Exodo 4:10 - Ãcõrẽ Bed̶ea

¹⁰ Ãcõrẽba mãwã jarad̶amĩna Moiseba idjía jarasia: –¡Ay, mʌ̃ Boro! Mʌ̃ra ẽberãrã quĩrãpita warrá bed̶eacaa. Maʌ̃ra id̶ibemaẽ́a. Bʌra mʌ̃ ume bed̶ea b̶ʌmĩna mʌ̃ra ara mãwã warrá bed̶eacaa. Mʌ̃ra ẽberãrã quĩrãpita cawa bed̶eacaa.–

Exodo 4:10 Iomraidhean Croise

Exodo 3:11

Baribʌrʌ Moiseba jarasia: –¿Mãwãra mʌ̃ra cai Egiptod̶ebema boro quĩrãpita bed̶ead̶e wãi carea idjab̶a israelerãra Egiptod̶eba ãyã edei carea?–

Exodo 4:1

Baribʌrʌ Moiseba jarasia: –Israelerãba mʌ̃a jarabʌrʌra ĩjãnaẽ́a idjab̶a ũrĩ quĩrĩãnaẽ́a. Ãdjirãba jarad̶ia: “Ãcõrẽba ara idjida bʌ́a unubiẽ́ b̶ʌa.”–

Exodo 6:12

Baribʌrʌ Moiseba Ãcõrẽa jarasia: –Israelerãba mʌ̃ bed̶eada ĩjãnaẽ́ panʌa. Mʌ̃ra warrá bed̶eaca bẽrã ¿Egiptod̶ebema boroba mʌ̃ bed̶eara ĩjãica?–

Exodo 6:30

Baribʌrʌ Moiseba Ãcõrẽa jarasia: –Mʌ̃ra warrá bed̶eacaa. ¿Mʌ̃a jarabʌrʌra Egiptod̶ebema boroba ũrĩca?–

Hecho 7:22

Mãwã b̶ʌd̶e Egiptod̶ebema ne cawa b̶eaba Moisea ãdji crĩcha cawaara jũma jaradiasid̶aa. Mãwã idjira crĩcha cawaad̶eba bed̶eabadjia idjab̶a ne waib̶ʌada obadjia.

2 Corinto 10:10

Ʌ̃cʌrʌba jara panʌa cartad̶eba mʌ̃a bio quẽãbarida idjab̶a jũmawãyã obibarida. Baribʌrʌ bãrã ume b̶ʌd̶e mʌ̃ra, mʌ̃ bed̶ea sid̶a mãcuaẽ́ b̶ʌad̶a abadaa.

2 Corinto 11:6

Mʌ̃ra bed̶ea biya quirud̶eba bed̶eacamĩna wãrã bed̶eara bio cawa b̶ʌa. Maʌ̃ wãrã bed̶eara daiba ne jũmaneba bãrãa ebud̶a cawabisid̶aa.