Exodo 7:3 - Ãcõrẽ Bed̶ea

³ Baribʌrʌ mʌ̃a Egiptod̶ebema borora so zarea b̶ʌya. Maʌ̃be Egiptod̶e mʌ̃a ne ununacada zocãrã ocuaya cawabi carea mʌ̃drʌ dji dromaara b̶ʌda.

Exodo 7:3 Iomraidhean Croise

Exodo 11:10

Moiseba Aaroʌ̃ bid̶a maʌ̃ ne ununaca b̶eara Egiptod̶ebema boro quĩrãpita ocuasid̶aa. Baribʌrʌ Ãcõrẽba idjira so zarea b̶ʌsia. Maʌ̃ bẽrã Egiptod̶ebema boroba israelerãra idji druad̶ebemada idu ẽdrʌbiẽ́ basía.

Exodo 11:9

Naẽna Ãcõrẽba Moisea jarad̶oasia: –Egiptod̶ebema boroba bãrãba jara panʌra ĩjãẽ́ b̶aya. Mãwã mʌ̃a ne ununacada Egiptod̶e zocãrã ocuaya.–

Exodo 14:4

Maʌ̃ne mʌ̃a Egiptod̶ebema borora so zarea b̶ʌya. Maʌ̃ bẽrã idjia bãrãra caid̶u ẽpẽya. Baribʌrʌ mʌ̃a idjira, idji sordaorã sid̶a poyaya mʌ̃drʌ dji dromaara b̶ʌda unubi carea. Mãwã egiptorãba cawad̶ia mʌ̃ra Ãcõrẽda.– Ara maʌ̃da israelerãra Ãcõrẽba jarad̶a quĩrãca jẽda wãsid̶aa.

Exodo 3:20

Maʌ̃ bẽrã mʌ̃ ʌb̶ʌada egiptorãa unubiya. Zocãrã ne ununaca waib̶ʌa b̶eada oya ãdjirãra cawa oi carea. Mãwãbʌrʌ Egiptod̶ebema boroba israelerãra idu wãbiya.

Exodo 4:21

Moise wãbʌrʌd̶e Ãcõrẽba idjía jarasia: –Egiptod̶e jũẽped̶a jũma ne ununaca mʌ̃a obi b̶ʌda Egiptod̶ebema boro quĩrãpita odua. Baribʌrʌ mʌ̃a idjira so zarea b̶ʌya israelerã ẽdrʌ b̶ʌrãmãrẽã.

Exodo 4:29

Egiptod̶e jũẽnaped̶a Moisera Aaroʌ̃ sid̶a israelerã bororã ume ãbaa dji jʌresid̶aa.

Exodo 4:7

Ãcõrẽba jarasia: –Wayacusa bʌ jʌwara bʌa jʌ̃ b̶ʌ edre berajudua.– Ara maʌ̃da Moiseba waya berajuped̶a ẽũta edabʌrʌd̶e idji jʌwara ab̶ed̶a bia b̶asia.

Exodo 7:13

Mãwã ununamĩna Egiptod̶ebema borora so zarea b̶esia Ãcõrẽba jarad̶a quĩrãca. Maʌ̃ bẽrã Moiseba Aaroʌ̃ bid̶a jaraped̶ad̶ara ĩjãẽ́ basía.

Exodo 9:16

Baribʌrʌ mʌ̃a mãwã oẽ́ b̶ʌa. Mʌ̃a bʌra zocai b̶ʌsia bʌ mĩgabi b̶ʌd̶eba mʌ̃ ʌb̶ʌada unubi carea. Mãwã mʌ̃ra jũma naʌ̃ ẽjũãne trʌ̃ b̶ʌga b̶aya.

Juaʌ̃ 4:48

Jesuba idjía jarasia: –Bãrãba ne ununacada ununaẽ́bʌrʌ mʌ̃a jara b̶ʌra ĩjãnaẽ́a.–

Hecho 2:22

Achirã Israeld̶ebema, naʌ̃ bed̶eara ũrĩnadua: Ãcõrẽba Jesu Nazared̶ebemaa ne ununaca waib̶ʌa b̶eada bãrã tãẽna obicuasia. Mãwã o b̶ʌd̶eba Jesuba cawabisia Ãcõrẽra idji ume b̶ʌda. Maʌ̃gʌra bãrãba bio cawa panʌa.

Hecho 7:36

Moiseba zocãrã ne ununaca o b̶ʌd̶eba dadji drõã naẽnabemarãra Egiptod̶ebemada ẽdrʌ enesia. Pusa Purrud̶e ne ununacada osia bia chãni carea. Idjab̶a cuarenta poa ẽjũã põãsa ewaraga b̶ʌd̶e bid̶a ne ununacada obadjia.

Romano 9:18

Maʌ̃ba cawabi b̶ʌa Ãcõrẽba ab̶aʌda quĩrã djuburia quĩrĩã b̶ʌbʌrʌ mãwã obarida idjab̶a ab̶aʌda cʌwʌrʌ zarea b̶ʌ quĩrĩã b̶ʌbʌrʌ mãwã b̶ʌbarida.