Exodo 5:21 - Ãcõrẽ Bed̶ea

²¹ Dji traja panʌ bororãba ãdjía jarasid̶aa: –Ãcõrẽba bãrãra cawa oya. Bãrãdrʌ bed̶ead̶e panʌa dairãra Egiptod̶ebema boro quĩrãpita, dji dromarã quĩrãpita bid̶a biẽ́ panebʌda carea. Id̶ibʌrʌ bãrãba dairãra quenabid̶ia.–

Exodo 5:21 Iomraidhean Croise

Genesi 16:5

Maʌ̃ bẽrã Saraiba Abraʌ̃a jarasia: –Bʌdrʌ bed̶ead̶e b̶ʌa Agaraba mʌ̃ igara b̶ʌ carea. Mʌ̃a bʌ́a idjira diasia quima quĩrãca. Baribʌrʌ idji b̶iogoa b̶ʌ cawasid̶eba ʌ̃taa mʌ̃ra igara b̶ʌa. Ãcõrẽbʌrʌ cawa b̶ʌa caida bed̶ead̶e b̶ʌda: mʌ̃da wa bʌda.–

Genesi 31:53

Dadjid̶ebema ab̶aʌda naʌ̃ mõgara aud̶u djõne wãibʌrʌ, Ãcõrẽ bʌ zezadrõã Abrahaʌ̃ ume b̶ad̶a idjab̶a mʌ̃ zezadrõã Naco ume b̶ad̶aba cawa oya. ¿Bia b̶ʌca?– Maʌ̃ne Jacoboba idji zeza Isaba waya b̶ʌ Ãcõrẽ quĩrãpita Labaʌ̃a wãrãneba jarasia “bia b̶ʌa.”

Genesi 34:30

Mãwãnacarea Jacoboba Simeoʌ̃a, Levia bid̶a jarasia: –Bãrãba biẽ́ oped̶ad̶a bẽrã mʌ̃ra nẽbʌrad̶e b̶ʌsid̶aa. Naʌ̃ druad̶ebema cananeorãba, perezeorã bid̶a mʌ̃ra quĩrãma panesid̶aa. Ãdjirãda bed̶ea aud̶aped̶a mʌ̃ ume djõne zed̶ibʌrʌ, dadjira zocãrãẽ́be panʌ bẽrã mʌ̃ra jũma mʌ̃ ẽberãrã sid̶a bead̶ia.–

Exodo 14:11

Maʌ̃ne ãdjirãba Moisea jarasid̶aa: –¿Bʌa cãrẽ cãrẽã jãwã osi? ¿Cãrẽ cãrẽã Egiptod̶eba dairãra nama pe enesi? ¿Egiptod̶e dairã joud̶i carea ẽjũãra neẽ́ basica? ¿Bʌa dairãra naʌ̃ ẽjũã põãsa ewaraga b̶ʌd̶e beubi carea enesica?

Exodo 15:24

Maʌ̃ne ãdjirãba Moisea quĩrũbid̶eba nãwã biẽ́ jarasid̶aa: –¿Dadjirãba nama cãrẽda dod̶i?–

Exodo 16:2

Maʌ̃ ẽjũã põãsa ewaraga b̶ʌd̶e cod̶i neẽ́ b̶ʌ bẽrã jũma israelerãba Moisera, Aaroʌ̃ sid̶a biẽ́ jarasid̶aa.

Exodo 4:31

Maʌ̃ bẽrã Aaroʌ̃ba jarad̶ara ĩjãsid̶aa. Ãcõrẽba ãdji bia mĩga panʌda unuped̶a ãdjirã carebai carea b̶ʌda ĩjãsid̶aa. Maʌ̃ bẽrã chĩrãborod̶e b̶arru copanenaped̶a Ãcõrẽa bia bed̶easid̶aa.

Exodo 5:20

Ãdjirã Egiptod̶ebema boromaʌba ẽdrʌbʌdad̶e unusid̶aa Moiseba Aaroʌ̃ bid̶a dajadaare ãdji jʌ̃ã panʌda.

Exodo 6:9

Jũma maʌ̃gʌra Moiseba israelerãa jarasia. Mãwãmĩna ĩjãnaẽ́ basía. Ãdjirãra sopua panasid̶aa Moiseba naẽna jarad̶a ĩjã panʌ carea wetara mĩga traja panesid̶a bẽrã.

Numero 14:22

Naʌ̃ ẽberãrã ni ab̶aʌda mʌ̃a ãdji drõã naẽnabemarãa diai jarad̶a ẽjũãne idu jũẽbiẽ́a. Ãdjirãba mʌ̃ quĩrãwãrẽã dorrodorroada unuped̶ad̶amĩna idjab̶a Egiptod̶e, ẽjũã põãsa ewaraga b̶ʌd̶e bid̶a mʌ̃a ne ununaca o b̶ʌda unuped̶ad̶amĩna mʌ̃ra ĩjãnaẽ́ basía. Ãtebʌrʌ mʌ̃a poya oẽ́ quĩrãca b̶arima zocãrã biẽ́ bed̶easid̶aa. Mʌ̃da igaraped̶ad̶a bẽrã ãdjirã ni ab̶aʌda Canaaʌ̃ druad̶e jũẽnaẽ́a.

Numero 14:3

¿Ãcõrẽba cãrẽ cãrẽã dairãra maʌ̃ druad̶aa edebʌrʌ? ¿Mama djõ panʌne maʌ̃ druad̶ebemarãba dairãra quenanamãrẽã edebʌrʌca? ¿Dai wẽrãrãra, warrarã sid̶a maʌ̃ ẽberãrãba ara ãdjirã itea jidad̶amãrẽã edebʌrʌca? ¿Egiptod̶aa jẽda wãnida biara b̶ʌẽ́ca?–

1 Samuel 13:4

Naʌ̃ bed̶eada ãdjirãba ũrĩsid̶aa: “Saulba pilisteorãra quenasia. Maʌ̃ carea pilisteorãba dadji israelerãra quĩrãma panʌa.” Ara maʌ̃da israelerãra Gilgal purud̶aa wãsid̶aa Sauloare djõni carea.

1 Samuel 27:12

Maʌ̃ carea pilisteorã boro Aquisiba crĩchasia Davira idjiare b̶ʌda. Idjia jarasia: “Daviba o b̶ʌ carea idji puru Israelba idjira quĩrãma panʌa. Maʌ̃ bẽrã idjira ewariza mʌ̃are b̶aya.”