Exodo 7:13 - Ãcõrẽ Bed̶ea

¹³ Mãwã ununamĩna Egiptod̶ebema borora so zarea b̶esia Ãcõrẽba jarad̶a quĩrãca. Maʌ̃ bẽrã Moiseba Aaroʌ̃ bid̶a jaraped̶ad̶ara ĩjãẽ́ basía.

Exodo 7:13 Iomraidhean Croise

Exodo 10:1

Maʌ̃be Ãcõrẽba Moisea jarasia: –Mʌ̃a Egiptod̶ebema borora, dji dromarã sid̶a so zarea b̶ʌsia ne ununacada ãdjirã tãẽna oi carea. Mãwãra bãrã warrarãa, bãrã wiuzaquerãa bid̶a nẽbʌrʌd̶ia sãwã maʌ̃ ne ununacad̶eba mʌ̃a unubisida egiptorãra siriẽ́ b̶eada. Mãwã bãrãba cawad̶ia mʌ̃drʌ Ãcõrẽda. Jãʌ̃be Egiptod̶ebema boromaa jarad̶e wãdua mʌ̃a ad̶ichichida zocãrã idji druad̶e b̶aebida.–

Exodo 10:20

Baribʌrʌ Ãcõrẽba Egiptod̶ebema borora so zarea b̶ʌd̶a bẽrã idjia israelerãra idu wãbiẽ́ basía.

Exodo 10:27

Baribʌrʌ Ãcõrẽba Egiptod̶ebema borora so zarea b̶ʌsia. Maʌ̃ bẽrã Egiptod̶ebema boroba israelerãra idu wãbiẽ́ basía.

Exodo 14:17

Maʌ̃ne mʌ̃a egiptorãra so zarea b̶ʌya bãrã ẽpẽnamãrẽã. Maʌ̃be mʌ̃a Egiptod̶ebema borora, carretad̶eba djõbada sordaorãra, cawayod̶eba djõbada sordaorãra, waabema sordaorã sid̶a jũma poyaya mʌ̃drʌ dji dromaara b̶ʌda unubi carea. Mãwã egiptorãba cawad̶ia mʌ̃ra Ãcõrẽda.–

Exodo 4:21

Moise wãbʌrʌd̶e Ãcõrẽba idjía jarasia: –Egiptod̶e jũẽped̶a jũma ne ununaca mʌ̃a obi b̶ʌda Egiptod̶ebema boro quĩrãpita odua. Baribʌrʌ mʌ̃a idjira so zarea b̶ʌya israelerã ẽdrʌ b̶ʌrãmãrẽã.

Exodo 7:12

Ãdji bacurura egode b̶aebibʌdad̶e dama bacuasid̶aa. Baribʌrʌ Aaroʌ̃ bacuru dama bad̶aba ãdji bacuru dama bacuad̶ara mĩcuasia.

Exodo 7:14

Maʌ̃be Ãcõrẽba Moisea jarasia: –Egiptod̶ebema borora so zarea b̶ʌa. Maʌ̃ bẽrã israelerãra ẽdrʌbueẽ́a.

Exodo 7:22

Baribʌrʌ Egiptod̶ebema daubararãba ãdji necawaad̶eba ab̶arica baidora oa babisid̶aa. Maʌ̃ bẽrã Egiptod̶ebema borora so zarea b̶esia. Moiseba Aaroʌ̃ ume jaraped̶ad̶ara idjia ĩjãẽ́ basía Ãcõrẽba jarad̶a quĩrãca.

Exodo 8:11

Nu bʌ diguid̶a, dji dromarãma, bʌ druad̶ebema ẽberãrãma bid̶a baujĩãra neẽ́ b̶aya. Baujĩãra ab̶abe doed̶abʌrʌ baraa baya.–

Exodo 8:15

Egiptod̶ebema boroba unusia baujĩãba waa mĩã sẽnaẽ́ panʌda. Maʌ̃ bẽrã idjira so zareaped̶a Moiseba Aaroʌ̃ bid̶a jaraped̶ad̶ara ĩjãẽ́ basía Ãcõrẽba jarad̶a quĩrãca.

Exodo 8:19

Maʌ̃ bẽrã daubararãba Egiptod̶ebema boroa jarasid̶aa: –Moiseba Aaroʌ̃ ume pochĩdau oped̶ad̶ara Ãcõrẽ ʌb̶ʌad̶eba osid̶aa.– Mãwã jaraped̶ad̶amĩna Egiptod̶ebema borora so zarea b̶esia. Idjia ĩjãẽ́ basía Moiseba Aaroʌ̃ bid̶a jaraped̶ad̶ara Ãcõrẽba jarad̶a quĩrãca.

Exodo 8:28

Maʌ̃be Egiptod̶ebema boroba jarasia: –Mãẽteara bia b̶ʌa. Mʌ̃a bãrãra ẽjũã põãsa ewaraga b̶ʌd̶aa idu wãbiya bãrã Ãcõrẽa animarãda babue diacuad̶amãrẽã. Baribʌrʌ bãrãra tʌmʌ wãcara panʌa. Idjab̶a mʌ̃ carea bid̶a Ãcõrẽa iwid̶id̶adua.–

Exodo 9:12

Baribʌrʌ Ãcõrẽba Egiptod̶ebema borora so zarea b̶ʌsia. Maʌ̃ bẽrã Moiseba Aaroʌ̃ bid̶a jaraped̶ad̶ara ĩjãẽ́ basía Ãcõrẽba jarad̶a quĩrãca.

Exodo 9:7

Egiptod̶ebema boroba ẽberãrãda israelerã animarã acʌd̶e diabuesia. Wãnaped̶a unusid̶aa israelerã animarãra ni ab̶a bid̶a beud̶aẽ́ basida. Baribʌrʌ Egiptod̶ebema boroba maʌ̃da cawasimĩna so zarea b̶esia. Maʌ̃ bẽrã israelerãra idu wãbiẽ́ basía.

Romano 1:28

Ãdjirãba Ãcõrẽra igaraped̶ad̶a bẽrã idjia iduaribisia crĩcha cadjiruada ẽpẽnaped̶a mĩã oiẽ́ b̶eada o pananamãrẽã.

Romano 2:5

Baribʌrʌ cʌwʌrʌ zarea b̶ʌ bẽrã idjia cadjiruada igaracaa Ãcõrẽmaa ze amaaba. Maʌ̃ carea Ãcõrẽba cawa oi ewarid̶e idji quĩrũbid̶eba wetara cawa oya. Maʌ̃ ewarid̶e Ãcõrẽba unubiya sãwã jũmarãda jipa cawa oida.

Hebreo 3:13

Wad̶i ewari b̶ʌd̶e ed̶a ewariza dji carebad̶adua biara ĩjãni carea. Mãwã ni ab̶aʌda cadjiruaba cũrũgaped̶a so zarea b̶ead̶aẽ́a.

1 Samuel 6:6

¿Cãrẽ cãrẽã bãrãra egiptorã ãdji boro sid̶a so zarea panana quĩrãca so zarea panʌ? Ãcõrẽ baurudera jẽda diabued̶adua. Ãcõrẽba egiptorã bio cawa osid̶e ¿ãdjirãba israelerãra idu wãbisid̶aẽ́ca?