Exodo 4:12 - Ãcõrẽ Bed̶ea

¹² Bʌ bed̶eabʌrʌd̶e mʌ̃a carebaya. Mʌ̃a cawabiya bʌa cãrẽda jaraida b̶ʌda. Jãʌ̃be Egiptod̶aa wãdua.–

Exodo 4:12 Iomraidhean Croise

Exodo 3:12

Maʌ̃ne Ãcõrẽba panusia: –Wãdua. Mʌ̃ra bʌ ume b̶aya. Mʌ̃a nãwã unubiya bʌra wãrãda diabuesida. Bʌa israelerãra Egiptod̶ebemada ãyã edeped̶a bãrãba naʌ̃ eyad̶e mʌ̃́a bia bed̶ead̶e zed̶ia.–

Exodo 4:13

Baribʌrʌ Moiseba panusia: –¡Ay, mʌ̃ Boro! Mʌ̃ quĩrã djuburia dewara ẽberãda diabuedua.–

Exodo 4:15

Idjira Egiptod̶e bʌ cacuabari bed̶eaya. Mʌ̃a jarabi b̶ʌda bʌa idjía jaraya. Maʌ̃gʌra idjia purua jaraya. Mʌ̃a bãrãra carebaya bia bed̶ead̶amãrẽã idjab̶a cawabiya sãwãbʌrʌ od̶ida panʌda. Bʌa ãcõrẽ quĩrãca Aaroʌ̃a bed̶ea b̶aya idjab̶a idjira bʌd̶eba bed̶ea b̶aya.

Numero 16:28

Maʌ̃ne Moiseba jarasia: –Nãwã bãrãba cawad̶ia ara mʌ̃djia quĩrĩã b̶ʌd̶eba bãrã boroda b̶eẽ́ basida, ãtebʌrʌ Ãcõrẽbʌrʌ mʌ̃ra b̶ʌsida:

Marco 13:11

Ẽberãrãba bãrãra jida edebʌdad̶e sopuarãnadua sãwã bed̶ead̶ida. Maʌ̃nebemada crĩcharãnadua. Ab̶abe jarad̶adua Ãcõrẽba jarabibʌrʌda. Ara bãdji crĩchad̶eba bed̶ead̶aẽ́a, ãtebʌrʌ Ãcõrẽ Jauredrʌ bãrãneba bed̶eaya.

Luca 11:1

Ewari ab̶a Jesuba Ãcõrẽa iwid̶i b̶asia. Mãwãnacarea idji ume nĩbabari ab̶aʌba nãwã iwid̶isia: –Dai Boro, daiba Ãcõrẽa arid̶e iwid̶id̶i carea jaradiadua Juaʌ̃ba idji ume nĩbabadarãa jaradiad̶a quĩrãca.–

Juaʌ̃ 14:26

Baribʌrʌ mʌ̃ Zezaba mʌ̃ trʌ̃neba idji Jaureda diabueya bãrã Carebabarida b̶amãrẽã. Ãcõrẽ Jaureba ne jũmada bãrãa jaradiaya. Idjia bãrãa jũma mʌ̃a jarad̶ara quĩrãnebabiya.

Epeso 6:19

Idjab̶a mʌ̃ carea Ãcõrẽa iwid̶i pananadua. Idjía iwid̶id̶adua mʌ̃́a cawabimãrẽã sãwã Critod̶ebemada bed̶eaida b̶ʌda. Mãwã mʌ̃a ne wayaa neẽ́ ẽberãrãa cawabiya bed̶ea bia Critod̶ebema Ãcõrẽba naẽna cawabiẽ́ b̶ad̶ada.