Exodo 32:13 - Ãcõrẽ Bed̶ea

¹³ Quĩrãnebadua bʌ nezocarã Abrahaʌ̃ ume, Isa ume, idjab̶a Jacobo ume bid̶a bed̶ea b̶ʌd̶ada. Bʌa ara bʌdji trʌ̃neba ãdjirãa wãrãneba nãwã jarasia: “Mʌ̃a bãrãneba ẽberãrã zocãrã yõbiya chĩdau zocãrã bajãne panʌ quĩrãca. Idjab̶a jũma mʌ̃a diai jarad̶a druara mʌ̃a bãrãneba yõbʌdarãa diaya ãdjirãne bamãrẽã.”–

Exodo 32:13 Iomraidhean Croise

Genesi 12:2

Bʌd̶eba puru dromada mʌ̃a yõbiya, bʌra bia b̶ʌya, trʌ̃ b̶ʌga b̶ʌya, idjab̶a bʌd̶eba dewararãda bia duanania.

Genesi 12:7

Mama Ãcõrẽra Abraʌ̃ma odjaped̶a nãwã jarasia: “Mʌ̃a naʌ̃ ẽjũãra bʌd̶eba yõbʌdarãa diaya.” Maʌ̃be Abraʌ̃ba mõgarada ʌ̃tʌ pã buesia ara maʌ̃ Ãcõrẽ idjima odjad̶aa bia bed̶eai carea.

Genesi 15:18

Ara maʌ̃ba Ãcõrẽba Abraʌ̃ ume nãwã bed̶ea b̶ʌsia: –Wãrãda mʌ̃a bʌd̶eba yõi purua naʌ̃gʌ ẽjũãra diaya Egipto quĩrãpe b̶ʌ dod̶eba ab̶a do waib̶ʌa Euprate abadad̶aa.

Genesi 15:5

Maʌ̃be dajadaa edeped̶a Ãcõrẽba jarasia: –Bajãnaa acʌdua, maʌ̃be chĩdauda jũma poya juachaibʌrʌ, juachadua. Jãʌ̃ chĩdau zocãrã b̶ʌ quĩrãca bʌd̶eba yõbʌdarã sid̶a zocãrã duanania.–

Genesi 15:7

Maʌ̃be Ãcõrẽba jarasia: –Mʌ̃ra Ãcõrẽa. Mʌ̃abʌrʌ bʌra caldeorã puru Urd̶eba ẽdrʌ enesia naʌ̃ Canaaʌ̃ ẽjũãra diai carea.–

Genesi 17:8

Idjab̶a bʌ b̶abari ẽjũãra bʌ́a, bʌd̶eba yõbʌdarãa bid̶a mʌ̃a diaya. Mʌ̃a bãrãa jũma Canaaʌ̃ druara diaya ewariza bãrãne bamãrẽã. Maʌ̃ne mʌ̃drʌ bãrã Ãcõrẽ baya.–

Genesi 22:16

Nãwã jarasia: –Ãcõrẽba nãwã jara b̶ʌa: “Bʌ warra ab̶abe quiruda wãgaẽ́ diai bad̶a bẽrã, ara mʌ̃dji trʌ̃neba mʌ̃a wãrãneba jarabʌrʌa bʌra careba b̶aida. Mʌ̃a bʌd̶eba zocãrã yõbiya chĩdau zocãrã panʌ quĩrãca, pusa icawa ĩbʌ pichi zocãrã baraa quĩrãca. Maʌ̃ awara bʌd̶eba yõbʌdaba ãdji dji quĩrũ puru b̶eara jãrĩnia.

Genesi 24:7

Ãcõrẽ bajãne b̶ʌba mʌ̃ra nama enesia mʌ̃ zeza ded̶ebemada, mʌ̃ ẽberãrã druad̶ebemada. Ãcõrẽba mʌ̃́a wãrãneba jarasia idjia mʌ̃ warrarãa naʌ̃gʌ druada diaida. Ara maʌ̃ Ãcõrẽba idji bajãnebema nezocada bʌ na diabueya bʌa mʌ̃ warra itea mamabema wẽrãda enemãrẽã.

Genesi 48:16

Idjia jũma mʌ̃ bia mĩga b̶ʌd̶ebemada ẽdrʌ edabaria. Maʌ̃gʌ Ãcõrẽba naʌ̃ warrarãra carebaya. Mʌ̃a quĩrĩã b̶ʌa ãdjid̶eba naʌ̃ ẽjũãne zocãrã yõnida. Mãwã naʌ̃ warrarãneba mʌ̃ trʌ̃ra, mʌ̃ zezadrõã Abrahaʌ̃ trʌ̃ra, mʌ̃ zeza Isa trʌ̃ sid̶a jũmarãba quĩrãneba panania.

Exodo 13:11

Ãcõrẽba bãrãra cananeorã druad̶aa edeped̶a maʌ̃ druara diaya idjia bãrã drõã naẽnabemarãa, bãrãa bid̶a wãrãneba diaida jarad̶a bẽrã.

Exodo 13:5

Ãcõrẽba bãrãra Canaaʌ̃ druad̶aa edeya. Maʌ̃ druad̶e baridua ne uped̶ad̶ara bia zaubaria. Mama cananeorãda, hititarãda, amorreorãda, heveorãda, idjab̶a jebuseorã sid̶a duanʌa. Baribʌrʌ Ãcõrẽba bãrã drõã naẽnabemarãa wãrãneba jarasia maʌ̃ druara bãrãa diaida. Jãma jũẽped̶ad̶acarea poaza naʌ̃ jed̶ecod̶e bãrãba naʌ̃ quĩrãca od̶ida panʌa bãrã Egiptod̶eba ẽdrʌped̶ad̶a ewarida quĩrãnebad̶i carea.

Exodo 33:1

Maʌ̃be Ãcõrẽba Moisea jarasia: –Namaʌba bʌra, ẽberãrã bʌa Egiptod̶eba ẽdrʌ enena ume wãnadua mʌ̃a diai jarad̶a druad̶aa. Maʌ̃ druara mʌ̃a Abrahaʌ̃a, Isaa, Jacoboa bid̶a wãrãneba jarasia ãdjid̶eba yõbʌdarãa diaida.

Hebreo 6:13

Ãcõrẽ cãyãbara dji dromaara b̶ʌda neẽ́a. Maʌ̃ bẽrã Abrahaʌ̃ ume bed̶ea b̶ʌsid̶e ara idji trʌ̃neba wãrãda carebayad̶a asia.