Exodo 6:7 - Ãcõrẽ Bed̶ea

⁷ Mʌ̃a bãrãra mʌ̃ puru babiya. Maʌ̃ne mʌ̃ra bãrã Ãcõrẽ baya. Mãwã bãrãba cawad̶ia mʌ̃drʌ bãrã Ãcõrẽda, mʌ̃a bãrãra Egiptod̶e bia mĩga traja panʌnebemada ẽdrʌ b̶ʌd̶a bẽrã.

Exodo 6:7 Iomraidhean Croise

Genesi 26:3

Bʌra drua ãĩbemamĩna nama b̶edua. Mʌ̃ra bʌ ume b̶aya. Mʌ̃a bʌra carebaya: mʌ̃a bʌ́a, bʌ warrarãa bid̶a naʌ̃ druara diaya. Mãwã mʌ̃a bʌ zeza Abrahaʌ̃a wãrãneba jarad̶ara oya.

Genesi 28:13

Idjab̶a unusia Ãcõrẽda dume borod̶e nũmʌda. Mãwã b̶ʌd̶e Ãcõrẽba jarasia: –Mʌ̃ra bʌ zezadrõã Abrahaʌ̃ Ãcõrẽa, bʌ zeza Isa Ãcõrẽa. Bʌ cãĩ b̶ʌ ẽjũãra mʌ̃a bʌ́a, bʌ warrarãa bid̶a diaya.

Nehemia 1:10

Dairãra bʌ nezocarãa idjab̶a bʌ purua. Bʌ ʌb̶ʌa waib̶ʌad̶eba dairãra ẽdrʌ edasia.

Exodo 13:14

Id̶iba ʌ̃taa bãrã warrarãba iwid̶ibʌdad̶e: “¿Cãrẽ cãrẽã jãwã obada?”, bãrãba nãwã panunida panʌa: “Jãwã obadaa Ãcõrẽba idji ʌb̶ʌad̶eba dadjirãra Egiptod̶e nezoca b̶ead̶ada ẽdrʌ edad̶a bẽrã.

Exodo 13:3

Maʌ̃be Moiseba israelerãa jarasia: –Naʌ̃ ewarira quĩrãnebad̶adua Ãcõrẽba idji ʌb̶ʌad̶eba bãrãra Egiptod̶e nezoca b̶ead̶ada ẽdrʌ edad̶a bẽrã. Poaza ara naʌ̃ ewari quĩrãca bãrãba paʌ̃ ẽsãbari bara b̶ʌda cocara panʌa bãrã Egiptod̶eba ẽdrʌped̶ad̶ara quĩrãnebad̶i carea.

Exodo 14:4

Maʌ̃ne mʌ̃a Egiptod̶ebema borora so zarea b̶ʌya. Maʌ̃ bẽrã idjia bãrãra caid̶u ẽpẽya. Baribʌrʌ mʌ̃a idjira, idji sordaorã sid̶a poyaya mʌ̃drʌ dji dromaara b̶ʌda unubi carea. Mãwã egiptorãba cawad̶ia mʌ̃ra Ãcõrẽda.– Ara maʌ̃da israelerãra Ãcõrẽba jarad̶a quĩrãca jẽda wãsid̶aa.

Exodo 15:16

Jũma maʌ̃gʌrã ẽberãrãra bio ne waya duanania. Ãcõrẽ, bʌ ʌb̶ʌa carea ãdjirãra mõgara quĩrãca chupea panania bʌ purura wãyã wãbʌrʌd̶e. Ãdjirãra chupea panania bʌa edad̶a purura wãyã wãbʌrʌd̶e.

Exodo 15:2

Ãcõrẽba mʌ̃́a ʌb̶ʌada dia b̶ʌa. Idji carea mʌ̃ra trʌ̃ã b̶ʌa. Idjia mʌ̃ra ẽdrʌ edasia. Idjira mʌ̃ Ãcõrẽa. Mʌ̃a idjía bia bed̶eaya. Idjira mʌ̃ zezaba ĩjã b̶ad̶a Ãcõrẽa. Idjira dji dromaara b̶ʌad̶a aya.

