Exodo 6:5 - Ãcõrẽ Bed̶ea

⁵ Baribʌrʌ mʌ̃a ũrĩ b̶ʌa israelerãra mĩã sopua bed̶ea panʌda egiptorãba ãdjira õgo trajabi panʌ bẽrã. Maʌ̃ awara mʌ̃a quĩrãdoaẽ́ b̶ʌa ãdji drõã naẽnabemarã ume bed̶ea b̶ʌd̶ara.

Exodo 6:5 Iomraidhean Croise

Genesi 8:1

Naʌ̃ ẽjũã ũ nũmasid̶e Ãcõrẽba Noéra jũma animarã jãba dromane duanʌ sid̶a quĩrãdoaẽ́ b̶asia. Maʌ̃ bẽrã Ãcõrẽba nãũrãda jũma naʌ̃ ẽjũãne tʌbisia, pusa edrebema baidora tʌdrʌbisia, idjab̶a cue sid̶a poabisia.

Genesi 9:15

Maʌ̃gʌd̶eba mʌ̃a quĩrãneba b̶aya mʌ̃a bãrã ume animarã ume bid̶a bed̶ea b̶ʌd̶ara. Waa dopapara wãbiẽ́a naʌ̃ ẽjũãne b̶ea quinibi carea.

Exodo 2:23

Mãwãnacarea dãrãbʌrʌd̶e Egiptod̶ebema borora beusia. Baribʌrʌ egiptorãba israelerãra wad̶i zoca eropanʌ bẽrã ãdub̶a mĩã sopua bed̶eabadjid̶aa. Ãdjirãba Ãcõrẽa quĩrã djuburiada iwid̶ibadjid̶aa. Maʌ̃ra Ãcõrẽba ũrĩsia.

Exodo 2:24

Idjab̶a mĩã sopua bed̶ea panʌ sid̶a ũrĩsia. Maʌ̃ne idjia Abrahaʌ̃ ume, Isa ume, idjab̶a Jacobo ume bid̶a ãdji carebai carea bed̶ea b̶ʌd̶ara quĩrãdoaẽ́ b̶asia.

Exodo 3:7

Ãcõrẽba jarasia: –Mʌ̃a unu b̶ʌa mʌ̃ purura Egipto druad̶e bio bia mĩga b̶ʌda. Idjab̶a mʌ̃a ũrĩ b̶ʌa ãdjirãba quĩrã djuburiada iwid̶i panʌda. Iwid̶i panʌa mʌ̃a ãdjirãra dji traju obibada bororã jʌwaed̶abemada ẽdrʌ b̶ʌmãrẽã. Mʌ̃a cawa b̶ʌa ãdjirãra wãrãda bia mĩga panʌda.

Exodo 5:4

Baribʌrʌ Egiptod̶ebema boroba jarasia: –¡Moise, Aaroʌ̃! Israelerãra zocãrã panʌa. ¿Cãrẽ cãrẽã bãrãba ãdjirã trajura obi ama panʌ? Bãrã israelerãra jũma trajad̶e wãbʌrʌd̶adua.–

Luca 1:54

Idji nezoca Israel purura carebasia. Idjia Abrahaʌ̃ra, idjid̶eba yõbʌdarã sid̶a ewariza quĩrã djuburiaya dadji drõã naẽnabemarãa jarad̶a quĩrãca.

Luca 1:72

Mãwã oya dadji drõã naẽnabemarãa quĩrã djuburiayad̶a ad̶a bẽrã idjab̶a ãdjirã ume bed̶ea b̶ʌd̶ada jũma oyad̶a ad̶a bẽrã.