Exodo 33:3 - Ãcõrẽ Bed̶ea

³ Maʌ̃ druad̶e baridua ne uped̶ad̶ara bia zaubaria. Baribʌrʌ mʌ̃ra bãrã ume wãẽ́a cʌwʌrʌ zarea b̶ea carea quinibi amaaba.–

Exodo 33:3 Iomraidhean Croise

2 Reye 17:14

Baribʌrʌ israelerãba ĩjã od̶aẽ́ basía, ãtebʌrʌ ãdji drõã naẽnabemarã quĩrãca cʌwʌrʌ zarea panesid̶aa. Ãcõrẽra ĩjãnaẽ́ basía.

Exodo 13:5

Ãcõrẽba bãrãra Canaaʌ̃ druad̶aa edeya. Maʌ̃ druad̶e baridua ne uped̶ad̶ara bia zaubaria. Mama cananeorãda, hititarãda, amorreorãda, heveorãda, idjab̶a jebuseorã sid̶a duanʌa. Baribʌrʌ Ãcõrẽba bãrã drõã naẽnabemarãa wãrãneba jarasia maʌ̃ druara bãrãa diaida. Jãma jũẽped̶ad̶acarea poaza naʌ̃ jed̶ecod̶e bãrãba naʌ̃ quĩrãca od̶ida panʌa bãrã Egiptod̶eba ẽdrʌped̶ad̶a ewarida quĩrãnebad̶i carea.

Exodo 23:21

Jũma idjia jara b̶ʌra ĩjã od̶adua. Ĩjã od̶aẽ́bʌrʌ idjia bãrãra quĩrã djuburiaẽ́a, mʌ̃ trʌ̃neba bed̶ea b̶ʌ bẽrã.

Exodo 3:17

Idjia bãrãra Egiptod̶e bia mĩga panʌda ẽdrʌ b̶ʌped̶a dewara druad̶aa edeyad̶a asia. Maʌ̃ druad̶e baridua ne uped̶ad̶ara bia zaubaria. Mama cananeorãda, hititarãda, amorreorãda, perezeorãda, heveorãda, idjab̶a jebuseorã sid̶a duanʌa.”

Exodo 3:8

Maʌ̃ bẽrã mʌ̃a ãdjirãra egiptorã jʌwaed̶a panʌnebemada ẽdrʌ b̶ʌi carea ze b̶ʌa. Egipto druad̶ebemada ẽdrʌ b̶ʌped̶a mʌ̃a dewara druad̶aa edeya. Maʌ̃ druara bio bia b̶ʌa idjab̶a waib̶ʌa b̶ʌa. Maʌ̃ druad̶e baridua ne uped̶ad̶ara bia zaubaria. Mama cananeorãda, hititarãda, amorreorãda, perezeorãda, heveorãda, idjab̶a jebuseorã sid̶a duanʌa.

Exodo 32:14

Moiseba jara b̶ʌ carea Ãcõrẽba idji puru quinibi crĩcha erob̶ad̶ara idu b̶ʌsia.

Exodo 33:5

Mãwã osid̶aa Ãcõrẽba Moisea nãwã jarad̶a bẽrã: –Israelerãa nãwã jaradua: “Bãrãra cʌwʌrʌ zarea b̶eaa. Mʌ̃da bãrã ume maãrĩ bid̶a wãibʌrʌ, ab̶ed̶a jũma quinibiya. Jãʌ̃be bãrã djiora jũma ẽrãcuad̶aped̶a mʌ̃a bãrãra sãwã oida cawa jaraya.”–

Exodo 34:9

Nãwã jarasia: –Mʌ̃ Boro, bʌa mʌ̃da bia unu b̶ʌbʌrʌ, dairã ume wãdua. Naʌ̃ ẽberãrãra cʌwʌrʌ zarea panʌmĩna dairãba cadjirua oped̶ad̶ara quĩrãdoadua idjab̶a dairãra edadua bʌ puru bamãrẽã.–

Joná 3:10

Ninived̶ebemarãba mãwã o panʌra Ãcõrẽba unusia. Idjab̶a sãwã ãdji cadjiruara idu b̶ʌsid̶ada unusia. Maʌ̃ carea idjia cawa oi jarad̶ara oẽ́ basía.

