Exodo 7:14 - Ãcõrẽ Bed̶ea

¹⁴ Maʌ̃be Ãcõrẽba Moisea jarasia: –Egiptod̶ebema borora so zarea b̶ʌa. Maʌ̃ bẽrã israelerãra ẽdrʌbueẽ́a.

Exodo 7:14 Iomraidhean Croise

Exodo 10:1

Maʌ̃be Ãcõrẽba Moisea jarasia: –Mʌ̃a Egiptod̶ebema borora, dji dromarã sid̶a so zarea b̶ʌsia ne ununacada ãdjirã tãẽna oi carea. Mãwãra bãrã warrarãa, bãrã wiuzaquerãa bid̶a nẽbʌrʌd̶ia sãwã maʌ̃ ne ununacad̶eba mʌ̃a unubisida egiptorãra siriẽ́ b̶eada. Mãwã bãrãba cawad̶ia mʌ̃drʌ Ãcõrẽda. Jãʌ̃be Egiptod̶ebema boromaa jarad̶e wãdua mʌ̃a ad̶ichichida zocãrã idji druad̶e b̶aebida.–

Exodo 10:20

Baribʌrʌ Ãcõrẽba Egiptod̶ebema borora so zarea b̶ʌd̶a bẽrã idjia israelerãra idu wãbiẽ́ basía.

Exodo 10:27

Baribʌrʌ Ãcõrẽba Egiptod̶ebema borora so zarea b̶ʌsia. Maʌ̃ bẽrã Egiptod̶ebema boroba israelerãra idu wãbiẽ́ basía.

Exodo 10:4

Baribʌrʌ mʌ̃ puruda idu wãbiẽ́bʌrʌ, nu mʌ̃a ad̶ichichida bʌ druad̶e zocãrã b̶aebiya.

Exodo 3:19

Baribʌrʌ mʌ̃a cawa b̶ʌa Egiptod̶ebema boroba israelerãra ẽdrʌ b̶ʌẽ́da mʌ̃a idjía mãwã obiẽ́bʌrʌ.

Exodo 4:23

Maʌ̃ carea mʌ̃a jara b̶ʌa: mʌ̃ warrara ẽdrʌ b̶ʌdua mʌ̃́a animarãda babue diad̶e wãmãrẽã. Baribʌrʌ bʌa jarasia ẽdrʌ b̶ʌẽ́da. Maʌ̃ carea bʌ umaquĩrã warra dji nabemada beuya.”–

Exodo 7:13

Mãwã ununamĩna Egiptod̶ebema borora so zarea b̶esia Ãcõrẽba jarad̶a quĩrãca. Maʌ̃ bẽrã Moiseba Aaroʌ̃ bid̶a jaraped̶ad̶ara ĩjãẽ́ basía.

Exodo 7:15

Jãʌ̃be nu diaped̶a Egiptod̶ebema boro doed̶a wãbʌrʌd̶e idjimaa wãdua. Dama bad̶a bacurura bʌ jʌwad̶e ededua. Do icawa Egiptod̶ebema boro quĩrãpita nũmeped̶a jaradua: “Dai hebreorã Ãcõrẽba mʌ̃ra bʌmaa diabuesia. Idjia nãwã jara b̶ʌa: mʌ̃ puru Israelera idu wãbidua ẽjũã põãsa ewaraga b̶ʌd̶aa. Mama ãdjirãba mʌ̃́a animarãda babue diad̶ida panʌa. Mʌ̃a mãwã jara b̶ʌmĩna bʌa wad̶ibid̶a ĩjãẽ́ b̶ʌa.

Exodo 8:11

Nu bʌ diguid̶a, dji dromarãma, bʌ druad̶ebema ẽberãrãma bid̶a baujĩãra neẽ́ b̶aya. Baujĩãra ab̶abe doed̶abʌrʌ baraa baya.–

Exodo 8:15

Egiptod̶ebema boroba unusia baujĩãba waa mĩã sẽnaẽ́ panʌda. Maʌ̃ bẽrã idjira so zareaped̶a Moiseba Aaroʌ̃ bid̶a jaraped̶ad̶ara ĩjãẽ́ basía Ãcõrẽba jarad̶a quĩrãca.

Exodo 8:2

Baribʌrʌ bʌa mʌ̃ puruda idu wãbiẽ́bʌrʌ mʌ̃a cawa oya. Jũma bʌ druara baujĩãba birabiya.

Exodo 9:2

Baribʌrʌ bʌa dai israelerãda idu wãbiẽ́bʌrʌ ãtebʌrʌ naʌ̃ druad̶e b̶ebibʌrʌ, Ãcõrẽba bãrã animarãra idji ʌb̶ʌad̶eba quinibiya. Bãrã cawayoda, burroda, cameyoda, pacada, oveja sid̶a quininia.

Exodo 9:34

Maʌ̃ unusid̶e Egiptod̶ebema boroba wayacusa biẽ́ osia. Idjida, dji dromarã sid̶a so zarea panena bẽrã israelerãra idu wãbiẽ́ basía Ãcõrẽba Moised̶eba jarad̶a quĩrãca.

Exodo 9:7

Egiptod̶ebema boroba ẽberãrãda israelerã animarã acʌd̶e diabuesia. Wãnaped̶a unusid̶aa israelerã animarãra ni ab̶a bid̶a beud̶aẽ́ basida. Baribʌrʌ Egiptod̶ebema boroba maʌ̃da cawasimĩna so zarea b̶esia. Maʌ̃ bẽrã israelerãra idu wãbiẽ́ basía.

Hebreo 12:25

Maʌ̃ carea quĩrãcuita b̶ead̶adua Ãcõrẽba jara b̶ʌra igarad̶a amaaba. Idjia Sinai eyad̶e jarad̶a igaraped̶ad̶ara cawa osid̶e ẽdrʌd̶aẽ́ basía. Maʌ̃ bẽrã idjia bajãneba dadjirã sod̶e jara b̶ʌda igarad̶ibʌrʌ ¿ẽdrʌd̶ica? Ẽdrʌd̶aẽ́a.

1 Samuel 6:6

¿Cãrẽ cãrẽã bãrãra egiptorã ãdji boro sid̶a so zarea panana quĩrãca so zarea panʌ? Ãcõrẽ baurudera jẽda diabued̶adua. Ãcõrẽba egiptorã bio cawa osid̶e ¿ãdjirãba israelerãra idu wãbisid̶aẽ́ca?