Exodo 5:1 - Ãcõrẽ Bed̶ea

¹ Mãwãnacarea Moisera, Aaroʌ̃ sid̶a Egiptod̶ebema boromaa wãnaped̶a jarasid̶aa: –Israelerã Ãcõrẽba nãwã jara b̶ʌa: “Mʌ̃ purura ẽjũã põãsa ewaraga b̶ʌd̶e idu wãbidua mʌ̃́a animarãda babue diad̶amãrẽã.”–

Exodo 5:1 Iomraidhean Croise

1 Reye 21:20

Elía Acaboma jũẽsid̶e Acaboba idjía jarasia: –Mʌ̃ dji quĩrũ, ¿bʌa mʌ̃ra acʌd̶e ze b̶ʌca?– Elíaba panusia: –Mãẽ, bʌra acʌd̶e ze b̶ʌa. Bʌa Ãcõrẽ quĩrãpita jũmawãyã cadjiruada o b̶ʌa.

Exodo 10:3

Ara maʌ̃da Moisera Aaroʌ̃ sid̶a Egiptod̶ebema boromaa wãnaped̶a nãwã jarasid̶aa: –Dai hebreorã Ãcõrẽba nãwã jara b̶ʌa: “¿Bʌa sãʌ̃bebʌrʌ mʌ̃ra wayai? Mʌ̃ purura idu wãbidua mʌ̃́a animarãda babue diad̶amãrẽã.

Exodo 10:4

Baribʌrʌ mʌ̃ puruda idu wãbiẽ́bʌrʌ, nu mʌ̃a ad̶ichichida bʌ druad̶e zocãrã b̶aebiya.

Exodo 10:9

Moiseba panusia: –Dairãra jũma wãnia. Warra zaquerãra, drõãrãra, dai warrarãra, dai caurã sid̶a wãnia. Dai animarã sid̶a eded̶ia. Dairãra jũma wãnia Ãcõrẽa animarã babue diad̶i bẽrã.–

Exodo 3:18

Bʌa jarabʌrʌra israelerã bororãba ĩjãnia. Maʌ̃be ãdjirãra bʌ ume ededua Egiptod̶ebema boromaa. Bãrãba idjía jarad̶adua: “Dai hebreorã Ãcõrẽda daima odjaped̶a jarasia idjía animarã babue diad̶e wãnamãrẽã. Maʌ̃ bẽrã dairãra ẽjũã põãsa ewaraga b̶ʌd̶e ewari ũbea idu wãbidua mãwã od̶i carea.”

Exodo 33:13

Wãrãda mãwã baibʌrʌ, bʌa oi crĩcha b̶ʌda mʌ̃́a cawabidua. Mãwã mʌ̃a bʌra biara cawaya idjab̶a bʌa mʌ̃ra bia unu b̶eya. Quĩrãnebadua naʌ̃ ẽberãrãra bʌreda.–

Exodo 4:23

Maʌ̃ carea mʌ̃a jara b̶ʌa: mʌ̃ warrara ẽdrʌ b̶ʌdua mʌ̃́a animarãda babue diad̶e wãmãrẽã. Baribʌrʌ bʌa jarasia ẽdrʌ b̶ʌẽ́da. Maʌ̃ carea bʌ umaquĩrã warra dji nabemada beuya.”–

Exodo 6:11

–Egiptod̶ebema boromaa wãped̶a jaradua israelerãra idji druad̶ebemada idu ẽdrʌbimãrẽã.–

Exodo 6:27

Ãdjidrʌ Egiptod̶ebema boro ume bed̶easid̶aa israelerã Egiptod̶eba ẽdrʌ eded̶i carea.

Exodo 7:2

Mʌ̃a jarabi b̶ʌda bʌ djaba Aaroʌ̃a jũma jaradua. Maʌ̃gʌra idjia Egiptod̶ebema boroa jaraya bãrã israelerãra idji druad̶eba idu ẽdrʌbimãrẽã.

