Exodo 6:12 - Ãcõrẽ Bed̶ea

¹² Baribʌrʌ Moiseba Ãcõrẽa jarasia: –Israelerãba mʌ̃ bed̶eada ĩjãnaẽ́ panʌa. Mʌ̃ra warrá bed̶eaca bẽrã ¿Egiptod̶ebema boroba mʌ̃ bed̶eara ĩjãica?–

Exodo 6:12 Iomraidhean Croise

Exodo 3:11

Baribʌrʌ Moiseba jarasia: –¿Mãwãra mʌ̃ra cai Egiptod̶ebema boro quĩrãpita bed̶ead̶e wãi carea idjab̶a israelerãra Egiptod̶eba ãyã edei carea?–

Exodo 3:13

Baribʌrʌ Moiseba jarasia: –Israelerãmaa wãped̶a bãrã drõã naẽnabemarãba ĩjã panana Ãcõrẽba mʌ̃ra bãrãmaa diabuesiad̶a abʌrʌd̶e ãdjirãba iwid̶id̶ia: “¿Idjira casa trʌ̃bada?” Maʌ̃ne ¿mʌ̃a cãrẽda jarai?–

Exodo 4:1

Baribʌrʌ Moiseba jarasia: –Israelerãba mʌ̃a jarabʌrʌra ĩjãnaẽ́a idjab̶a ũrĩ quĩrĩãnaẽ́a. Ãdjirãba jarad̶ia: “Ãcõrẽba ara idjida bʌ́a unubiẽ́ b̶ʌa.”–

Exodo 4:10

Ãcõrẽba mãwã jarad̶amĩna Moiseba idjía jarasia: –¡Ay, mʌ̃ Boro! Mʌ̃ra ẽberãrã quĩrãpita warrá bed̶eacaa. Maʌ̃ra id̶ibemaẽ́a. Bʌra mʌ̃ ume bed̶ea b̶ʌmĩna mʌ̃ra ara mãwã warrá bed̶eacaa. Mʌ̃ra ẽberãrã quĩrãpita cawa bed̶eacaa.–

Exodo 6:13

Moiseba mãwã jarad̶amĩna Ãcõrẽba idjira Aaroʌ̃ sid̶a israelerãmaa idjab̶a Egiptod̶ebema boromaa diabuesia. Maʌ̃ne jarasid̶aa Ãcõrẽba ãdjira diabuesida israelerã Egiptod̶eba ẽdrʌ eded̶amãrẽã.

Exodo 6:30

Baribʌrʌ Moiseba Ãcõrẽa jarasia: –Mʌ̃ra warrá bed̶eacaa. ¿Mʌ̃a jarabʌrʌra Egiptod̶ebema boroba ũrĩca?–

Exodo 6:9

Jũma maʌ̃gʌra Moiseba israelerãa jarasia. Mãwãmĩna ĩjãnaẽ́ basía. Ãdjirãra sopua panasid̶aa Moiseba naẽna jarad̶a ĩjã panʌ carea wetara mĩga traja panesid̶a bẽrã.

Hecho 7:51

¡Bãrãra cʌwʌrʌ zarea tab̶eaa! ¡Sod̶eba ĩjãnacaa! Ãcõrẽ bed̶eara ũrĩ quĩrĩãnacaa. Ãcõrẽ Jaureba jara b̶ʌra bãrãba ewariza igarabadaa. Ara bãdji drõãenabemarã quĩrãca panʌa.