Exodo 4:27 - Ãcõrẽ Bed̶ea

²⁷ Maʌ̃ naẽna Ãcõrẽba Aaroʌ̃a jarasia: –Ẽjũã põãsa ewaraga b̶ʌd̶e Moise acʌd̶e wãdua.– Ara maʌ̃da Aaroʌ̃ra wãped̶a Moisera unusia Ãcõrẽ eya abadama. Unuped̶a b̶ʌsrid̶aba idji uridarrad̶e isõsia.

Exodo 4:27 Iomraidhean Croise

Genesi 29:11

Maʌ̃ne Jacobora b̶ʌsrid̶asia idji papa ẽberãrãma jũẽna bẽrã. Maʌ̃ carea Raquel uridarrad̶e isõped̶a jĩãsia.

1 Reye 19:8

Ara maʌ̃da Elíara piradrʌped̶a ne cosia, baido sid̶a dosia. Mãwã ne cod̶aba cacua ʌb̶ʌaped̶a cuarenta ewari, ãsa, diamasi bid̶a od̶e nĩbasia ab̶a Horeb eyad̶e jũẽbʌrʌd̶aa. Maʌ̃ eyara Ãcõrẽ eya abadaa.

Exodo 18:5

Ẽjũã põãsa ewaraga b̶ʌd̶e Moisera israelerã ume Ãcõrẽ eya caita duanasid̶aa. Maʌ̃ne Moise zãwãrẽ Jetroba idjía naʌ̃ bed̶eada diabuesia: “Mʌ̃da, bʌ quimada, bʌ warrarã sid̶a bʌmaa wãnia.” Maʌ̃ bed̶ea diabued̶acarea ãdjirãra Moisemaa wãsid̶aa.

Exodo 18:7

Jũẽbʌdad̶e Moiseba idji zãwãrẽra bio b̶ʌsrid̶a audiab̶arid̶e wãsia. Idji zãwãrẽ quĩrãpita quĩrã ed̶aa b̶arruped̶a idji uridarrad̶e isõsia. Maʌ̃ne sãwã b̶ʌ cawaya dji iwid̶id̶aped̶a Moise wua ded̶e ed̶a wãsid̶aa.

Exodo 19:3

Maʌ̃be Moisera Sinai eyad̶e ʌ̃taa wãsia Ãcõrẽ ume bed̶eai carea. Maʌ̃ eyad̶e Ãcõrẽba idjira trʌ̃ped̶a nãwã jarasia: –Israelerãa nãwã jaradua: “Bãrã Jacobod̶eba yõped̶ad̶arãba unusid̶aa mʌ̃a sãwã egiptorãra cawa osida. Idjab̶a unusid̶aa sãwã mʌ̃a bãrãra nama mʌ̃maa bio waga enesida nejõbʌba idji warrarãra waga enibabari quĩrãca.

Exodo 20:18

Israelerãba cachiru quĩrãca jĩgua nũmʌda, baa sid̶a ũrĩsid̶aa. Idjab̶a Sinai eyad̶e cowaga nũmʌda unusid̶aa. Maʌ̃ne ne wayaaba ure duanʌda tʌmʌ jĩga duanesid̶aa.

Exodo 24:13

Ara maʌ̃da Moisera idji carebabari Josue ume Sinai eyad̶e ʌ̃taa wãsid̶aa Ãcõrẽ b̶ʌmaa.

Exodo 3:1

Moise zãwãrẽ Reuel Jetro abadada Madiaʌ̃nebemarã sacerdote basía. Moiseba idji ovejara wagabadjia. Ewari ab̶a Moiseba dji ovejara dewara orroare ne cobid̶e edesia. Maʌ̃ne idjira ẽjũã põãsa ewaraga b̶ʌd̶e Horeb eyad̶e jũẽne wãsia. Maʌ̃ eyara Ãcõrẽ eya abadaa.

Hecho 10:20

Piradrʌped̶a dud̶aa wãdua. Ãdji ume wãida biẽ́ crĩcharãdua. Mʌ̃a ãdjira zebisia.”