Exodo 8:1

Maʌ̃ne Ãcõrẽba Moisea jarasia: –Egiptod̶ebema boroa nãwã jarad̶e wãdua: “Ãcõrẽba nãwã jara b̶ʌa: mʌ̃ purura idu wãbidua mʌ̃́a animarã babue diad̶amãrẽã.

Exodo 8:16

Maʌ̃be Ãcõrẽba Moisea jarasia: –Aaroʌ̃a jaradua idji jʌwad̶e erob̶ʌ bacuruda ʌ̃taa waped̶a egorod̶aa umãrẽã. Maʌ̃ne egoro porara pochĩdau baya jũma Egipto druad̶e.–

Exodo 8:17

Ara maʌ̃da ãdjia mãwã osid̶aa. Aaroʌ̃ba idji bacurura ʌ̃taa waped̶a egorod̶aa usía. Maʌ̃ne egoro porara pochĩdau basía jũma Egipto druad̶e. Ab̶ed̶a ẽberãrãra, animarã sid̶a pochĩdauba ca eropanesid̶aa.

Exodo 8:20

Maʌ̃be Ãcõrẽba Moisea jarasia: –Nu diaped̶ed̶a piradrʌped̶a Egiptod̶ebema boro doed̶a wãbʌrʌd̶e idjimaa wãped̶a nãwã jaradua: “Ãcõrẽba nãwã jara b̶ʌa: mʌ̃ purura idu wãbidua mʌ̃́a animarãda babue diad̶amãrẽã.

Exodo 8:27

Maʌ̃ bẽrã dairãra ewari ũbea ẽjũã põãsa ewaraga b̶ʌd̶e wãnia. Mamabʌrʌ dai Ãcõrẽa animarãda babue diacuad̶ia idjia jara b̶ʌ quĩrãca.–

Exodo 9:1

Maʌ̃be Ãcõrẽba Moisea jarasia: –Egiptod̶ebema boroa nãwã jarad̶e wãdua: “Dai hebreorã Ãcõrẽba nãwã jara b̶ʌa: mʌ̃ purura idu wãbidua mʌ̃́a animarãda babue diad̶amãrẽã.

Exodo 9:2

Baribʌrʌ bʌa dai israelerãda idu wãbiẽ́bʌrʌ ãtebʌrʌ naʌ̃ druad̶e b̶ebibʌrʌ, Ãcõrẽba bãrã animarãra idji ʌb̶ʌad̶eba quinibiya. Bãrã cawayoda, burroda, cameyoda, pacada, oveja sid̶a quininia.

Mateo 10:18

Mʌ̃ ĩjã panʌ carea bãrãra dji dromarã quĩrãpita, dji bororã quĩrãpita bid̶a eded̶ia. Maʌ̃ne bãrãba ãdjirã quĩrãpita, judiorãẽ́ quĩrãpita bid̶a mʌ̃nebemada bed̶ead̶ia.

Mateo 10:28

Ẽberãrãda wayarãnadua. Ãdjia naʌ̃ cacuada poya bead̶ia baribʌrʌ dadji jaureda poya bead̶aẽ́a. Ãtebʌrʌ naʌ̃ cacua, dadji jaure tʌbʌ uruad̶e babueida b̶ʌdrʌ wayad̶adua.

Hecho 4:29

Dai Boro, acʌdua sãwã ãdjirãba dairãra waraga panʌda. Sozarrada dairã bʌ nezocarãa diadua bʌ bed̶eara ne wayaa neẽ́ jarad̶i carea.

1 Corinto 5:8

Dadjirãba cadjiruad̶ebema ẽdrʌped̶ad̶ara quĩrãnebabada bẽrã crĩcha biad̶eba, wãrãneba nĩbad̶ida panʌa. Mãwã nĩbaira paʌ̃ ẽsãbari neẽ́ b̶ʌ quĩrãca b̶ʌa. Djãrã quĩrãma b̶ʌd̶eba idjab̶a biẽ́ o b̶ʌd̶eba waa nĩbad̶iẽ́ panʌa. Mãwã nĩbaira harina ẽsãbibari drõã quĩrãca b̶ʌa.