Exodo 34:10 - Ãcõrẽ Bed̶ea

¹⁰ Ãcõrẽba panusia: –Ũrĩdua. Mʌ̃ra bãrã puru ume bed̶ea b̶ʌya. Bãrã quĩrãpita mʌ̃a ne ununacara o b̶aya. Maʌ̃ ne ununacara mʌ̃a wad̶ibid̶a ni ab̶aʌ puru naʌ̃ ẽjũã b̶ead̶e ocaa. Mãwã obʌrʌd̶e ẽberãrã bʌ ume panʌba bãrã israelerã carea o b̶ʌda ununaped̶a mʌ̃ ʌb̶ʌara waya panania.

Exodo 34:10 Iomraidhean Croise

2 Samuel 7:23

Maʌ̃ awara bʌ puru Israel quĩrãca naʌ̃ ẽjũãne dewara puruda neẽ́a. Ãcõrẽ, bʌa dairãra Egiptod̶ebemada ẽdrʌ edasia bʌ puruda b̶amãrẽã. Mãwã bʌra trʌ̃ b̶ʌgasia. Ne ununaca waib̶ʌa b̶ea o b̶ʌd̶eba bʌa dewara ẽberãrãda, ãdji ãcõrẽ b̶ea sid̶a dairã quĩrãpita ãyã jʌrecuasia.

Exodo 34:27

Maʌ̃be Ãcõrẽba Moisea jarasia: –Mʌ̃a jarad̶ara jũma b̶ʌdua, maʌ̃neba mʌ̃ra bʌ ume idjab̶a israelerã ume bed̶ea b̶ʌbʌrʌ bẽrã.–

Exodo 34:28

Maʌ̃ne Moisera Ãcõrẽ ume Sinai eyad̶e b̶asia cuarenta ewari ãsa diamasi bid̶a. Idjira ne coẽ́ b̶asia idjab̶a baido sid̶a doẽ́ b̶asia. Mõgara umé pewed̶ea od̶ad̶e Ãcõrẽba ĩjã obi b̶ʌ bed̶ea die diad̶ara jũma jaya b̶ʌsia.

Josue 6:20

Sacerdoterãba ãdji cachiru dãrã jĩgua zasid̶ad̶e jũmarãda jĩgua b̶iasid̶aa. Maʌ̃ne Jerico puru aud̶u jũrã ca b̶ʌra idub̶a tod̶ogozoasia. Ara maʌ̃da israelerãra daucha djõne pirapod̶aped̶a purura poyasid̶aa.