Exodo 32:4 - Ãcõrẽ Bed̶ea

⁴ Aaroʌ̃ba maʌ̃ pĩrũra edaped̶a tʌbʌd̶e dorrab̶aribisia. Maʌ̃ oro dorrab̶arid̶aba paca zaque quĩrãca osia. Maʌ̃ ununaped̶a israelerãba jarasid̶aa: –Naʌ̃drʌ dadjirã Egiptod̶eba ẽdrʌ enena ãcõrẽa.–

Exodo 32:4 Iomraidhean Croise

1 Reye 12:28

Maʌ̃ carea idjiare b̶eaa iwid̶isia sãwã oida b̶ʌ cawaya. Maʌ̃be ãdjia jaraped̶ad̶a quĩrãca idjia paca zaque orod̶eda umé obisia. Oped̶ad̶acarea israelerãa nãwã jarasia: –Bãrã israelerãra ara cadrʌa Jerusaleʌ̃naa wãniẽ́ panʌa animarãda Ãcõrẽa babue diad̶i carea. Naʌ̃ paca zaquerãda bãrã ãcõrẽa. Ãdjiabʌrʌ bãrãra Egiptod̶eba ẽdrʌ enesid̶aa.–

1 Reye 12:32

Eya boro Betel puru caita b̶ʌd̶e maʌ̃ sacerdoterãra b̶ʌsia animarãda oro od̶a paca zaquea babue diad̶amãrẽã. Maʌ̃ awara ara idji crĩchad̶eba ochobema jed̶ecod̶e quince ewarid̶e ewari dromada Betel purud̶e obisia Juda druad̶e sietebema jed̶ecod̶e obada quĩrãca. Maʌ̃ne idjiabʌrʌ incienso querada oro od̶a paca zaquea bá diasia. Mamaʌba ʌ̃taa idjia b̶ʌd̶a ewari dromara israelerãba poaza obadjid̶aa.

2 Reye 10:20

Maʌ̃be jarasia: –Ewarida b̶ʌd̶adua ãbaa dji jʌred̶aped̶a Baalea bia bed̶ead̶i carea.– Ara maʌ̃da ewarida b̶ʌsid̶aa.

2 Reye 10:29

Baribʌrʌ Nabat warra Jeroboaʌ̃ba cadjirua od̶ara Jehúba igaraẽ́ basía. Oro od̶a paca zaquea idu bia bed̶eabisia. Maʌ̃ paca zaquera Betel purud̶e idjab̶a Daʌ̃ purud̶e bid̶a wad̶i eropanasid̶aa. Naẽna maʌ̃neba Jeroboaʌ̃ba israelerãa cadjiruada obisia.

Exodo 20:2

–Mʌ̃ra Ãcõrẽa. Mʌ̃abʌrʌ bãrãra Egiptod̶e nezoca b̶ead̶ada ẽdrʌ enesia.

Exodo 20:23

Maʌ̃ bẽrã oro od̶ada idjab̶a parata od̶ada baridua za quĩrãca orãnadua maʌ̃́a iwid̶id̶i carea.

Exodo 20:4

Baridua bajãnebema za quĩrãca, naʌ̃ ẽjũãnebema za quĩrãca, doed̶abema za quĩrãca bid̶a orãnadua maʌ̃́a iwid̶id̶i carea.

Exodo 28:11

Djio obariba sẽyã jaya corobari quĩrãca ãdji trʌ̃ra maʌ̃ umébema mõgarad̶e biya jaya b̶ʌd̶ida panʌa. Maʌ̃be mõgarara oro od̶ad̶aa cara b̶ʌd̶adua.

Exodo 28:9

Idjab̶a mõgara ónice abadada umé edad̶aped̶a maʌ̃ mõgarad̶e Israel doce warrarã trʌ̃ra jaya b̶ʌd̶adua dji nabemaneba ab̶a dji tẽãbemanaa. Mõgara ab̶aʌd̶e trʌ̃ra sei panania. Dewarabema mõgarad̶e bid̶a trʌ̃ra sei panania.

Exodo 32:1

Moisera Sinai eyad̶eba ed̶aa zeẽ́ b̶ʌda dãrãbʌrʌ bẽrã israelerãra Aaroʌ̃maa wãnaped̶a nãwã jarasid̶aa: –Jãʌ̃ Moiseba dairãra Egiptod̶eba ẽdrʌ enesia, baribʌrʌ idji sãwãnada dairãba cawad̶aẽ́a. Maʌ̃ bẽrã dairã nocod̶aa edemãrẽã ãcõrẽda odua.–

Exodo 32:24

Maʌ̃ carea mʌ̃a panusia: “Oro od̶a pĩrũ erob̶eaba mʌ̃́a ẽrã diad̶adua.” Ara maʌ̃da ãdjirãba ẽrã diacuasid̶aa. Maʌ̃da mʌ̃a tʌbʌd̶e b̶atabueped̶a cawaẽ́ne paca zaque quĩrãca b̶ʌda odjasia.–

Exodo 32:3

Ara maʌ̃da ãdjirãba pĩrũ oro od̶ara Aaroʌ̃a jũma ẽrã diacuasid̶aa.

Exodo 32:35

Maʌ̃be Ãcõrẽba israelerãra zocãrã quinibisia Aaroʌ̃ba jʌwaba od̶a paca zaquea bia bed̶ea duanana carea.

Exodo 32:5

Maʌ̃ ũrĩped̶a Aaroʌ̃ba animarã babue diabadada osia paca zaque jʌwaba od̶a caita. Maʌ̃be israelerãa nãwã jarasia: –Nu ewari dromada Ãcõrẽ itea od̶ia.–

Exodo 32:7

Maʌ̃ne Ãcõrẽba Moisea jarasia: –Isabe ed̶aa wãdua bʌ ẽberãrã Egiptod̶eba enenaba cadjiruada o duanʌ bẽrã.

Exodo 32:8

Ãdjirãba dãrãẽ́ne mʌ̃ leyra igarad̶aped̶a oroda dorrab̶aribid̶aped̶a paca zaque quĩrãca osid̶aa. Maʌ̃gʌ́a ãdjirãba bia bed̶ea panʌa idjab̶a animarãda babue diacuad̶aped̶a jara panʌa: “Naʌ̃drʌ dadjirã Egiptod̶eba ẽdrʌ enena Ãcõrẽa.”–

Hecho 17:29

Dadjirãda Ãcõrẽ warrarãbʌrʌ, crĩchad̶iẽ́ panʌa Ãcõrẽra oro od̶ada, parata od̶ada, wa mõgara od̶ada, maʌ̃gʌra ẽberãba ara idji crĩchad̶eba od̶a bẽrã.

Hecho 7:41

Ara maʌ̃da ãdjirãba paca zaque zaca b̶ʌda osid̶aa. Maʌ̃gʌ́a animarãda babue diasid̶aa. Maʌ̃ne ãdji jʌwaba oped̶ad̶a carea b̶ʌsrid̶a ewarida osid̶aa.

1 Corinto 10:7

Jʌwaba od̶a ãcõrẽra ẽpẽrãnadua ʌ̃cʌrʌ ãdjirãba ẽpẽped̶ad̶a quĩrãca. Ãcõrẽ Bed̶ead̶e ãdjirãnebemada nãwã b̶ʌ́ b̶ʌa: “Ẽberãrãra chũpanenaped̶a b̶ʌsrid̶a ãbaa ne co duanasid̶aa idjab̶a itua do duanasid̶aa. Mãwãnacarea pirab̶arid̶aped̶a ãdji cacuaba o quĩrĩã b̶ʌra o duanesid̶aa.”