Exodo 4:18 - Ãcõrẽ Bed̶ea

¹⁸ Maʌ̃be Moisera idji zãwãrẽ Jetro abadamaa wãped̶a jarasia: –Mʌ̃ra Egiptod̶aa wãya mʌ̃ ẽberãrã acʌd̶e wad̶i zocai panʌ cawaya.– Jetroba jarasia: –Bia b̶ʌa. Necai wãdua.–

Exodo 4:18 Iomraidhean Croise

Genesi 45:3

Nãwã jarasia: –Mʌ̃ra Josea. ¿Mʌ̃ zezara wad̶i b̶ʌca?– Maʌ̃ne idji djabarãba poya panunaẽ́ basía bio dauperasid̶a bẽrã.

2 Reye 5:10

Eliseoba ẽberãda dajadaa nãwã jarad̶e diabuesia: “Jordaʌ̃ dod̶e cuid̶e wãdua. B̸arima siete cuibʌrʌd̶e bʌ cacuara biaped̶a Ãcõrẽ quĩrãpita bia b̶eya.”

2 Reye 5:19

Eliseoba panusia: –Necai wãdua.– Ara maʌ̃da Naamaʌ̃ra wãsia. Wad̶i tʌmʌ wãẽ́ b̶ʌd̶e Ãcõrẽneba bed̶eabari Eliseo nezoca Guieziba nãwã crĩchasia: “Mʌ̃ boroba Siriad̶ebema Naamaʌ̃ra idu necai wãbisia. Idjia enenara ni cãrẽ sid̶a edaẽ́ basía. Ãcõrẽ zocai b̶ʌ quĩrãpita wãrãneba jaraya: Naamaʌ̃ caid̶u pira wãya ne edai carea.”

Exodo 2:21

Mãwã Moisera Reuel diguid̶a b̶esia. Mama b̶ʌd̶e Reuelba idji cau Seporáda Moisea diasia idji quima bamãrẽã.

Exodo 3:1

Moise zãwãrẽ Reuel Jetro abadada Madiaʌ̃nebemarã sacerdote basía. Moiseba idji ovejara wagabadjia. Ewari ab̶a Moiseba dji ovejara dewara orroare ne cobid̶e edesia. Maʌ̃ne idjira ẽjũã põãsa ewaraga b̶ʌd̶e Horeb eyad̶e jũẽne wãsia. Maʌ̃ eyara Ãcõrẽ eya abadaa.

Luca 7:50

Maʌ̃ne Jesuba wẽrãa jarasia: –Bʌa mʌ̃ra ĩjãna bẽrã cadjiruad̶ebemada ẽdrʌsia. Necai wãdua.–

Hecho 15:36

Dãrãbʌrʌd̶e Pauloba Bernabea jarasia: –Puruza dadji Boro bed̶ea jaradia pananamaa wayacusa wãnaa djabarã sãwã duanʌ cawad̶i carea.–

Hecho 16:36

Maʌ̃be preso b̶ea wagabariba Pauloa jarasia: –Dji cawa obadaba bãrãra ẽdrʌ b̶ʌbisid̶aa. Maʌ̃ba necai wãnadua.–

1 Timoteo 6:1

Crito ĩjã panʌ nezocarãba ãdji borora waya b̶ead̶ida panʌa. Mãwãra dewararãba Ãcõrẽda, dadjia jaradia panʌ sid̶a biẽ́ jarad̶aẽ́a.

1 Samuel 1:17

Maʌ̃ne Eliba jarasia: –Mãẽteara necai wãdua. Mʌ̃a quĩrĩã b̶ʌa dadji israelerã Ãcõrẽba bʌa iwid̶id̶ara diaida.–