Exodo 6:8 - Ãcõrẽ Bed̶ea

⁸ Bãrãra mʌ̃a diai jarad̶a ẽjũãnaa edeya. Maʌ̃ ẽjũãra mʌ̃a Abrahaʌ̃a, Isaa, idjab̶a Jacoboa bid̶a wãrãneba diai jarasia. Mʌ̃ra Ãcõrẽ bẽrã maʌ̃ ẽjũãra diaya bãrãne bamãrẽã.”–

Exodo 6:8 Iomraidhean Croise

Genesi 14:22

Maʌ̃ne Abraʌ̃ba Sodomanebema boroa jarasia: –Edaẽ́a. Mʌ̃a wãrã arada Ãcõrẽ dji Dromaara b̶ʌ, naʌ̃ ẽjũã idjab̶a bajã od̶a ume nãwã bed̶ea b̶ʌsia: mʌ̃a bʌrera edaẽ́a. Ni maãrĩara quiru sid̶a edaẽ́a. Bʌ jĩrũne jʌ̃bari jʌ̃cara sid̶a edaẽ́a. Mãwã edaẽ́a bʌa jararãmãrẽã mʌ̃ra ne bara b̶ʌsida.

Genesi 15:18

Ara maʌ̃ba Ãcõrẽba Abraʌ̃ ume nãwã bed̶ea b̶ʌsia: –Wãrãda mʌ̃a bʌd̶eba yõi purua naʌ̃gʌ ẽjũãra diaya Egipto quĩrãpe b̶ʌ dod̶eba ab̶a do waib̶ʌa Euprate abadad̶aa.

Genesi 26:3

Bʌra drua ãĩbemamĩna nama b̶edua. Mʌ̃ra bʌ ume b̶aya. Mʌ̃a bʌra carebaya: mʌ̃a bʌ́a, bʌ warrarãa bid̶a naʌ̃ druara diaya. Mãwã mʌ̃a bʌ zeza Abrahaʌ̃a wãrãneba jarad̶ara oya.

Genesi 28:13

Idjab̶a unusia Ãcõrẽda dume borod̶e nũmʌda. Mãwã b̶ʌd̶e Ãcõrẽba jarasia: –Mʌ̃ra bʌ zezadrõã Abrahaʌ̃ Ãcõrẽa, bʌ zeza Isa Ãcõrẽa. Bʌ cãĩ b̶ʌ ẽjũãra mʌ̃a bʌ́a, bʌ warrarãa bid̶a diaya.

Genesi 35:12

Mʌ̃a naʌ̃ druara Abrahaʌ̃a, Isaa bid̶a diasia. Idjab̶a mʌ̃a bʌ́a, bʌd̶eba yõbʌdarãa bid̶a diaya.–

Exodo 13:5

Ãcõrẽba bãrãra Canaaʌ̃ druad̶aa edeya. Maʌ̃ druad̶e baridua ne uped̶ad̶ara bia zaubaria. Mama cananeorãda, hititarãda, amorreorãda, heveorãda, idjab̶a jebuseorã sid̶a duanʌa. Baribʌrʌ Ãcõrẽba bãrã drõã naẽnabemarãa wãrãneba jarasia maʌ̃ druara bãrãa diaida. Jãma jũẽped̶ad̶acarea poaza naʌ̃ jed̶ecod̶e bãrãba naʌ̃ quĩrãca od̶ida panʌa bãrã Egiptod̶eba ẽdrʌped̶ad̶a ewarida quĩrãnebad̶i carea.