Joná 3:4

Jonára purud̶e ed̶aa wãped̶a nabema ewarid̶e pʌrrʌa nĩbasia. Nãwã jĩgua jara nĩbasia: –¡Cuarenta ewari babʌrʌd̶e Ãcõrẽba naʌ̃ Ninive purura jũma ãrĩya!–

Numero 13:27

Ãdjirãba Moisea nãwã nẽbʌrʌsid̶aa: –Bʌa wãbid̶a druad̶e dairãra jũẽsid̶aa. Wãrãda maʌ̃ druad̶e baridua ne uped̶ad̶ara bia zaubaria. Maʌ̃ druad̶ebema nejõda acʌdua.

Numero 14:12

Maʌ̃ carea mʌ̃a ãdjirãra quinibiya. Baribʌrʌ bʌd̶eba mʌ̃a ãdjirã cãyãbara puru waib̶ʌara b̶ʌda idjab̶a ʌb̶ʌara b̶ʌda yõbiya.–

Numero 14:8

Maʌ̃ druad̶e baridua ne uped̶ad̶ara bia zaubaria. Ãcõrẽba dadjirãda bia unu b̶ʌbʌrʌ maʌ̃ druad̶aa edeped̶a jũma diaya.

Numero 16:13

Bʌa daira drua biad̶eba ẽdrʌ enesia. Maʌ̃ druad̶ebʌrʌ baridua ne uped̶ad̶ara bia zaubaria. Bʌa daira naʌ̃ ẽjũã põãsa ewaraga b̶ʌd̶e jũma quinibibʌrʌa. Maʌ̃da ¿bʌra wad̶ibid̶a dai boroda b̶a quĩrĩã b̶ʌca?

Numero 16:21

–Naʌ̃ ẽberãrã caitabemada ãyã wãnadua. Mʌ̃a ãdjirãra ab̶ed̶a jũma quinibiya.–

Numero 16:45

–¡Naʌ̃ puru caitabemada ãyã wãnadua! ¡Mʌ̃a ãdjirãra ab̶ed̶a jũma quinibiya!– Ara maʌ̃da Moisera Aaroʌ̃ sid̶a chĩrãborod̶e b̶arru copanesid̶aa.

Hecho 7:51

¡Bãrãra cʌwʌrʌ zarea tab̶eaa! ¡Sod̶eba ĩjãnacaa! Ãcõrẽ bed̶eara ũrĩ quĩrĩãnacaa. Ãcõrẽ Jaureba jara b̶ʌra bãrãba ewariza igarabadaa. Ara bãdji drõãenabemarã quĩrãca panʌa.

Josue 5:6

Ãcõrẽba ãdjirãa nãwã jarasia: “Mʌ̃a bãrã drõã naẽnabemarãa wãrãneba jarasia Canaaʌ̃ druada diaida. Maʌ̃ druad̶e baridua ne uped̶ad̶ara bia zaubaria.” Baribʌrʌ Ãcõrẽba jarad̶ara ãdjirãba ĩjã od̶aẽ́ basía. Maʌ̃ carea idjia wãrãneba jarasia ãdjirãba maʌ̃ ẽjũãra edad̶aẽ́da. Mãwã jarad̶a bẽrã ãdjirãra cuarenta poa ẽjũã põãsa ewaraga b̶ʌd̶e pʌrrʌa nĩbabadjid̶aa. Mãwã nĩnane jũma dji mẽsrã b̶ea Egiptod̶eba ẽdrʌped̶ad̶ara quinisid̶aa.

1 Samuel 2:30

Dadji israelerã Ãcõrẽba naẽna jarasia bʌ ded̶ebemarãra, jũma bʌ ẽberãrã sid̶a ewariza idji sacerdoterãda b̶ead̶ida. Baribʌrʌ id̶ira nãwã jara b̶ʌa: “Mʌ̃a bãrãra waa mʌ̃ sacerdoterã idu babiẽ́a. Ãtebʌrʌ mʌ̃ bia jara panʌda mʌ̃a bia b̶ʌya idjab̶a mʌ̃ igara panʌra mʌ̃a biẽ́ b̶ʌya.