Exodo 34:1 - Ãcõrẽ Bed̶ea

¹ Idjab̶a Ãcõrẽba Moisea jarasia: –Mõgarada umé pewed̶ea odua mʌ̃a naãrã o diad̶a quĩrãca. Maʌ̃ mõgarad̶e mʌ̃a mõgara naãrã o diad̶ad̶e jaya b̶ʌd̶ara wayacusa jaya b̶ʌya, dji naãrãbemara bʌa jũma tod̶ozoabid̶a bẽrã.–

Exodo 34:1 Iomraidhean Croise

Exodo 24:12

Mãwãnacarea Ãcõrẽba Moisea jarasia: –Sinai eyad̶e mʌ̃maa ʌ̃taa zeped̶a jʌ̃ã b̶edua. Mʌ̃a mõgara pewed̶ea b̶ʌda umé diaya. Maʌ̃ mõgarad̶e mʌ̃a ĩjã obi b̶ʌ bed̶eada b̶ʌ́ erob̶ʌa israelerãa jaradia b̶amãrẽã.–

Exodo 31:18

Ãcõrẽba Moisea Sinai eyad̶e maʌ̃ra jũma jaraped̶a mõgara pewed̶ea b̶ʌda umé diasia. Maʌ̃ mõgarad̶e idjia ĩjã obi b̶ʌ bed̶eada b̶ʌ́ diasia.

Exodo 32:16

Ãcõrẽbʌrʌ maʌ̃ umébema mõgara pewed̶ea b̶ʌda osia; idjiabʌrʌ maʌ̃ mõgarad̶e jaya b̶ʌsia.

Exodo 32:19

Moise israelerã duanʌ caita jũẽsid̶e unusia ãdjirãra cari duanʌda idjab̶a paca zaque ãdji jʌwaba oped̶ad̶ada. Maʌ̃ carea bio quĩrũped̶a Ãcõrẽba diad̶a mõgara pewed̶eada Sinai eya carrad̶aa jĩãwẽsia. Maʌ̃ mõgarara jũma tod̶ozoasia.

Exodo 34:28

Maʌ̃ne Moisera Ãcõrẽ ume Sinai eyad̶e b̶asia cuarenta ewari ãsa diamasi bid̶a. Idjira ne coẽ́ b̶asia idjab̶a baido sid̶a doẽ́ b̶asia. Mõgara umé pewed̶ea od̶ad̶e Ãcõrẽba ĩjã obi b̶ʌ bed̶ea die diad̶ara jũma jaya b̶ʌsia.

Exodo 34:4

Ara maʌ̃da Moiseba mõgarada umé pewed̶ea osia Ãcõrẽba naãrã o diad̶a quĩrãca. Nurẽma diaped̶ed̶a Sinai eyad̶e ʌ̃taa wãsia Ãcõrẽba idjía jarad̶a quĩrãca. Mõgara umé pewed̶ea od̶ada idji jʌwad̶e edesia.