Exodo 32:13

Quĩrãnebadua bʌ nezocarã Abrahaʌ̃ ume, Isa ume, idjab̶a Jacobo ume bid̶a bed̶ea b̶ʌd̶ada. Bʌa ara bʌdji trʌ̃neba ãdjirãa wãrãneba nãwã jarasia: “Mʌ̃a bãrãneba ẽberãrã zocãrã yõbiya chĩdau zocãrã bajãne panʌ quĩrãca. Idjab̶a jũma mʌ̃a diai jarad̶a druara mʌ̃a bãrãneba yõbʌdarãa diaya ãdjirãne bamãrẽã.”–

Exodo 6:2

Idjab̶a Ãcõrẽba jarasia: –Mʌ̃ra Ãcõrẽa.

Exodo 6:4

Mʌ̃ra ãdjirã ume bed̶ea b̶ʌsia Canaaʌ̃ druara ãdjirãa diai carea. Mama ãdjirãra drua ãĩbemarã quĩrãca panasid̶aa.

Exodo 6:6

Jãʌ̃be israelerãa jaradua: “Mʌ̃ra Ãcõrẽa. Mʌ̃ ʌb̶ʌad̶eba ne waib̶ʌada oya egiptorã cawa oi carea. Mãwã mʌ̃a bãrãra Egiptod̶e bia mĩga traja panʌnebemada ẽdrʌ b̶ʌya. Egiptorã jʌwaed̶a panʌnebemada ẽdrʌ b̶ʌya.

Numero 10:29

Israelerã Sinaid̶eba ẽdrʌd̶i naẽna Moisera Hobá ume bed̶easia. Hobára Moise zãwãrẽ Reuel warra basía. Madiaʌ̃ druad̶ebema basía. Moiseba Hobáa jarasia: –Dairãra wãbʌrʌd̶ia Ãcõrẽba diai jarad̶a druad̶aa. Dairã ume wãdua. Ãcõrẽba dai israelerãa ne biada diayad̶a asia. Maʌ̃ bẽrã dairãba bʌ́a ne biada waib̶ʌa diad̶ia.–

Numero 11:12

¿Mʌ̃ra ãdji papaca? ¿Mʌ̃abʌrʌ ãdjirãra tocuasica? Mãwãra ¿cãrẽ cãrẽã jara b̶ʌ ãdjirãra bʌa ãdji drõã naẽnabemarãa diai jarad̶a druad̶aa edemãrẽã daupẽbariba warra jʌwad̶e bara edebari quĩrãca?

Numero 14:30

Bãrãnebema ni ab̶aʌda mʌ̃a wãrãneba bãrãa diai jarad̶a ẽjũãnaa jũẽne wãnaẽ́a. Ab̶abe Jepone warra Caledrʌ, Nuʌ̃ warra Josue sid̶a maʌ̃ ẽjũãne jũẽne wãnia.

Numero 23:19

Ãcõrẽra ẽberã quĩrãca b̶ʌẽ́a. Idjira sewa ocaa. Idjia jarad̶ada quĩrã awara ocaa. Idjia jarabʌrʌra obaria. Idjia wãrãneba jarad̶ara obaria.

Josue 24:13

Mʌ̃a ãdji ẽjũãra néu bara, puru sid̶a bãrãa jũma diasia. Mãwã uva, olivo sid̶a bãrãba uped̶ad̶aẽ́da cobadaa. Idjab̶a bãrãba oped̶ad̶aẽ́ puru b̶ead̶e panabadaa.”–

Apocalipsi 10:6

Mãwã b̶ʌd̶e idjira naʌ̃ ẽjũãnebema, bajãnebema, pusad̶ebema jũma od̶a Ãcõrẽ trʌ̃neba bed̶easia. Nãwã jarasia Ãcõrẽ ewariza zocai b̶ʌ trʌ̃neba: “Ãcõrẽba jarad̶ara dãrãẽ́ne jũma mãwãya.

1 Samuel 15:29

Israel Ãcõrẽ dji Droma b̶ʌra sewa ocaa idjab̶a bed̶ea ab̶a b̶ʌa. Maʌ̃ bẽrã idjia oyad̶a ad̶ara quĩrã awara ocaa ẽberãba obada quĩrãca.–