Exodo 7:19 - Ãcõrẽ Bed̶ea

¹⁹ Idjab̶a Ãcõrẽba Moisea jarasia: –Aaroʌ̃a jaradua bʌ bacuruda edamãrẽã. Idjia maʌ̃ bacuru ʌ̃taa wabʌrʌd̶e jũma Egiptod̶e b̶ʌ baidora oa baya. Dora, do zaquera, amenera, baido juebada uriad̶e b̶ʌra, zoco waib̶ʌad̶e jue erob̶eara, jiadod̶e jue erob̶ea sid̶a jũma oa baya.–

Exodo 7:19 Iomraidhean Croise

Genesi 1:10

Maʌ̃ra Ãcõrẽba bia unusia. Ẽjũã põãsara Ãcõrẽba trʌ̃ b̶ʌsia “egoro.” Baido ãbaa ũmenada trʌ̃ b̶ʌsia “pusa.”

2 Reye 4:29

Ara maʌ̃da Eliseoba Guiezia jarasia: –Bʌa cacuad̶e jʌ̃ b̶ʌra bio trãjʌ̃ cob̶ʌped̶a naʌ̃ wẽrã ded̶aa isabe wãdua. Mʌ̃ bacuruda ededua. Isabe wãida b̶ʌ bẽrã ẽberãda unusira bed̶earãdua. Ẽberãba bʌ́a bed̶eaibʌrʌ, panurãdua. Naʌ̃ wẽrã ded̶e jũẽped̶a mʌ̃ bacurura idji warra quĩrãdarra ʌ̃rʌ̃ cob̶ʌdua.–

Exodo 10:12

Ãcõrẽba Moisea jarasia: –Bʌ jʌwara naʌ̃ Egipto druad̶e wadua ad̶ichichida zocãrã b̶aemãrẽã. Mãwã jũma Egipto druara ad̶ichichiba biraya. Maʌ̃ ad̶ichichiba jũma chirua hieloba ãrĩnaẽ́ra cod̶ia.–

Exodo 10:21

Maʌ̃be Ãcõrẽba Moisea jarasia: –Bʌ jʌwara ʌ̃taa bajãnaa wadua. Maʌ̃ne ewarira qui dogoya. Jũma Egipto druad̶e ab̶ed̶a pãĩsosoa nũmeya.–

Exodo 14:16

Bʌa jʌwad̶e erob̶ʌ bacurura pusad̶aa wadua oda pusa ẽsi ewamãrẽã. Maʌ̃ od̶e israelerãra pusa quĩrãrã chãnia.

Exodo 14:21

Moiseba idji jʌwara pusad̶aa ʌ̃taa wasia. Ara maʌ̃da ʌ̃mãdau odjabariareba Ãcõrẽba nãũrãda dji cãbãyã tʌbisia. Maʌ̃ diamasi nãũrãra tʌ nũmʌda ʌ̃nadrʌsia. Maʌ̃ba pusa ẽsi oda ewasia.

Exodo 14:26

Israelerã chãped̶ad̶acarea Ãcõrẽba Moisea jarasia: –Bʌ jʌwara pusad̶aa ʌ̃taa wadua Egiptod̶ebema sordaorãra, carretad̶eba djõbada sordaorãra, cawayod̶eba djõbada sordaorã sid̶a pusaba ãnẽb̶ari edamãrẽã.–

Exodo 4:9

Baribʌrʌ maʌ̃ ne ununaca umé obʌrʌd̶e ãdjirãba wad̶ibid̶a bʌa jara b̶ʌda ĩjãnaẽ́bʌrʌ, naʌ̃ quĩrãca odua. Nilo dod̶e baidoda jue edaped̶a drua weatadua. Maʌ̃ne maʌ̃ baidora oa baya.–

Exodo 8:16

Maʌ̃be Ãcõrẽba Moisea jarasia: –Aaroʌ̃a jaradua idji jʌwad̶e erob̶ʌ bacuruda ʌ̃taa waped̶a egorod̶aa umãrẽã. Maʌ̃ne egoro porara pochĩdau baya jũma Egipto druad̶e.–

Exodo 9:33

Maʌ̃be Moisera Egiptod̶ebema boromaʌba ẽdrʌped̶a puru dajadaa wãsia. Mama idji jʌwara umena ʌ̃taa waped̶a Ãcõrẽa iwid̶isia. Ara maʌ̃da hielo jurru nũmanara, baara, cue sid̶a Egipto druad̶e cãbasia.