Exodo 33:2 - Ãcõrẽ Bed̶ea

² Mʌ̃ nezoca bajãnebemada bãrã na wãbiya cananeorãda, amorreorãda, hititarãda, perezeorãda, heveorãda, jebuseorã sid̶a jũma ãyã jʌrecuai carea.

Exodo 33:2 Iomraidhean Croise

Genesi 15:21

amorreorã, cananeorã, gergeseorã, jebuseorã ẽjũã sid̶a mʌ̃a bʌd̶eba yõbʌdarãa jũma diaya.–

Genesi 24:7

Ãcõrẽ bajãne b̶ʌba mʌ̃ra nama enesia mʌ̃ zeza ded̶ebemada, mʌ̃ ẽberãrã druad̶ebemada. Ãcõrẽba mʌ̃́a wãrãneba jarasia idjia mʌ̃ warrarãa naʌ̃gʌ druada diaida. Ara maʌ̃ Ãcõrẽba idji bajãnebema nezocada bʌ na diabueya bʌa mʌ̃ warra itea mamabema wẽrãda enemãrẽã.

Exodo 23:20

Ũrĩnadua. Mʌ̃ nezoca bajãnebemada bãrã na wãbiya bia waga edemãrẽã mʌ̃a bãrã itea erob̶ʌ ẽjũãnaa.

Exodo 3:17

Idjia bãrãra Egiptod̶e bia mĩga panʌda ẽdrʌ b̶ʌped̶a dewara druad̶aa edeyad̶a asia. Maʌ̃ druad̶e baridua ne uped̶ad̶ara bia zaubaria. Mama cananeorãda, hititarãda, amorreorãda, perezeorãda, heveorãda, idjab̶a jebuseorã sid̶a duanʌa.”

Exodo 3:8

Maʌ̃ bẽrã mʌ̃a ãdjirãra egiptorã jʌwaed̶a panʌnebemada ẽdrʌ b̶ʌi carea ze b̶ʌa. Egipto druad̶ebemada ẽdrʌ b̶ʌped̶a mʌ̃a dewara druad̶aa edeya. Maʌ̃ druara bio bia b̶ʌa idjab̶a waib̶ʌa b̶ʌa. Maʌ̃ druad̶e baridua ne uped̶ad̶ara bia zaubaria. Mama cananeorãda, hititarãda, amorreorãda, perezeorãda, heveorãda, idjab̶a jebuseorã sid̶a duanʌa.

Exodo 32:34

Jãʌ̃be wãdua. Jãʌ̃ ẽberãrãra ededua mʌ̃a bʌ́a jarad̶a druad̶aa. Mʌ̃ nezoca bajãnebemara bãrã na wãya. Baribʌrʌ mʌ̃a cawa oi ewarid̶e ãdjirãra cawa oya cadjirua oped̶ad̶a carea.–

Exodo 33:12

Moiseba Ãcõrẽa jarasia: –Bʌa mʌ̃́a jara b̶ʌa naʌ̃ ẽberãrãra nocod̶aa edemãrẽã. Baribʌrʌ bʌa jaraẽ́ b̶ʌa caida diabueida mʌ̃ carebamãrẽã. Idjab̶a bʌa jara b̶ʌa mʌ̃ra bio cawa b̶ʌda idjab̶a bio bia unu b̶ʌda.

Exodo 34:11

Jũma mʌ̃a id̶i jara b̶ʌra ĩjã od̶adua. Maʌ̃ne bãrã quĩrãpita mʌ̃a amorreorãda, cananeorãda, hititarãda, perezeorãda, heveorãda, jebuseorã sid̶a jũma ãyã jʌrecuaya.

Exodo 34:24

Bãrã quĩrãpita mʌ̃a Canaaʌ̃ druad̶ebemarãra jũma ãyã jʌrecuaya idjab̶a bãrãa druara waib̶ʌa diaya. Maʌ̃ bẽrã poaza b̶arima ũbea bãrã mʌ̃ quĩrãpita wãbʌdad̶e ni ab̶aʌba bãrã ẽjũãra jãrĩne zed̶aẽ́a.

Josue 24:11

Mamaʌba Jordaʌ̃ do chãnaped̶a bãrãra Jerico caita jũẽne wãsid̶aa. Maʌ̃ne Jericod̶ebemarãra bãrã ume djõsid̶aa baribʌrʌ mʌ̃a bãrãa poyabisia. Ara maʌ̃ quĩrãca mʌ̃a amorreorãda, perezeorãda, cananeorãda, hititarãda, gergeseorãda, heveorãda, jebuseorã sid̶a bãrãa jũma poyabisia.

Josue 3:10

Ãcõrẽ zocai b̶ʌra dadjirã tãẽna b̶ʌa. Idjia jũma naʌ̃ ẽjũãra poya b̶ʌa. Idjiabʌrʌ cananeorãda, hititarãda, heveorãda, perezeorãda, gergeseorãda, amorreorãda, jebuseorã sid̶a dadjirãa jũma poyabiya. Maʌ̃ra bãrãba nãwã cawad̶ia: sacerdoterãba Ãcõrẽ baurudera Jordaʌ̃ dod̶e bãrã na eded̶ia.

Juece 6:9

Egiptorã jʌwaed̶abemada, jũma bãrã biẽ́ o erob̶ea jʌwaed̶abema sid̶a mʌ̃a bãrãra ẽdrʌ b̶ʌsia. Mʌ̃a ãdjirãra bãrã quĩrãpitabemada jũma ãyã jʌretaped̶a ãdjirã druara bãrãa diasia.