Exodo 4:5 - Ãcõrẽ Bed̶ea

⁵ Maʌ̃be Ãcõrẽba Moisea jarasia: –Bʌa maʌ̃da osira israelerãba ĩjãnia mʌ̃a ara mʌ̃djida bʌ́a unubisida. Cawad̶ia mʌ̃ra ãdji drõã naẽnabemarã Abrahaʌ̃ba, Isaba, idjab̶a Jacobo bid̶a ĩjã panana Ãcõrẽda.–

Exodo 4:5 Iomraidhean Croise

Genesi 12:7

Mama Ãcõrẽra Abraʌ̃ma odjaped̶a nãwã jarasia: “Mʌ̃a naʌ̃ ẽjũãra bʌd̶eba yõbʌdarãa diaya.” Maʌ̃be Abraʌ̃ba mõgarada ʌ̃tʌ pã buesia ara maʌ̃ Ãcõrẽ idjima odjad̶aa bia bed̶eai carea.

Genesi 17:1

Abraʌ̃ 99 poa b̶asid̶e Ãcõrẽra idjima odjaped̶a nãwã jarasia: –Mʌ̃ra ne jũma poya obari Ãcõrẽa. Bʌra mʌ̃ quĩrãpita jipa nĩbadua.

Genesi 18:1

Abrahaʌ̃ Mamre ẽjũã bacuru dromaid̶a b̶ʌma b̶asid̶e Ãcõrẽra idjima nãwã odjasia: Abrahaʌ̃ra idji wua ded̶e ed̶a wãbadama umatipa chũmasia.

Genesi 26:2

Isa mama b̶ʌd̶e Ãcõrẽra idjimaa zeped̶a jarasia: –Egipto druad̶aa wãrãdua, ãtebʌrʌ mʌ̃a jarabʌrʌ druad̶e b̶edua.

Genesi 28:13

Idjab̶a unusia Ãcõrẽda dume borod̶e nũmʌda. Mãwã b̶ʌd̶e Ãcõrẽba jarasia: –Mʌ̃ra bʌ zezadrõã Abrahaʌ̃ Ãcõrẽa, bʌ zeza Isa Ãcõrẽa. Bʌ cãĩ b̶ʌ ẽjũãra mʌ̃a bʌ́a, bʌ warrarãa bid̶a diaya.

Genesi 48:15

Maʌ̃ne Israelba Josera nãwã bia jara b̶ʌsia: Mʌ̃ zezadrõã Abrahaʌ̃ba idjab̶a mʌ̃ zeza Isa bid̶a Ãcõrẽda ĩjã panasid̶aa. Mʌ̃ tosid̶a ewarid̶eba ʌ̃taa ara maʌ̃ Ãcõrẽba mʌ̃ra waga b̶abaria.

Genesi 48:3

Maʌ̃ne Josea jarasia: –Canaaʌ̃ druad̶e mʌ̃ Luz purud̶e b̶asid̶e ne jũma poya b̶ʌ Ãcõrẽra mʌ̃ma odjaped̶a mʌ̃ra nãwã bia jara b̶ʌsia:

1 Reye 18:36

Quewara israelerãba Ãcõrẽa animarã babue diabada horaca Elíara animarã babue diabada caita wãped̶a Ãcõrẽa nãwã iwid̶isia: “Ãcõrẽ, bʌdrʌ Abrahaʌ̃, Isa, idjab̶a Israel Ãcõrẽa. Id̶i unubidua bʌra wãrãda israelerã Ãcõrẽda idjab̶a mʌ̃ra bʌ nezocada. Unubidua bʌabʌrʌ mʌ̃́a nãwã obi b̶ʌda.

Exodo 19:9

Maʌ̃ne Ãcõrẽba idjía jarasia: –Mʌ̃ra jʌ̃rãrã pãĩmane bʌ ume bed̶ead̶e zeya israelerãba dadji bed̶eabʌdara ũrĩnamãrẽã. Mãwã ãdjirãba jũma bʌa jarabʌrʌra ĩjã panania.–

Exodo 3:15

Idjab̶a jarasia: –Israelerãa jaradua: “Dadji Ãcõrẽba mʌ̃ra bãrãmaa diabuesia. Dadji drõã naẽnabema Abrahaʌ̃ba, Isaba, idjab̶a Jacobo bid̶a idjira ĩjã panasid̶aa.” Mʌ̃ trʌ̃ Jehová abadara ewariza b̶aya. Maʌ̃ trʌ̃neba ẽberãrãba mʌ̃ra cawa panania.

Exodo 3:16

Egiptod̶aa wãdua. Jãma jũẽped̶a israelerã bororã ume bed̶eadua. Ãdjirãa jaradua: “Dadji Boro Ãcõrẽba mʌ̃́a ara idjida unubisia. Dadji drõã naẽnabema Abrahaʌ̃ba, Isaba, idjab̶a Jacoboba idjira ĩjã panasid̶aa. Idjia nãwã jarasia: mʌ̃a bãrã israelerãra acʌ b̶ʌ bẽrã unu b̶ʌa egiptorãba bãrãra biẽ́ o panʌda.

