Exodo 5:16 - Ãcõrẽ Bed̶ea

¹⁶ Id̶ira chiruada diad̶aẽ́ panʌa, baribʌrʌ wad̶ibid̶a dji traju obibada bororãba de obada mõgarara ab̶arica daucha obi panʌa. Mãwã poya od̶aẽ́ panʌ carea ãdjirãba dairãra ubadaa. Baribʌrʌ dairãra bed̶ead̶e panʌẽ́a, ãtebʌrʌ bʌa b̶ʌcuad̶a traju obibada bororãda bed̶ead̶e panʌa.–

Exodo 5:16 Iomraidhean Croise

Genesi 11:3

Ewari ab̶a ãbaa nãwã bed̶eadruasid̶aa: “Egoroda mõgara quĩrãca od̶aped̶a tʌbʌd̶e bád̶adrʌ de od̶i carea.” Ara maʌ̃da egorora mõgara quĩrãca od̶aped̶a básid̶aa mõgarara neẽ́ bad̶a bẽrã. Maʌ̃be cãdorronada edasid̶aa maʌ̃ mõgara quĩrãca od̶ara carad̶i carea.

1 Reye 12:14

Idjiare b̶ea cũdrarãba jaraped̶ad̶a quĩrãca nãwã jarasia: –Mʌ̃ zezaba bãrãra bio mĩgabisia, baribʌrʌ mʌ̃a wetara oya. Mʌ̃ zezaba bãrãra soaba ubibadjia, baribʌrʌ mʌ̃a bãrãra soa quid̶a bara b̶ʌba bãrãra ubiya.–

Exodo 5:15

Maʌ̃ bẽrã dji traja panʌ bororã israelerãra Egiptod̶ebema boromaa wãnaped̶a nãwã jarasid̶aa: –Dairã bʌ nezocarãra bʌa jãwã oiẽ́ b̶ʌa.

Exodo 5:17

Maʌ̃ne Egiptod̶ebema boroba panusia: –Bãrãra coaid̶a tab̶eaa. Maʌ̃ bẽrã nãwã jara panʌa: “Dairãra wãnia Ãcõrẽa animarãda babue diacuad̶i carea.”