. Poaza ara naʌ̃ ewari quĩrãca bãrãba paʌ̃ ẽsãbari bara b̶ʌda cocara panʌa bãrã Egiptod̶eba ẽdrʌped̶ad̶ara quĩrãnebad̶i carea.

Exodo 13:9

Naʌ̃ ewari obadara bãrã jʌwad̶e wa dratud̶e sẽyã quĩrãca b̶ʌa. Maʌ̃ba quĩrãnebabi b̶aya bãrãba Ãcõrẽ leyra jaradia pananida panʌda idji ʌb̶ʌad̶eba dadji israelerãra Egiptod̶eba ẽdrʌ edad̶a bẽrã.

Exodo 18:8

Maʌ̃be Moiseba idji zãwãrẽa Ãcõrẽba israelerã itea od̶ada jũma nẽbʌrʌsia. Ãcõrẽba Egiptod̶ebema boro, jũma egiptorã sid̶a cawa od̶ad̶ebemada, ãdjirã od̶e zesid̶ad̶e bia mĩga panananebemada, idjab̶a Ãcõrẽba ãdjirã ne jũmane carebad̶ad̶ebema sid̶a jũma nẽbʌrʌsia.

Exodo 3:19

Baribʌrʌ mʌ̃a cawa b̶ʌa Egiptod̶ebema boroba israelerãra ẽdrʌ b̶ʌẽ́da mʌ̃a idjía mãwã obiẽ́bʌrʌ.

Exodo 3:20

Maʌ̃ bẽrã mʌ̃ ʌb̶ʌada egiptorãa unubiya. Zocãrã ne ununaca waib̶ʌa b̶eada oya ãdjirãra cawa oi carea. Mãwãbʌrʌ Egiptod̶ebema boroba israelerãra idu wãbiya.

Exodo 6:1

Maʌ̃ne Ãcõrẽba Moisea panusia: –Id̶ibʌrʌ bʌa unuya sãwã mʌ̃a Egiptod̶ebema borora cawa oida. Mʌ̃ ʌb̶ʌad̶eba cawa o b̶ʌ carea idjia bãrã israelerãra idu wãbiya. Ab̶ed̶a bãrãra idji druad̶ebemada ãyã jʌrecuaya.–

Exodo 6:26

Ãcõrẽba maʌ̃ Aaroʌ̃a, Moisea bid̶a jarasia israelerã Egiptod̶eba ẽdrʌ eded̶amãrẽã sordaorã djõne wãbada quĩrãca.

Exodo 6:6

Jãʌ̃be israelerãa jaradua: “Mʌ̃ra Ãcõrẽa. Mʌ̃ ʌb̶ʌad̶eba ne waib̶ʌada oya egiptorã cawa oi carea. Mãwã mʌ̃a bãrãra Egiptod̶e bia mĩga traja panʌnebemada ẽdrʌ b̶ʌya. Egiptorã jʌwaed̶a panʌnebemada ẽdrʌ b̶ʌya.

Exodo 7:13

Mãwã ununamĩna Egiptod̶ebema borora so zarea b̶esia Ãcõrẽba jarad̶a quĩrãca. Maʌ̃ bẽrã Moiseba Aaroʌ̃ bid̶a jaraped̶ad̶ara ĩjãẽ́ basía.

Exodo 8:15

Egiptod̶ebema boroba unusia baujĩãba waa mĩã sẽnaẽ́ panʌda. Maʌ̃ bẽrã idjira so zareaped̶a Moiseba Aaroʌ̃ bid̶a jaraped̶ad̶ara ĩjãẽ́ basía Ãcõrẽba jarad̶a quĩrãca.

Exodo 8:19

Maʌ̃ bẽrã daubararãba Egiptod̶ebema boroa jarasid̶aa: –Moiseba Aaroʌ̃ ume pochĩdau oped̶ad̶ara Ãcõrẽ ʌb̶ʌad̶eba osid̶aa.– Mãwã jaraped̶ad̶amĩna Egiptod̶ebema borora so zarea b̶esia. Idjia ĩjãẽ́ basía Moiseba Aaroʌ̃ bid̶a jaraped̶ad̶ara Ãcõrẽba jarad̶a quĩrãca.

Exodo 9:12

Baribʌrʌ Ãcõrẽba Egiptod̶ebema borora so zarea b̶ʌsia. Maʌ̃ bẽrã Moiseba Aaroʌ̃ bid̶a jaraped̶ad̶ara ĩjãẽ́ basía Ãcõrẽba jarad̶a quĩrãca.

Apocalipsi 15:4

Dairã Boro, ¿caiba bʌra wayaẽ́ b̶ai? ¿Caiba bʌra dji dromaana aẽ́? Bʌdrʌ dji wãrã Ãcõrẽa. Druazabemarãda zed̶aped̶a bʌ́a bia bed̶ead̶ia bʌa jipa o b̶ʌra unubid̶a bẽrã.

Apocalipsi 16:7

Maʌ̃be mʌ̃a ũrĩsia ab̶aʌba bajãne b̶ʌ quera babadamaʌba nãwã jarabʌrʌda: “Dai Boro Ãcõrẽ jũma poya b̶ʌ, wãrãda bʌa jipa arid̶e cawa obaria.”

Apocalipsi 19:2

Idjia jipa arid̶e cawa obaria. Wẽrã aud̶ua trʌ̃ b̶ʌga b̶ad̶ara cawa osia maʌ̃ wẽrãba cadjirua o b̶ʌd̶eba jũma naʌ̃ ẽjũãnebemarãa ab̶arica cadjiruada obid̶a bẽrã. Ãcõrẽba maʌ̃ wẽrãra biẽ́ b̶ʌsia idji nezocarãda quenana bẽrã.

Juece 2:15

Djõne wãbʌdaza Ãcõrẽra dji quĩrũare djõbadjia. Maʌ̃ bẽrã israelerãba poyad̶aca basía Ãcõrẽba naẽna jarad̶a quĩrãca. Mãwã bia mĩga duanabadjid̶aa.