Exodo 16:12

–Mʌ̃a ũrĩ b̶ʌa israelerãba quĩrũbid̶eba biẽ́ jara panʌda. Maʌ̃ bẽrã ãdjirãa jaradua: “Nane queubod̶od̶e bãrãba nedjarada cod̶ia. Nu diaped̶a paʌ̃da jãwũã cod̶ia. Maʌ̃neba cawad̶ia mʌ̃ra bãrã Ãcõrẽda.”–

Exodo 16:6

Maʌ̃be Moiseba Aaroʌ̃ ume israelerãa jarasid̶aa: –¿Daira mãwãra cai, bãrãba mãwã daidrʌ biẽ́ jarad̶i carea? Bãrãba daida biẽ́ jara panʌẽ́a; Ãcõrẽdrʌ biẽ́ jara panʌa. Idjia maʌ̃ra ũrĩ b̶ʌa. Maʌ̃ carea nane quewara idjia bãrãa cawabiya idjiabʌrʌ bãrãra Egiptod̶eba nama ẽdrʌ enesida. Idjab̶a nu diaped̶a bãrãba ununia idjia ne ununaca waib̶ʌada obʌrʌda. Nane quewara idjia nedjarada diaya idjab̶a nu diaped̶a paʌ̃da ad̶uba diaya bãrãra jãwũã ne cod̶amãrẽã.–

Exodo 2:11

Moise drõã bad̶acarea ewari ab̶a idji ẽberãrã hebreorãda acʌd̶e wãsia. Maʌ̃ne unusia sãwã ãdjirãra bia mĩga traja panʌda. Idjab̶a unusia Egiptod̶ebemaba hebreoda ab̶a u erob̶ʌda.

Exodo 6:6

Jãʌ̃be israelerãa jaradua: “Mʌ̃ra Ãcõrẽa. Mʌ̃ ʌb̶ʌad̶eba ne waib̶ʌada oya egiptorã cawa oi carea. Mãwã mʌ̃a bãrãra Egiptod̶e bia mĩga traja panʌnebemada ẽdrʌ b̶ʌya. Egiptorã jʌwaed̶a panʌnebemada ẽdrʌ b̶ʌya.

Exodo 7:17

Maʌ̃ bẽrã Ãcõrẽba nãwã jara b̶ʌa: naʌ̃gʌd̶eba bʌa cawaya mʌ̃drʌ Ãcõrẽda; Moiseba jʌwad̶e erob̶ʌ bacuruba mʌ̃a Nilo dod̶e tawebiya. Maʌ̃ne dora ab̶ed̶a oa baya.

Mateo 22:32

Nãwã jarasia: “Mʌ̃ra Abrahaʌ̃ Ãcõrẽa, Isa Ãcõrẽa, idjab̶a Jacobo Ãcõrẽa.” Idjira beu b̶ea Ãcõrẽẽ́a, ãtebʌrʌ zocai b̶ea Ãcõrẽa.–

Romano 8:31

¿Maʌ̃gʌd̶ebemada sãwã crĩcha panʌ? Ãcõrẽra dadjirãare b̶ʌ bẽrã ¿caiba dadjirãra poyai?

Hebreo 11:16

Baribʌrʌ drua biara b̶ʌ bajãne b̶ʌda quĩrĩã panasid̶aa. Maʌ̃ carea Ãcõrẽra peracaa idjira ãdjirã Ãcõrẽ abʌdad̶e. Idjia puruda ãdjirã itea bajãne o erob̶ʌa.

1 Pedro 2:10

Naẽna bãrãra Ãcõrẽ puruẽ́ basía, baribʌrʌ id̶ira Ãcõrẽ purua. Naẽna Ãcõrẽba bãrãra quĩrã djuburiaẽ́ b̶asia, baribʌrʌ id̶ira quĩrã djuburia b̶ʌa.

Apocalipsi 21:3

Maʌ̃be mʌ̃a ũrĩsia ab̶aʌda Ãcõrẽ bugue biya quirumaʌba nãwã jĩgua bed̶eabʌrʌda: “¡Ũrĩnadua! Id̶ira Ãcõrẽra ẽberãrã tãẽna b̶ʌa. Idjira ãdjirã ume b̶aya. Maʌ̃ne ãdjirãra idji ẽberãrãda b̶ead̶ia. Wãrãda idjidrʌ ãdjirã ume b̶aya idjab̶a ãdjirã Ãcõrẽ baya.

Apocalipsi 21:7

Cadjirua poyaped̶ad̶arãba jũma maʌ̃gʌra edad̶ia warraba dji zezad̶eba ne edabari quĩrãca. Mʌ̃ra ãdji Ãcõrẽ baya idjab̶a mʌ̃ warrarãda b̶ead̶ia.