Exodo 4:17 - Ãcõrẽ Bed̶ea

¹⁷ Bʌ jʌwad̶e erob̶ʌ bacurura ededua maʌ̃gʌd̶eba ne ununacada oi bẽrã.–

Exodo 4:17 Iomraidhean Croise

2 Reye 4:29

Ara maʌ̃da Eliseoba Guiezia jarasia: –Bʌa cacuad̶e jʌ̃ b̶ʌra bio trãjʌ̃ cob̶ʌped̶a naʌ̃ wẽrã ded̶aa isabe wãdua. Mʌ̃ bacuruda ededua. Isabe wãida b̶ʌ bẽrã ẽberãda unusira bed̶earãdua. Ẽberãba bʌ́a bed̶eaibʌrʌ, panurãdua. Naʌ̃ wẽrã ded̶e jũẽped̶a mʌ̃ bacurura idji warra quĩrãdarra ʌ̃rʌ̃ cob̶ʌdua.–

Exodo 14:16

Bʌa jʌwad̶e erob̶ʌ bacurura pusad̶aa wadua oda pusa ẽsi ewamãrẽã. Maʌ̃ od̶e israelerãra pusa quĩrãrã chãnia.

Exodo 17:9

Maʌ̃ bẽrã Moiseba idji carebabari Josueda trʌ̃ped̶a jarasia: –Ʌ̃cʌrʌ umaquĩrãrãda jʌrʌ pedua nu amalecitarã ume djõne wãni carea. Maʌ̃ne mʌ̃ra eya zaque borod̶e b̶aya. Ãcõrẽba ne ununaca obi b̶ad̶a bacuruda mʌ̃ jʌwad̶e erob̶aya.–

Exodo 4:2

Maʌ̃ne Ãcõrẽba iwid̶isia: –¿Bʌa cãrẽda jʌwad̶e erob̶ʌ?– Moiseba panusia: –Bacuruda erob̶ʌa.–

Exodo 4:20

Maʌ̃be Moiseba dji quimada, dji warrarã sid̶a burro ʌ̃rʌ̃ b̶ʌped̶a Egiptod̶aa wãsid̶aa. Idji jʌwad̶e edesia Ãcõrẽba ne ununaca obi b̶ad̶a bacuruda.

Numero 20:8

–Bʌ bacuruda edaped̶a bʌ djaba Aaroʌ̃ ume purura eded̶adua awuá mõgara waib̶ʌa b̶ʌmaa. Ãdjirã quĩrãpita maʌ̃ mõgaraa bed̶eadua baidoda weamãrẽã. Ara mãwã bed̶eabʌrʌd̶e baidora mõgarad̶eba wea dogoya. Mãwã bʌa baidora weabiya israelerãba ãdji animarã bid̶a dod̶amãrẽã.–

1 Corinto 1:27

Maʌ̃ bẽrã naʌ̃ ẽjũãnebema ne cawa b̶eamaarã bãrãra ne adua qued̶eaa. Baribʌrʌ ãdjirãba ne adua qued̶ea abadara Ãcõrẽba edasia. Mãwã naʌ̃ ẽjũãnebema ne cawa b̶eara perabibaria. Ara maʌ̃ quĩrãca naʌ̃ ẽjũãnebema ʌb̶ʌa b̶eamaarã bãrãra ʌb̶ʌaẽ́ b̶eaa. Baribʌrʌ ãdjirãba ʌb̶ʌaẽ́ b̶ea abadara Ãcõrẽba edasia. Mãwã naʌ̃ ẽjũãnebema ʌb̶ʌa b̶eara perabibaria.