Exodo 34:9 - Ãcõrẽ Bed̶ea

⁹ Nãwã jarasia: –Mʌ̃ Boro, bʌa mʌ̃da bia unu b̶ʌbʌrʌ, dairã ume wãdua. Naʌ̃ ẽberãrãra cʌwʌrʌ zarea panʌmĩna dairãba cadjirua oped̶ad̶ara quĩrãdoadua idjab̶a dairãra edadua bʌ puru bamãrẽã.–

Exodo 34:9 Iomraidhean Croise

Exodo 19:5

Id̶i mʌ̃a bãrã ume bed̶eada b̶ʌya. Maʌ̃ bed̶eada ĩjã od̶ibʌrʌ, mʌ̃a dewara puru b̶ea cãyãbara bãrãda bio quĩrĩã erob̶aya. Jũma naʌ̃ ẽjũãne b̶eara mʌ̃remĩna mʌ̃a bãrãdrʌ b̶ʌya mʌ̃ itea b̶ead̶amãrẽã idjab̶a jũmarã itea sacerdoterãda b̶ead̶amãrẽã.” Bʌa maʌ̃da israelerãa jarad̶e wãida b̶ʌa.–

Exodo 32:9

Idjab̶a Ãcõrẽba Moisea jarasia: –Mʌ̃a unu b̶ʌa naʌ̃ ẽberãrãra cʌwʌrʌ zarea b̶eada.

Exodo 33:12

Moiseba Ãcõrẽa jarasia: –Bʌa mʌ̃́a jara b̶ʌa naʌ̃ ẽberãrãra nocod̶aa edemãrẽã. Baribʌrʌ bʌa jaraẽ́ b̶ʌa caida diabueida mʌ̃ carebamãrẽã. Idjab̶a bʌa jara b̶ʌa mʌ̃ra bio cawa b̶ʌda idjab̶a bio bia unu b̶ʌda.

Exodo 34:7

Mʌ̃ quĩrĩã jõcada zocãrã ẽberãrãa unubibaria. Ãdjia cadjirua obadara, mʌ̃ bed̶ea igarabadara idjab̶a ãĩ obada sid̶a mʌ̃a quĩrãdoabaria. Baribʌrʌ dji bed̶ead̶e b̶ʌra mʌ̃a cawa obaria. Dji zezaba cadjirua od̶a carea idjida, idji warrarãda, idji wiuzaquerãda, ãdjirã warrarã sid̶a cawa o b̶abaria.–

Numero 14:19

Maʌ̃ bẽrã bʌ quĩrĩã waib̶ʌa b̶ʌd̶eba naʌ̃ ẽberãrãba cadjirua oped̶ad̶ara quĩrãdoadua ãdji Egiptod̶eba ẽdrʌped̶ad̶a ewarid̶eba ab̶a id̶id̶aa bʌa quĩrãdoad̶a quĩrãca.–

Mateo 28:20

Ãdjirãa jaradiad̶adua mʌ̃a bãrãa jarad̶ada jũma ĩjã od̶amãrẽã. Maʌ̃ne mʌ̃ra bãrã ume ewariza b̶aya ab̶a naʌ̃ ewari jõbʌrʌd̶aa.–