Exodo 3:18

Bʌa jarabʌrʌra israelerã bororãba ĩjãnia. Maʌ̃be ãdjirãra bʌ ume ededua Egiptod̶ebema boromaa. Bãrãba idjía jarad̶adua: “Dai hebreorã Ãcõrẽda daima odjaped̶a jarasia idjía animarã babue diad̶e wãnamãrẽã. Maʌ̃ bẽrã dairãra ẽjũã põãsa ewaraga b̶ʌd̶e ewari ũbea idu wãbidua mãwã od̶i carea.”

Exodo 3:4

Ãcõrẽba Moise caitaara zebʌrʌda unusid̶e maʌ̃ bacuru zaque uruga nũmʌneba trʌ̃ jarasia: –Moise, Moise.– Moiseba panusia: –Mʌ̃ra nama b̶ʌa.–

Exodo 3:6

Mʌ̃ra bʌ zezaba ĩjã b̶ad̶a Ãcõrẽa. Abrahaʌ̃ba, Isaba, idjab̶a Jacoboba mʌ̃ra ĩjã panasid̶aa.– Maʌ̃ne Moiseba Ãcõrẽra waya b̶ʌ bẽrã idji quĩrãdarrara jũãtrʌsia Ãcõrẽ acʌ amaaba.

Exodo 4:1

Baribʌrʌ Moiseba jarasia: –Israelerãba mʌ̃a jarabʌrʌra ĩjãnaẽ́a idjab̶a ũrĩ quĩrĩãnaẽ́a. Ãdjirãba jarad̶ia: “Ãcõrẽba ara idjida bʌ́a unubiẽ́ b̶ʌa.”–

Exodo 4:31

Maʌ̃ bẽrã Aaroʌ̃ba jarad̶ara ĩjãsid̶aa. Ãcõrẽba ãdji bia mĩga panʌda unuped̶a ãdjirã carebai carea b̶ʌda ĩjãsid̶aa. Maʌ̃ bẽrã chĩrãborod̶e b̶arru copanenaped̶a Ãcõrẽa bia bed̶easid̶aa.

Exodo 4:4

Baribʌrʌ Ãcõrẽba jarasia: –Dji drud̶e jidadua.– Ara maʌ̃da Moiseba dji drud̶e jidabʌrʌd̶e waya bacuru basía.

Juaʌ̃ 11:15

Arima b̶ad̶aẽ́ bẽrã mʌ̃ra b̶ʌsrid̶a b̶ʌa maʌ̃neba bãrãba mʌ̃ra biara ĩjãni bẽrã. Waya idjimaa wãnadrʌ.–

Juaʌ̃ 11:42

Mʌ̃a cawa b̶ʌa bʌa mʌ̃ bed̶eara ũrĩ b̶abarida, baribʌrʌ mʌ̃a maʌ̃gʌra jarasia naʌ̃gʌrã ẽberãrãba cawad̶amãrẽã bʌabʌrʌ mʌ̃ra diabuesida.–

Juaʌ̃ 20:27

Mãwã jaraped̶a Tomáa jarasia: –Bʌ jʌwa jĩwĩnĩra nama berajudua, mʌ̃ jʌwaza acʌdua, idjab̶a bʌ jʌwara mʌ̃ orrod̶e berajudua. Waa ĩjãẽ́ b̶arãdua, ãtebʌrʌ ĩjãdua mʌ̃ra wãrãda ʌ̃rẽbasida.–

Juaʌ̃ 20:31

Baribʌrʌ jũma naʌ̃gʌra b̶ʌsia bãrãba Jesura Ãcõrẽba ẽdrʌ edabari diai jarad̶ada, Ãcõrẽ Warrada ĩjãnamãrẽã. Mãwã ĩjãnibʌrʌ idjid̶eba zocai b̶ai arada erob̶ead̶ia.

Juaʌ̃ 5:36

Baribʌrʌ Juaʌ̃ba jarad̶a cãyãbara naʌ̃gʌda mʌ̃are biara bed̶ea b̶ʌa. Mʌ̃ Zezaba obi b̶ʌda mʌ̃a jũma o b̶ʌ bẽrã cawabi b̶ʌa mʌ̃ Zezaba mʌ̃ra wãrãda diabuesida.

Hecho 7:2

Estebaʌ̃ba nãwã panusia: –Mʌ̃ djabarã judiorã, mʌ̃ bororã, mʌ̃ djuburia mʌ̃ bed̶eada ũrĩnadua. Dadji drõã naẽnabema Abrahaʌ̃ wad̶i Mesopotamia druad̶e b̶asid̶e Haraʌ̃ purud̶e b̶ad̶e wãi naẽna Ãcõrẽ dji Droma b̶ʌra idjima odjasia.

Hebreo 11:16

Baribʌrʌ drua biara b̶ʌ bajãne b̶ʌda quĩrĩã panasid̶aa. Maʌ̃ carea Ãcõrẽra peracaa idjira ãdjirã Ãcõrẽ abʌdad̶e. Idjia puruda ãdjirã itea bajãne o erob̶ʌa.